قورئانا پیرۆز › سورەتا الأعراف › ئایەتا ٨٧
سورەتا الأعراف · ئایەتا ٨٧ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِلَىٰ مَدۡيَنَ أَخَاهُمۡ شُعَيۡبٗاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ قَدۡ جَآءَتۡكُم بَيِّنَةٞ مِّن رَّبِّكُمۡۖ فَأَوۡفُواْ ٱلۡكَيۡلَ وَٱلۡمِيزَانَ وَلَا تَبۡخَسُواْ ٱلنَّاسَ أَشۡيَآءَهُمۡ وَلَا تُفۡسِدُواْ فِي ٱلۡأَرۡضِ بَعۡدَ إِصۡلَٰحِهَاۚ ذَٰلِكُمۡ خَيۡرٞ لَّكُمۡ إِن كُنتُم مُّؤۡمِنِينَ ﴿٨٥﴾
ومه بۆ ئويجاخا (مه‌ديه‌ن) برايێ وان شوعه‌يب سلاڤ لێ بن هنارتبوو، ئينا وى گۆته وان: ئه‌ى ملله‌تێ من عه‌بدينییا خودێ ب تنێ بكه‌ن؛ چونكى ژ وى پێڤه‌تر هه‌وه چو خودايێن دى يێن هێژاى په‌رستنێ نينن، ب ڕاستى نيشانه‌كا ئاشكه‌را ژ خودايێ هه‌وه ل سه‌ر ڕاستییا وێ يا ئه‌ز بۆ هه‌وه پێ هاتيم هاتییه، ڤێجا هوين مافێ مرۆڤان ب ڕه‌نگه‌كێ پێكهاتى بده‌نێ، وپيڤان وكێشانێ ب تمامى پێك بينن، وهوين زۆردارییێ ل وان نه‌كه‌ن كو تشته‌كى ژ مافێ وان كێم بكه‌ن، وهوين -ب كوفرێ وزۆردارییێ- خرابكارییێ د عه‌ردى دا نه‌كه‌ن پشتى ئه‌و ب شريعه‌تێن پێغه‌مبه‌رێن به‌رێ سلاڤ لێ بن چاك بووى. ئه‌ڤه يا من به‌رێ هه‌وه دايێ د دنيايێ وئاخره‌تێ دا بۆ هه‌وه چێتره، ئه‌گه‌ر هوين باوه‌رییێ ب وێ بينن يا ئه‌ز به‌رێ هه‌وه دده‌مێ، وكارى ب شريعه‌تێ خودێ بكه‌ن.
وَلَا تَقۡعُدُواْ بِكُلِّ صِرَٰطٖ تُوعِدُونَ وَتَصُدُّونَ عَن سَبِيلِ ٱللَّهِ مَنۡ ءَامَنَ بِهِۦ وَتَبۡغُونَهَا عِوَجٗاۚ وَٱذۡكُرُوٓاْ إِذۡ كُنتُمۡ قَلِيلٗا فَكَثَّرَكُمۡۖ وَٱنظُرُواْ كَيۡفَ كَانَ عَٰقِبَةُ ٱلۡمُفۡسِدِينَ ﴿٨٦﴾
وهوين ل سه‌رێن ڕێكان نه‌ڕوينن گه‌فا ب كوشتنێ ل خه‌لكى بكه‌ن ئه‌گه‌ر ئه‌و مالێ خۆ نه‌ده‌نه هه‌وه، وهوين به‌رێ وى ژ ڕێكا خودێ پاشڤه دبه‌ن يێ باوه‌رى پێ ئيناى، وچاكى كرى، وهوين دخوازن ڕێكا خودێ يا خوار بت، ووه‌سا وێ وه‌رباده‌ن كو ب كێر دلچوونێن هه‌وه بێت، وهوين خه‌لكى ژێ دده‌نه پاش. وهوين بيرا خۆ ل قه‌نجییا خودێ بيننه ڤه ده‌مێ هژمارا هه‌وه يا كێم ئينا وى هوين زێده‌كرن، ڤێجا هوين سه‌رفه‌راز بوون و ب هێزكه‌فتن، وبه‌رێ خۆ بده‌نێ كانێ دويماهییا خرابكاران د عه‌ردى دا يا چاوا بوو، و چ تێچوون ونه‌مان هاته سه‌رێ وان؟
وَإِن كَانَ طَآئِفَةٞ مِّنكُمۡ ءَامَنُواْ بِٱلَّذِيٓ أُرۡسِلۡتُ بِهِۦ وَطَآئِفَةٞ لَّمۡ يُؤۡمِنُواْ فَٱصۡبِرُواْ حَتَّىٰ يَحۡكُمَ ٱللَّهُ بَيۡنَنَاۚ وَهُوَ خَيۡرُ ٱلۡحَٰكِمِينَ ﴿٨٧﴾
وئه‌گه‌ر ده‌سته‌كه‌كێ ژ هه‌وه باوه‌رى ب وێ ئينا يا خودێ ئه‌ز پێ هنارتيم، وده‌سته‌كه‌كێ باوه‌رى پێ نه‌ئينا، ئێدى هوين ئه‌ى دره‌وپێكه‌ر چاڤه‌ڕییى حوكمێ خودێ بن يێ كو دێ ڤه‌بڕێ ئێخته ناڤبه‌را مه، ده‌مێ ئه‌و عه‌زابا وى ب سه‌ر هه‌وه دا دئێت يا وى هوين پێ ترساندين. وخودێ چێترينێ حوكمدارانه د ناڤبه‌را به‌نییێن خۆ دا.
۞قَالَ ٱلۡمَلَأُ ٱلَّذِينَ ٱسۡتَكۡبَرُواْ مِن قَوۡمِهِۦ لَنُخۡرِجَنَّكَ يَٰشُعَيۡبُ وَٱلَّذِينَ ءَامَنُواْ مَعَكَ مِن قَرۡيَتِنَآ أَوۡ لَتَعُودُنَّ فِي مِلَّتِنَاۚ قَالَ أَوَلَوۡ كُنَّا كَٰرِهِينَ ﴿٨٨﴾
ڕێبه‌ر وماقویلێن ملله‌تێ شوعه‌يبى ئه‌وێن خۆ ژ باوه‌رى ئينانا ب خودێ ودویكه‌فتنا پێغه‌مبه‌رێ وى مه‌زنتر ديتى گۆتن: ئه‌ى شوعه‌يب، سويند بت ئه‌م ته وهه‌چییى د گه‌ل ته باوه‌رى ئيناى ژ وه‌لاتێ خۆ ده‌ربێخين، يان ژى هوين دێ ل دينێ مه زڤڕنه‌ڤه، شوعه‌يبى ب مه‌نده‌هۆشى ڤه گۆت: ئه‌رێ ئه‌م دويكه‌فتنا هه‌وه د دينێ هه‌وه يێ نه‌حه‌ق دا بكه‌ين، ئه‌گه‌ر خۆ مه ئه‌و نه‌ڤێت ژى ژ به‌ر كو ئه‌م دزانين ئه‌و دينه‌كێ پويچه؟
قَدِ ٱفۡتَرَيۡنَا عَلَى ٱللَّهِ كَذِبًا إِنۡ عُدۡنَا فِي مِلَّتِكُم بَعۡدَ إِذۡ نَجَّىٰنَا ٱللَّهُ مِنۡهَاۚ وَمَا يَكُونُ لَنَآ أَن نَّعُودَ فِيهَآ إِلَّآ أَن يَشَآءَ ٱللَّهُ رَبُّنَاۚ وَسِعَ رَبُّنَا كُلَّ شَيۡءٍ عِلۡمًاۚ عَلَى ٱللَّهِ تَوَكَّلۡنَاۚ رَبَّنَا ٱفۡتَحۡ بَيۡنَنَا وَبَيۡنَ قَوۡمِنَا بِٱلۡحَقِّ وَأَنتَ خَيۡرُ ٱلۡفَٰتِحِينَ ﴿٨٩﴾
وشوعه‌يبى به‌رده‌وامى دا گۆتنا خۆ بۆ ملله‌تێ خۆ: ئه‌گه‌ر ئه‌م ل دينێ هه‌وه زڤڕينه ڤه پشتى كو خودێ ئه‌م ژێ ڕزگاركرين، ب ڕاستى ئه‌و مه دره‌و ل سه‌ر ناڤێ خودێ كر، وبۆ مه نابت كو ژ بلى دينێ خودايێ خۆ ئه‌م خۆ ڤه‌گوهێزينه سه‌ر دينه‌كێ دى وه‌سا تێ نه‌بت كو خودايێ مه حه‌ز بكه‌ت، خودايێ مه ب زانين هه‌ر تشته‌ك ڤه‌گرتییه، وئه‌و وى تشتى دزانت يێ بۆ به‌نییێن وى باش بت، مه خۆ ب هيڤییا خودايێ خۆ ب تنێ ڤه هێلايه، كو ئه‌و به‌رێ مه بده‌ته هيدايه‌تێ ومه ب سه‌ر بێخت، خودايێ مه تو ب حه‌قییێ حوكمى د ناڤبه‌را مه وملله‌تێ مه دا بكه، وتو چێترينێ حوكمدارانى.