قورئانا پیرۆز › سورەتا الأعراف › ئایەتا ٩٥
سورەتا الأعراف · ئایەتا ٩٥ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَتَوَلَّىٰ عَنۡهُمۡ وَقَالَ يَٰقَوۡمِ لَقَدۡ أَبۡلَغۡتُكُمۡ رِسَٰلَٰتِ رَبِّي وَنَصَحۡتُ لَكُمۡۖ فَكَيۡفَ ءَاسَىٰ عَلَىٰ قَوۡمٖ كَٰفِرِينَ ﴿٩٣﴾
ده‌مێ شوعه‌يب پشتڕاست بووى كو عه‌زاب دێ ب سه‌ر وان دا ئێت، پشت دا وان وگۆت: ئه‌ى ملله‌تێ من، ب ڕاستى من په‌يامێن خودايێ خۆ گه‌هاندنه هه‌وه، ومن شيره‌ت ل هه‌وه كر كو هوين بێنه د دينێ خودێ دا، ووێ بهێلن يا هوين دكه‌ن، به‌لێ هه‌وه گوهدارى نه‌كر، ڤێجا چاوا ئه‌ز ل سه‌ر وى ملله‌تى كوڤاندار ببم يێ كافرى ب ئێكينییا خودێ كرى ودره‌و ب پێغه‌مبه‌رێن وى كرى؟
وَمَآ أَرۡسَلۡنَا فِي قَرۡيَةٖ مِّن نَّبِيٍّ إِلَّآ أَخَذۡنَآ أَهۡلَهَا بِٱلۡبَأۡسَآءِ وَٱلضَّرَّآءِ لَعَلَّهُمۡ يَضَّرَّعُونَ ﴿٩٤﴾
ومه چو پێغه‌مبه‌ره‌ك ل گونده‌كى نه‌هنارتییه به‌رێ وان بده‌ته په‌رستنا خودێ، ووان ژ بوتپه‌رێسییا وان بده‌ته پاش، وملله‌تێ وى ئه‌و دره‌وين ده‌رێخست بت، ئه‌گه‌ر كو مه ئه‌و ب ته‌نگاڤى ونه‌خۆشییێ نه‌گرت بن، ڤێجا مه نه‌خۆشى هاڤێته له‌شێن وان، وهه‌ژارى كره د ناڤ مالێ وان دا؛ دا به‌لكى ئه‌و ل خودايێ خۆ بزڤڕن، وخۆ بۆ وى بشكێنن، وڤه‌گه‌ڕيێنه حه‌قییێ.
ثُمَّ بَدَّلۡنَا مَكَانَ ٱلسَّيِّئَةِ ٱلۡحَسَنَةَ حَتَّىٰ عَفَواْ وَّقَالُواْ قَدۡ مَسَّ ءَابَآءَنَا ٱلضَّرَّآءُ وَٱلسَّرَّآءُ فَأَخَذۡنَٰهُم بَغۡتَةٗ وَهُمۡ لَا يَشۡعُرُونَ ﴿٩٥﴾
پاشى مه ل جهێ نه‌خۆشییێ جاره‌كا دى خۆشى دا وان، ڤێجا له‌شێن وان ساخله‌م بوون، ومالێ وان به‌رفره‌هـ بوو؛ وه‌ك پاشڤه‌هێلان بۆ وان، ودا به‌لكى ئه‌و سوپاسییێ بكه‌ن، ڤێجا ئه‌ڤێ هه‌مییێ چو مفا نه‌گه‌هانده وان، ووان چو وج بۆ خۆ ژێ نه‌گرت وده‌ست ژ كارێ خۆ ڤه‌نه‌كێشا، ووان گۆت: ئه‌ڤه حالێ زه‌مانییه د گه‌ل خه‌لكى، ڕۆژه‌كا خۆشه وئێك يا نه‌خۆشه، وئه‌ڤه به‌راهییێ ب سه‌رێ بابێن مه ژى هاتبوو، ئينا ژ نشكه‌كێ ڤه مه ئه‌و ب عه‌زابێ گرتن وئه‌و دته‌نا، وان هزرا تێچوونێ نه‌دكر.
وَلَوۡ أَنَّ أَهۡلَ ٱلۡقُرَىٰٓ ءَامَنُواْ وَٱتَّقَوۡاْ لَفَتَحۡنَا عَلَيۡهِم بَرَكَٰتٖ مِّنَ ٱلسَّمَآءِ وَٱلۡأَرۡضِ وَلَٰكِن كَذَّبُواْ فَأَخَذۡنَٰهُم بِمَا كَانُواْ يَكۡسِبُونَ ﴿٩٦﴾
وئه‌گه‌ر خه‌لكێ وان گوندان باوه‌رى ب پێغه‌مبه‌رێن خۆ ئينابا، ودويكه‌فتنا وان كربا، وخۆ ژ وێ دويركربا يا خودێ ئه‌و ژێ داينه پاش، خودێ ده‌رگه‌هێن خێرێ ژ هه‌مى لايان ڤه بۆ وان دا ڤه‌كه‌ت، به‌لێ وان دره‌و پێ كر، ئينا خودێ عه‌زابه‌كا ئه‌و پێ تێ بچن دا وان؛ ژ به‌ر كوفر ونه‌گوهدارییا وان.
أَفَأَمِنَ أَهۡلُ ٱلۡقُرَىٰٓ أَن يَأۡتِيَهُم بَأۡسُنَا بَيَٰتٗا وَهُمۡ نَآئِمُونَ ﴿٩٧﴾
ئه‌رێ خه‌لكێ گوندان هزر دكه‌ن ئه‌و ژ عه‌زابا خودێ دپشتڕاستن، كو ئه‌و ب شه‌ڤ د سه‌ر وان دا بێت وئه‌و دنڤستى؟