قورئانا پیرۆز › سورەتا البقرة › ئایەتا ١٢
سورەتا البقرة · ئایەتا ١٢ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فِي قُلُوبِهِم مَّرَضٞ فَزَادَهُمُ ٱللَّهُ مَرَضٗاۖ وَلَهُمۡ عَذَابٌ أَلِيمُۢ بِمَا كَانُواْ يَكۡذِبُونَ ﴿١٠﴾
گومان ددلێن وان دا هه‌يه، ڤێجا ئه‌و ب كرنا وان گونه‌هان هاتنه جه‌رباندن يێن ئه‌و پێ بێنه جزادان، ڤێجا خودێ گومان ل وان زێده‌كر، وعه‌زابه‌كا ب ئێش بۆ وان هه‌يه ژ به‌ر دره‌و ودوڕویاتییا وان.
وَإِذَا قِيلَ لَهُمۡ لَا تُفۡسِدُواْ فِي ٱلۡأَرۡضِ قَالُوٓاْ إِنَّمَا نَحۡنُ مُصۡلِحُونَ ﴿١١﴾
وئه‌گه‌ر شيره‌ت ل وان هاته‌كرن كو ئه‌و ب كافرییێ وكرنا گونه‌هان خرابكارییێ د عه‌ردى دا به‌س كه‌ن، ونهێنییێن خودان باوه‌ران به‌لاڤ نه‌كه‌ن، وپشته‌ڤانییا كافران نه‌كه‌ن، ژ هه‌ڤڕكى ودره‌و ئه‌و دێ بێژن: هه‌ما ئه‌مين یێن چاكییێ دخوازن.
أَلَآ إِنَّهُمۡ هُمُ ٱلۡمُفۡسِدُونَ وَلَٰكِن لَّا يَشۡعُرُونَ ﴿١٢﴾
وئه‌ڤا ئه‌و دكه‌ن و ژ دره‌و دبێژن چاكییه، هه‌ما ئه‌و خرابی ب خۆيه، به‌لێ ژ به‌ر نه‌زانين وسه‌رڕقییا وان ئه‌و پێ ناحه‌سیێن.
وَإِذَا قِيلَ لَهُمۡ ءَامِنُواْ كَمَآ ءَامَنَ ٱلنَّاسُ قَالُوٓاْ أَنُؤۡمِنُ كَمَآ ءَامَنَ ٱلسُّفَهَآءُۗ أَلَآ إِنَّهُمۡ هُمُ ٱلسُّفَهَآءُ وَلَٰكِن لَّا يَعۡلَمُونَ ﴿١٣﴾
وئه‌گه‌ر بۆ دوڕوو‌یان هاته گۆتن: هوین ژى وه‌كى صه‌حابییان باوه‌رییێ بينن -كو باوه‌رییا ب دلى وئه‌زمانى وله‌شییه- ئه‌و دێ هه‌ڤڕكیێ كه‌ن وبێژن: ئه‌رێ ئه‌م وه‌كى نه‌زان وكێم عه‌قلان باوه‌رییێ بينين، ڤێجا دا ئه‌م وئه‌و د كێم فامییێ دا وه‌كى ئێك لێ بهێين؟ خودێ ل وان ڤه‌گيڕا كو كێم عه‌قلى هه‌ر يا وانه، وئه‌و نزانن كانێ ئه‌و چه‌ند دبه‌رزه‌بوون وزيانێ دانه.
وَإِذَا لَقُواْ ٱلَّذِينَ ءَامَنُواْ قَالُوٓاْ ءَامَنَّا وَإِذَا خَلَوۡاْ إِلَىٰ شَيَٰطِينِهِمۡ قَالُوٓاْ إِنَّا مَعَكُمۡ إِنَّمَا نَحۡنُ مُسۡتَهۡزِءُونَ ﴿١٤﴾
وگاڤا ئه‌ڤ دوڕوییه دهاتنه ڕاستا خودان باوه‌ران وان دگۆت: مه وه‌كى هه‌وه باوه‌رى ب ئيسلامێ ئينايه، وئه‌گه‌ر ئه‌و چوونه نك مه‌زنێن خۆ ژ كافرێن سه‌رداچوويى و د گه‌ل وان مانه ب تنێ، ئه‌و وان پشتڕاست دكه‌ن كو ئه‌و هێشتا يێ ل سه‌ر كوفرێ، وهه‌ما وان يارى بۆ خۆ ب خودان باوه‌ران دكر.