قورئانا پیرۆز › سورەتا البقرة › ئایەتا ٢٠
سورەتا البقرة · ئایەتا ٢٠ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
صُمُّۢ بُكۡمٌ عُمۡيٞ فَهُمۡ لَا يَرۡجِعُونَ ﴿١٨﴾
ئه‌و ژ گوهدارییا حه‌قییێ دكه‌ڕن، و ژ گۆتنا وێ دلالن، و ژ ديتنا ڕۆناهییا هیدایه‌تێ دكۆره‌نه؛ له‌وا ئه‌و نه‌شێن ل وێ باوه‌رییێ بزڤڕن يا وان هێلاى، وسه‌رداچوون پێشڤه ب ده‌ست خۆڤه ئیناى.
أَوۡ كَصَيِّبٖ مِّنَ ٱلسَّمَآءِ فِيهِ ظُلُمَٰتٞ وَرَعۡدٞ وَبَرۡقٞ يَجۡعَلُونَ أَصَٰبِعَهُمۡ فِيٓ ءَاذَانِهِم مِّنَ ٱلصَّوَٰعِقِ حَذَرَ ٱلۡمَوۡتِۚ وَٱللَّهُ مُحِيطُۢ بِٱلۡكَٰفِرِينَ ﴿١٩﴾
یان حالێ ده‌سته‌كه‌كا دى ژ دوڕوییان يێن هنده‌ك جاران حه‌قى بۆ ئاشكه‌را دبت، وهنده‌ك جاران ئه‌و تێدا دكه‌ڤنه گومانێ، وه‌كى حالێ وێ كۆمێيه يا ل چۆله‌كى دده‌نه ڕێ، ڤێجا بارانه‌كا بۆش ل وان دكه‌ت، وتارییێن ل سه‌رێك د گه‌ل دا هه‌بن، د گه‌ل تۆپ وبرويسییێن سوژه‌ك، يێن كو ژ ترسان دا ئێكا هند ژ وان چێ دكه‌ت كو ژ ترسێن مرنێ دا ئه‌و تبلێن خۆ بكه‌نه دگوهێن خۆ ڕا. وخودێ دۆرا ل كافران گرتى ئه‌و ژ وى ڕزگار نابن.
يَكَادُ ٱلۡبَرۡقُ يَخۡطَفُ أَبۡصَٰرَهُمۡۖ كُلَّمَآ أَضَآءَ لَهُم مَّشَوۡاْ فِيهِ وَإِذَآ أَظۡلَمَ عَلَيۡهِمۡ قَامُواْۚ وَلَوۡ شَآءَ ٱللَّهُ لَذَهَبَ بِسَمۡعِهِمۡ وَأَبۡصَٰرِهِمۡۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ ﴿٢٠﴾
نێزيكه برويسى -ژ به‌ر دژوارییا ڕۆناهییا خۆ- چاڤێن وان ببه‌ت، و د گه‌ل وێ چه‌ندێ هه‌ر جاره‌كا وێ بۆ وان ڕوهن كر، ئه‌و دێ ل به‌ر ڕۆناهییا وێ چن، وئه‌گه‌ر ئه‌و چوو ڕێ ل به‌ر وان تارى بوو ڤێجا ئه‌و دێ ل جهێن خۆ ڕاوه‌ستن، وئه‌گه‌ر خودێ ل دويڤ وان به‌رنه‌دابا ئه‌و دا وان ژ گوهـ وچاڤان كه‌ت، وئه‌و هه‌ر گاڤ ل سه‌ر وێ چه‌ندێ يێ خودان شيانه، هندى خودێیه ل سه‌ر هه‌ر تشته‌كى يێ خودان شيانه.
يَـٰٓأَيُّهَا ٱلنَّاسُ ٱعۡبُدُواْ رَبَّكُمُ ٱلَّذِي خَلَقَكُمۡ وَٱلَّذِينَ مِن قَبۡلِكُمۡ لَعَلَّكُمۡ تَتَّقُونَ ﴿٢١﴾
ئه‌ڤه گازییه‌كه ژ خودێ بۆ هه‌مى مرۆڤان كو هوين په‌رستنا وى خودایێ خۆ بكه‌ن یێ ب قه‌نجییێن خۆ هوین په‌روه‌رده كرين، و ژ وى بترسن، وپشت نه‌ده‌نه دينێ وى، چونكى وى هوين ويێن به‌رى هه‌وه ژى ژ چوننه‌يێ ئافراندن؛ دا هوين ببنه ژ ته‌قواداران يێن خودێ ژ وان ڕازى بووى وئه‌و ژ وى ڕازى بووين.
ٱلَّذِي جَعَلَ لَكُمُ ٱلۡأَرۡضَ فِرَٰشٗا وَٱلسَّمَآءَ بِنَآءٗ وَأَنزَلَ مِنَ ٱلسَّمَآءِ مَآءٗ فَأَخۡرَجَ بِهِۦ مِنَ ٱلثَّمَرَٰتِ رِزۡقٗا لَّكُمۡۖ فَلَا تَجۡعَلُواْ لِلَّهِ أَندَادٗا وَأَنتُمۡ تَعۡلَمُونَ ﴿٢٢﴾
خودايێ هه‌وه ئه‌وه یێ عه‌رد بۆ هه‌وه ڕائێخستى؛ دا ژينا هه‌وه ل سه‌ر وى ب ساناهى بكه‌ڤت، وعه‌سمان موكم ئاڤاكرى، وباران ژ عه‌ورى باراندى، وهه‌مى ڕه‌نگێن فێقى وشينكاتى بۆ هه‌وه ژێ داين، ڤێجا هوين چو هه‌ڤال وهه‌ڤكویفان بۆ خودێ د په‌رستنێ دا نه‌دانن، و هوين دزانن كو ئه‌و د ئافراندن وڕزقدانێ دا يێ ب تنێیه، وئه‌و ب تنێیه هێژاى په‌رستنێ.