قورئانا پیرۆز › سورەتا البقرة › ئایەتا ٢٦٥
سورەتا البقرة · ئایەتا ٢٦٥ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞قَوۡلٞ مَّعۡرُوفٞ وَمَغۡفِرَةٌ خَيۡرٞ مِّن صَدَقَةٖ يَتۡبَعُهَآ أَذٗىۗ وَٱللَّهُ غَنِيٌّ حَلِيمٞ ﴿٢٦٣﴾
گۆتنه‌كا باش و لێبۆرينا وێ نه‌خۆشییا ژ خازۆكییێ په‌يدا دبت، چێتره ژ وێ خێرێ يا خێركه‌ر پێ نه‌خۆشییێ دگه‌هينته وى يێ ئه‌و خێرێ د گه‌ل دكه‌ت. وخودێ يێ ده‌وله‌مه‌نده چو منه‌ت ب خێرێن به‌نییان نينه، ويێ ئارامه له‌زێ د جزادانا وان دا ناكه‌ت.
يَـٰٓأَيُّهَا ٱلَّذِينَ ءَامَنُواْ لَا تُبۡطِلُواْ صَدَقَٰتِكُم بِٱلۡمَنِّ وَٱلۡأَذَىٰ كَٱلَّذِي يُنفِقُ مَالَهُۥ رِئَآءَ ٱلنَّاسِ وَلَا يُؤۡمِنُ بِٱللَّهِ وَٱلۡيَوۡمِ ٱلۡأٓخِرِۖ فَمَثَلُهُۥ كَمَثَلِ صَفۡوَانٍ عَلَيۡهِ تُرَابٞ فَأَصَابَهُۥ وَابِلٞ فَتَرَكَهُۥ صَلۡدٗاۖ لَّا يَقۡدِرُونَ عَلَىٰ شَيۡءٖ مِّمَّا كَسَبُواْۗ وَٱللَّهُ لَا يَهۡدِي ٱلۡقَوۡمَ ٱلۡكَٰفِرِينَ ﴿٢٦٤﴾
ئه‌ى ئه‌وێن هه‌وه باوه‌رى ب خودێ وڕۆژا دويماهییێ ئيناى خێرا خۆ ب منه‌تێ و نه‌خۆشییێ پويچ نه‌كه‌ن، ئه‌ڤه وه‌كى ویيه يێ مالێ خۆ بۆ ڕيمه‌تییا مرۆڤان دده‌ت، دا ئه‌و وى ببينن ومه‌دحێن وى بكه‌ن، ووى باوه‌رى ب خودێ وڕۆژا دويماهییێ نينه، ڤێجا مه‌ته‌لا وى وه‌كى مه‌ته‌لا وى كه‌ڤرێ حلییه يێ هنده‌ك ئاخ ل سه‌ر وبارانه‌كا بۆش بێت وبشووت وبهێلته حلى وچو ئاخێ پێڤه نه‌هێلت، ڤێجا ئه‌و ڕيمه‌تكارێن هه ژى خێرێن وان ل نك خودێ پويچ دبن، وئه‌و چو مفایى ژ خێرێن خۆ نابينن، وخودێ به‌رێ كافران ناده‌ته ڕێكا حه‌ق نه د دانا خێران دا ونه د چو تشتێن دى دا.
وَمَثَلُ ٱلَّذِينَ يُنفِقُونَ أَمۡوَٰلَهُمُ ٱبۡتِغَآءَ مَرۡضَاتِ ٱللَّهِ وَتَثۡبِيتٗا مِّنۡ أَنفُسِهِمۡ كَمَثَلِ جَنَّةِۭ بِرَبۡوَةٍ أَصَابَهَا وَابِلٞ فَـَٔاتَتۡ أُكُلَهَا ضِعۡفَيۡنِ فَإِن لَّمۡ يُصِبۡهَا وَابِلٞ فَطَلّٞۗ وَٱللَّهُ بِمَا تَعۡمَلُونَ بَصِيرٌ ﴿٢٦٥﴾
ومه‌ته‌لا وان ئه‌وێن مالێ خۆ پێخه‌مه‌ت باوه‌رییا ب خودێ وڕازيبوونا وى خه‌رج دكه‌ن، وه‌كى مه‌ته‌لا وى باغییه يێ كو ل سه‌ر لاته‌كا بلند وباش بت، بارانێن بۆش لێ ببارن، ڤێجا به‌رێ وى پتر لێ بێت، وئه‌گه‌ر خۆ بارانێن بۆش لێ نه‌بارن ژى هه‌ما بارانه‌كا هوير ژى لێ ببارت تێرا هتدێ هه‌يه كو ئه‌و بێته به‌رى، خێرێن دلسۆزان ژى ئه‌ها ب ڤى ڕه‌نگينه ل نك خودێ قه‌بويل دبن وئه‌و بۆ وان زێده دكه‌ت، چ د بۆش بن چ د كێم بن، وخودێیه ب نهێنییان ئاگه‌هدار، وئه‌وه يێ تشتێ ڤه‌شارتى وئاشكه‌را دبينت، هه‌ر ئێكى ل دويڤ وێ يا د دلێ وى دا هه‌ى ئه‌و جزایى دده‌تێ.
أَيَوَدُّ أَحَدُكُمۡ أَن تَكُونَ لَهُۥ جَنَّةٞ مِّن نَّخِيلٖ وَأَعۡنَابٖ تَجۡرِي مِن تَحۡتِهَا ٱلۡأَنۡهَٰرُ لَهُۥ فِيهَا مِن كُلِّ ٱلثَّمَرَٰتِ وَأَصَابَهُ ٱلۡكِبَرُ وَلَهُۥ ذُرِّيَّةٞ ضُعَفَآءُ فَأَصَابَهَآ إِعۡصَارٞ فِيهِ نَارٞ فَٱحۡتَرَقَتۡۗ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِ لَعَلَّكُمۡ تَتَفَكَّرُونَ ﴿٢٦٦﴾
ئه‌رێ ما ئێك ژ هه‌وه دڤێت كو باغه‌كێ دارقه‌سپ ومێوێن ترى هه‌بت، ڕويبارێن ئاڤ شرين د بن دا بچن، وهه‌مى ڕه‌نگێن فێقى بۆ وى پێڤه بێن، وئه‌و بگه‌هته ژییێ پيراتییێ، ڤێجا نه‌شێت سه‌خبيرییێ ل ڤى باغى بكه‌ت، ووى عه‌ياله‌كێ هوير هه‌بت كو پێتڤى ب ڤى باغى هه‌بت، و ل ڤى ده‌مى هڕه‌بایه‌كێ دژوار يێ كو ئاگره‌كێ سۆژه‌ك د گه‌ل دا بێت وڤێ بكه‌ڤت وبسۆژت؟ وئه‌ڤه حالێ وانه يێن بۆ ڕيمه‌تى خێران دده‌ن، ڕۆژا قيامه‌تێ ئه‌و دئێن ووان چو خێر نينن. و ب ڤى ڕه‌نگى خودێ وى تشتى بۆ هه‌وه ئاشكه‌را دكه‌ت يێ مفايێ هه‌وه تێدا؛ دا به‌لكى هوين هزرێن خۆ بكه‌ن، وخێران بۆ خودێ بده‌ن.
يَـٰٓأَيُّهَا ٱلَّذِينَ ءَامَنُوٓاْ أَنفِقُواْ مِن طَيِّبَٰتِ مَا كَسَبۡتُمۡ وَمِمَّآ أَخۡرَجۡنَا لَكُم مِّنَ ٱلۡأَرۡضِۖ وَلَا تَيَمَّمُواْ ٱلۡخَبِيثَ مِنۡهُ تُنفِقُونَ وَلَسۡتُم بِـَٔاخِذِيهِ إِلَّآ أَن تُغۡمِضُواْ فِيهِۚ وَٱعۡلَمُوٓاْ أَنَّ ٱللَّهَ غَنِيٌّ حَمِيدٌ ﴿٢٦٧﴾
ئه‌ى ئه‌وێن هه‌وه باوه‌رى ب من ئيناى ودويچوونا پێغه‌مبه‌رێن من كرى، ژ وى مالێ حه‌لال يێ هه‌وه ب ده‌ست خۆ ڤه ئيناى و ژ وى يێ مه بۆ هه‌وه ژ عه‌ردى ئينايه‌ده‌ر خێران بده‌ن، وهوین قه‌ستا مالێ بێ خێر نه‌كه‌ن دا ژێ بده‌نه فه‌قيران، ئه‌و مالێ ئه‌گه‌ر كو ئێكى دابا هه‌وه هه‌وه وه‌رنه‌دگرت وه‌سا نه‌بت هوين چاڤان ژێ بنقينن. ڤێجا چاوا هوين بۆ خودێ ب وى تشتى ڕازى دبن يێ هوين بۆ خۆ پێ ڕازى نابن؟ وهوين بزانن هندى ئه‌و خودايه يێ ڕزق دايه هه‌وه يێ ده‌وله‌مه‌نده وى چو منه‌ت ب خێرێن هه‌وه نينه، يێ هێژايى مه‌دحانه، كو هه‌رده‌م مه‌دحێن وى بێنه‌كرن.