قورئانا پیرۆز › سورەتا البقرة › ئایەتا ٢٧
سورەتا البقرة · ئایەتا ٢٧ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَبَشِّرِ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ أَنَّ لَهُمۡ جَنَّـٰتٖ تَجۡرِي مِن تَحۡتِهَا ٱلۡأَنۡهَٰرُۖ كُلَّمَا رُزِقُواْ مِنۡهَا مِن ثَمَرَةٖ رِّزۡقٗا قَالُواْ هَٰذَا ٱلَّذِي رُزِقۡنَا مِن قَبۡلُۖ وَأُتُواْ بِهِۦ مُتَشَٰبِهٗاۖ وَلَهُمۡ فِيهَآ أَزۡوَٰجٞ مُّطَهَّرَةٞۖ وَهُمۡ فِيهَا خَٰلِدُونَ ﴿٢٥﴾
وتو -ئه‌ى پێغه‌مبه‌ر- مزگينییه‌كا خۆش بده خودانێن باوه‌رییێ وكارێ چاك، كو به‌حه‌شتێن عه‌جێب ل ئاخره‌تێ بۆ وان هه‌نه، رويبار د بن قه‌سرێن وان يێن بلند وداروبارێن وان يێن ب سيبه‌ر ڕا دچن. هه‌ر جاره‌كا خودێ ل وێرێ فێقییه‌كێ خۆش و ب تام دا وان، ئه‌و دێ بێژن: به‌رى نوكه ژى خودێ ئه‌ڤ ڕه‌نگه یێ دايه مه، به‌لێ گاڤا وان تام كرێ ئه‌و دێ بينن كو ئه‌و د تام وخۆشییا خۆ دا ڕه‌نگه‌كێ نوییه، ئه‌گه‌ر چ د ناڤ وڕه‌نگى دا هه‌ر وه‌كى يێ به‌رى خۆ ژى بت. وژنێن پاقژ ژ هه‌مى ڕه‌نگێن پيساتییێن حسسى وه‌كى ده‌سنڤێژێ وحه‌یضێ ومه‌عنه‌وى وه‌كى دروێ وئه‌خلاقێ نه‌خۆش، بۆ وان تێدا هه‌نه. وئه‌و د به‌حه‌شتێ دا هه‌ر دێ مينن، نه تێدا دمرن ونه ژێ دئێنه ده‌رێخستن.
۞إِنَّ ٱللَّهَ لَا يَسۡتَحۡيِۦٓ أَن يَضۡرِبَ مَثَلٗا مَّا بَعُوضَةٗ فَمَا فَوۡقَهَاۚ فَأَمَّا ٱلَّذِينَ ءَامَنُواْ فَيَعۡلَمُونَ أَنَّهُ ٱلۡحَقُّ مِن رَّبِّهِمۡۖ وَأَمَّا ٱلَّذِينَ كَفَرُواْ فَيَقُولُونَ مَاذَآ أَرَادَ ٱللَّهُ بِهَٰذَا مَثَلٗاۘ يُضِلُّ بِهِۦ كَثِيرٗا وَيَهۡدِي بِهِۦ كَثِيرٗاۚ وَمَا يُضِلُّ بِهِۦٓ إِلَّا ٱلۡفَٰسِقِينَ ﴿٢٦﴾
هندى خودێیه شه‌رمێ ژ حه‌قییێ ناكه‌ت كو ئه‌و تشته‌كى ژێ بێژت، يێ بچويك بت يان يێ مه‌زن، ئه‌گه‌ر خۆ ئه‌و مه‌ته‌لا ب بچويكترين تشتى بت، وه‌كى پێشییێ ومێشێ وتشتێن دى یێن خودێ مه‌ته‌ل پێ ل سه‌ر بێزارییا وان ئيناى یێن ژ بلى خودێ په‌رستنا وان دئێته‌كرن، ڤێجا هندى خودان باوه‌رن كاربنه‌جهییا خودێ د ڤێ مه‌ته‌لئينانێ دا دزانن، وئه‌وێن كافر يارییان بۆ خۆ پێ دكه‌ن ودبێژن: مه‌به‌ستا خودێ ب ڤێ مه‌ته‌لئينانا ب مێش ومۆرێن بێ بها چییه؟ وخودێ به‌رسڤا وان دده‌ت كو مه‌به‌ست پێ جه‌ڕباندنه، ودا خودان باوه‌ر پێ ژ كافرى بێته ڤاڤارتن؛ له‌و خودێ ب ڤێ مه‌ته‌لێ به‌رێ گه‌له‌ك مرۆڤان ژ حه‌قییێ وه‌ردگێڕت ژ به‌ر ياریپێكرنا وان ب حه‌قییێ، وبه‌رێ هنده‌كێن دى ژبلى وان دده‌ته پتر باوه‌رییێ. وخودێ زۆردارییێ ل كه‌سێ ناكه‌ت؛ چونكى ئه‌و ژ فاسقان پێڤه‌تر به‌رێ ئێكى ژ حه‌قییێ وه‌رناگێڕت.
ٱلَّذِينَ يَنقُضُونَ عَهۡدَ ٱللَّهِ مِنۢ بَعۡدِ مِيثَٰقِهِۦ وَيَقۡطَعُونَ مَآ أَمَرَ ٱللَّهُ بِهِۦٓ أَن يُوصَلَ وَيُفۡسِدُونَ فِي ٱلۡأَرۡضِۚ أُوْلَـٰٓئِكَ هُمُ ٱلۡخَٰسِرُونَ ﴿٢٧﴾
ئه‌وێن په‌يمانا خودێ يا وى ژ وان وه‌رگرتى كو ئه‌و گوهدارییا وى ب تنێ بكه‌ن دشكێنن، ئه‌و په‌يمانا وى ب هنارتنا پێغه‌مبه‌ران، وئينانه‌خوارا كيتابان موكم كرى، و ل دويڤ دينێ خودێ ناچن وكارێن وه‌كى: بڕينا مرۆڤاينییێ وبه‌لاڤكرنا خرابییێ د عه‌ردى دا دكه‌ن، ئه‌و ئه‌ون يێن ل دنيايێ وئاخره‌تێ دزيانكار.
كَيۡفَ تَكۡفُرُونَ بِٱللَّهِ وَكُنتُمۡ أَمۡوَٰتٗا فَأَحۡيَٰكُمۡۖ ثُمَّ يُمِيتُكُمۡ ثُمَّ يُحۡيِيكُمۡ ثُمَّ إِلَيۡهِ تُرۡجَعُونَ ﴿٢٨﴾
چاوا هوين -گه‌لى بوتپه‌رێسان- باوه‌رییێ ب ئێكينییا خودێ نائينن، وهوين ژبلى وى هنده‌كێن دى د په‌رستنێ دا بۆ وى دكه‌نه هه‌ڤپشك د گه‌ل كو نيشانه‌كا ڤه‌بڕ ل سه‌ر وێ چه‌ندێ د هه‌وه ب خۆ دا هه‌يه؟ چونكى هوين دمرى بوون ونه‌هاتبوونه ئافراندن ڤێجا وى هوين زێندى كرن وژين دا هه‌وه، پاشى ئه‌و هه‌وه دمرينت گاڤا ئه‌و ڕۆژا وى بۆ هه‌وه داناى هات، پاشى ئه‌و ل ڕۆژا قيامه‌تێ هه‌وه زێندى دكه‌ته‌ڤه، پاشى هوين بۆ حسێب وجزادانێ دێ زڤڕنه نك وى؟
هُوَ ٱلَّذِي خَلَقَ لَكُم مَّا فِي ٱلۡأَرۡضِ جَمِيعٗا ثُمَّ ٱسۡتَوَىٰٓ إِلَى ٱلسَّمَآءِ فَسَوَّىٰهُنَّ سَبۡعَ سَمَٰوَٰتٖۚ وَهُوَ بِكُلِّ شَيۡءٍ عَلِيمٞ ﴿٢٩﴾
خودێ ب تنێیه يێ هه‌ر تشته‌كێ ل عه‌ردى ژ قه‌نجییێن هوين مفايى ژێ وه‌ردگرن بۆ هه‌وه ئافراندى، پاشى وى قه‌ستا ئافراندنا عه‌سمانان كر، ڤێجا وى ئه‌و كرنه حه‌فت عه‌سمان، وئه‌و ب هه‌ر تشته‌كى يێ پڕزانايه. وزانينا وى هه‌ر تشته‌كێ وى ئافراندى ڤه‌دگرت.