قورئانا پیرۆز › سورەتا البقرة › ئایەتا ٣٢
سورەتا البقرة · ئایەتا ٣٢ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِذۡ قَالَ رَبُّكَ لِلۡمَلَـٰٓئِكَةِ إِنِّي جَاعِلٞ فِي ٱلۡأَرۡضِ خَلِيفَةٗۖ قَالُوٓاْ أَتَجۡعَلُ فِيهَا مَن يُفۡسِدُ فِيهَا وَيَسۡفِكُ ٱلدِّمَآءَ وَنَحۡنُ نُسَبِّحُ بِحَمۡدِكَ وَنُقَدِّسُ لَكَۖ قَالَ إِنِّيٓ أَعۡلَمُ مَا لَا تَعۡلَمُونَ ﴿٣٠﴾
وتو -ئه‌ى پێغه‌مبه‌ر- بێژه مرۆڤان ده‌مێ خودايێ ته گۆتییه فريشته‌يان: ئه‌ز دێ ملله‌ته‌كى ل عه‌ردى دانم هنده‌ك ژ وان بۆ ئاڤه‌دانكرنا وى جێگرییا هنده‌كان دێ كه‌ن، وان گۆت: ئه‌ى خودا نیشا مه بده كانێ حكمه‌ت ژ ئافراندنا وان چییه، هه‌ر چه‌نده ژ زولم و زۆردارى كارێ وان د عه‌ردى دا خرابكارى وخوين رێتنه، وئه‌م د فه‌رمانا ته داینه، ئه‌م ب ڕه‌نگه‌كێ هێژایى مه‌زنییا ته بت ته پاك دكه‌ین؟ خودێ گۆته وان: ئه‌ز وێ دزانم يا هوين نه‌زانن ژ وێ مه‌صلحه‌تا د ئافراندنا وان دا هه‌ى.
وَعَلَّمَ ءَادَمَ ٱلۡأَسۡمَآءَ كُلَّهَا ثُمَّ عَرَضَهُمۡ عَلَى ٱلۡمَلَـٰٓئِكَةِ فَقَالَ أَنۢبِـُٔونِي بِأَسۡمَآءِ هَـٰٓؤُلَآءِ إِن كُنتُمۡ صَٰدِقِينَ ﴿٣١﴾
وئاشكه‌راكرن بۆ قه‌درێ ئاده‌مى سلاڤ لێ بن خودێ ئه‌و فێرى ناڤێن هه‌مى تشتان كر، پاشى وى ئه‌و ناڤلێكرى بۆ فريشته‌يان به‌رچاڤكرن وگۆته وان: كانێ ناڤێن ئه‌ڤان تشتێن هه بۆ من بێژن، ئه‌گه‌ر هوين دڕاستگۆنه كو هوين بۆ جێگرییا ل عه‌ردى ژ وان هێژاترن.
قَالُواْ سُبۡحَٰنَكَ لَا عِلۡمَ لَنَآ إِلَّا مَا عَلَّمۡتَنَآۖ إِنَّكَ أَنتَ ٱلۡعَلِيمُ ٱلۡحَكِيمُ ﴿٣٢﴾
فريشته‌يان گۆت: خودایێ مه ئه‌م ته پاك دكه‌ين، ژ بلى وى تشتێ ته نيشا مه داى ئه‌م چو نزانين، هندى تويى تو ب تنێ ب كارێ ئافراندییێن خۆ يێ پڕزانايى، وتو د كريارا خۆ دا يێ كاربنه‌جهى.
قَالَ يَـٰٓـَٔادَمُ أَنۢبِئۡهُم بِأَسۡمَآئِهِمۡۖ فَلَمَّآ أَنۢبَأَهُم بِأَسۡمَآئِهِمۡ قَالَ أَلَمۡ أَقُل لَّكُمۡ إِنِّيٓ أَعۡلَمُ غَيۡبَ ٱلسَّمَٰوَٰتِ وَٱلۡأَرۡضِ وَأَعۡلَمُ مَا تُبۡدُونَ وَمَا كُنتُمۡ تَكۡتُمُونَ ﴿٣٣﴾
خودێ گۆت: ئه‌ى ئاده‌م، تو ناڤێن ڤان تشتان يێن وان نه‌زانين بۆ وان بێژه، ڤێجا ده‌مێ ئاده‌مى ئه‌و ناڤ بۆ وان گۆتين، خودێ گۆته فريشته‌يان: ب ڕاستى من گۆتبوو هه‌وه كو هندى ئه‌زم ئه‌ز وى تشتێ ڤه‌شارتى ل به‌ر هه‌وه ل عه‌سمانان و ل عه‌ردى دزانم، ووى كارێ هوين ئاشكه‌را دكه‌ن ويێ هوين ڤه‌دشێرن ژى ئه‌ز دزانم.
وَإِذۡ قُلۡنَا لِلۡمَلَـٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ أَبَىٰ وَٱسۡتَكۡبَرَ وَكَانَ مِنَ ٱلۡكَٰفِرِينَ ﴿٣٤﴾
وتو -ئه‌ى پێغه‌مبه‌ر- قه‌درگرتنا خودێ بۆ ئاده‌مى بۆ مرۆڤان بێژه، ده‌مێ وى گۆتییه فريشته‌يان: وه‌ك قه‌درگرتن بۆ ئاده‌مى ودياركرن بۆ بهايێ وى هوين خۆ بۆ وى بچه‌مينن، ئينا وان هه‌مییان گوهدارى كر ئبليس تێ نه‌بت، ئه‌و ژ دلڕه‌شى وخۆمه‌زنكرن ل به‌ر نه‌هات، ڤێجا ئه‌و بوو ژ يێن كافر ب خودێ، يێن نه‌گوهدار بۆ فه‌رمانا وى.