قورئانا پیرۆز › سورەتا البقرة › ئایەتا ٣٨
سورەتا البقرة · ئایەتا ٣٨ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَأَزَلَّهُمَا ٱلشَّيۡطَٰنُ عَنۡهَا فَأَخۡرَجَهُمَا مِمَّا كَانَا فِيهِۖ وَقُلۡنَا ٱهۡبِطُواْ بَعۡضُكُمۡ لِبَعۡضٍ عَدُوّٞۖ وَلَكُمۡ فِي ٱلۡأَرۡضِ مُسۡتَقَرّٞ وَمَتَٰعٌ إِلَىٰ حِينٖ ﴿٣٦﴾
ئينا شه‌يتانى ئه‌و هه‌ردو تێ ئێخستن: كو وه‌سواس بۆ وان چێكرى حه‌تا وان ژ دارێ خوارى، ڤێجا ئه‌و بوو ئه‌گه‌را ده‌ركرنا وان ژ به‌حه‌شتێ وخۆشییێن وێ، وخودێ گۆته وان: هوین ژۆردا هه‌رنه خوارێ بۆ عه‌ردى، هنده‌ك ژ هه‌وه بۆ هنده‌كان -ئاده‌م وحه‌ووا وشه‌يتان- ببنه نه‌يار، وبۆ هه‌وه ل عه‌ردى جهێ ئاكنجيبوونێ وخۆشيبرنێ هه‌يه حه‌تا ده‌مێ ب دويماهى هاتنا ژییێ هه‌وه.
فَتَلَقَّىٰٓ ءَادَمُ مِن رَّبِّهِۦ كَلِمَٰتٖ فَتَابَ عَلَيۡهِۚ إِنَّهُۥ هُوَ ٱلتَّوَّابُ ٱلرَّحِيمُ ﴿٣٧﴾
ئاده‌مى ب ڕازيبوون ڤه هنده‌ك په‌يڤ وه‌رگرتن، خودێ ئه‌و ئێخستنه سه‌ر دلێ وى دا ئه‌و پێ تۆبه بكه‌ت، وئه‌و په‌يڤ ئه‌ڤ گۆتنا خودێیه: (قالا ربنا ظلمنا أنفسنا وإن لم تغفر لنا و ترحمنا لنكونن من الخسرین) ئينا خودێ لێڤه‌بوونا وى قه‌بويلكر، وگونه‌ها وى بۆ وى ژێبر، هندى ئه‌وه ئه‌و پڕ توبه‌وه‌رگرێ به‌نییێن په‌شێمانه، يێ دلۆڤانكاره ب وان.
قُلۡنَا ٱهۡبِطُواْ مِنۡهَا جَمِيعٗاۖ فَإِمَّا يَأۡتِيَنَّكُم مِّنِّي هُدٗى فَمَن تَبِعَ هُدَايَ فَلَا خَوۡفٌ عَلَيۡهِمۡ وَلَا هُمۡ يَحۡزَنُونَ ﴿٣٨﴾
خودێ گۆته وان: هوين هه‌مى ژ به‌حه‌شتێ هه‌ڕنه خوارێ، وپاشى تشتێ هيدايه‌تا هه‌وه بۆ حه‌قییێ تێدا هه‌ى دێ بۆ هه‌وه ودونده‌هێن هه‌وه یێن داهاتى ئێت. وهه‌چییێ كارى پێ بكه‌ت ترس ل سه‌ر پاشه‌ڕۆژێ ژ كارێ ئاخره‌تێ، وپه‌شێمانى ل سه‌ر يا بۆرى ژ كارێ دنیایێ ناگه‌هته وان.
وَٱلَّذِينَ كَفَرُواْ وَكَذَّبُواْ بِـَٔايَٰتِنَآ أُوْلَـٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ ﴿٣٩﴾
وئه‌وێن كافرى ودره‌و ب ئایه‌تێن مه كرى، ئه‌و ئه‌ون يێن دميننه د ئاگرى دا، هه‌ر دێ تێدا مينن، ژێ ده‌رناكه‌ڤن.
يَٰبَنِيٓ إِسۡرَـٰٓءِيلَ ٱذۡكُرُواْ نِعۡمَتِيَ ٱلَّتِيٓ أَنۡعَمۡتُ عَلَيۡكُمۡ وَأَوۡفُواْ بِعَهۡدِيٓ أُوفِ بِعَهۡدِكُمۡ وَإِيَّـٰيَ فَٱرۡهَبُونِ ﴿٤٠﴾
ئه‌ى دوونده‌ها يه‌عقووبى! هوین قه‌نجییێن من یێن زێده ل سه‌ر خۆ ل بيرا خۆ بينن، وسوپاسییا من بكه‌ن، وشيره‌تا من يا بۆ هه‌وه هاتى پێك بينن: كو باوه‌رییێ ب كيتابێن من وپێغه‌مبه‌رێن من هه‌مییان بينن، وكارى ب شريعه‌تێ من بكه‌ن، ڤێجا ئه‌گه‌ر هه‌وه ئه‌و چه‌نده كر، ئه‌ز ژى دێ وێ بۆ هه‌وه پێك ئينم يا من ژڤان پێ دايه هه‌وه كو ل دنيايێ دلۆڤانییێ ب هه‌وه ببه‌م، و ل ئاخره‌تێ هه‌وه ڕزگار بكه‌م، و ژ من ب تنێ بترسن، و هشيارى غه‌زه‌با من بن ئه‌گه‌ر هه‌وه په‌يمانا من شكاند، وكافرى ب من كر.