قورئانا پیرۆز › سورەتا البقرة › ئایەتا ٤٩
سورەتا البقرة · ئایەتا ٤٩ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَٰبَنِيٓ إِسۡرَـٰٓءِيلَ ٱذۡكُرُواْ نِعۡمَتِيَ ٱلَّتِيٓ أَنۡعَمۡتُ عَلَيۡكُمۡ وَأَنِّي فَضَّلۡتُكُمۡ عَلَى ٱلۡعَٰلَمِينَ ﴿٤٧﴾
ئه‌ى دوونده‌ها يه‌عقووبى، هوین وان قه‌نجییێن زێده یێن من د گه‌ل هه‌وه كرین ل بيرا خۆ بينن، وسوپاسییا من سه‌را وان بكه‌ن، و ل بيرا خۆ بينن كو من هوين ژ خه‌لكێ سه‌رده‌مێ هه‌وه هه‌مییان چێتر لێ كربوون، كو من گه‌له‌ك پێغه‌مبه‌ر د ناڤ هه‌وه دا هنارتن، وكیتابێن وه‌كى ته‌وراتێ وئنجیلێ بۆ هه‌وه ئینانه خوارێ.
وَٱتَّقُواْ يَوۡمٗا لَّا تَجۡزِي نَفۡسٌ عَن نَّفۡسٖ شَيۡـٔٗا وَلَا يُقۡبَلُ مِنۡهَا شَفَٰعَةٞ وَلَا يُؤۡخَذُ مِنۡهَا عَدۡلٞ وَلَا هُمۡ يُنصَرُونَ ﴿٤٨﴾
وهوين ژ ڕۆژا ڕابوونێ بترسن، ڕۆژا كه‌س تێدا مفايى نه‌گه‌هينته كه‌سێ، وخودێ چو مه‌هده‌ران بۆ كافران قه‌بويل ناكه‌ت، وچو به‌رانبه‌رێن خۆكڕينێ ئه‌گه‌ر مالێ دنیایێ هه‌مى بت ژ وان وه‌رناگرت، و ل وێ ڕۆژێ كه‌س وان ب سه‌ر نائێخت.
وَإِذۡ نَجَّيۡنَٰكُم مِّنۡ ءَالِ فِرۡعَوۡنَ يَسُومُونَكُمۡ سُوٓءَ ٱلۡعَذَابِ يُذَبِّحُونَ أَبۡنَآءَكُمۡ وَيَسۡتَحۡيُونَ نِسَآءَكُمۡۚ وَفِي ذَٰلِكُم بَلَآءٞ مِّن رَّبِّكُمۡ عَظِيمٞ ﴿٤٩﴾
وهوین قهنجییا مه ل بيرا خۆ بينن ده‌مێ مه هوين ژ فيرعه‌ونى ودويكه‌فتییێن وى ڕزگاركرين، وان نه‌خۆشترين عه‌زاب دئينا سه‌رێ هه‌وه، كوڕێن هه‌وه گه‌له‌ك ڤه‌دكوشتن، وكچێن هه‌وه بۆ خدامينییێ وڕه‌زيلكرنێ دهێلان، و د وێ چه‌ندێ دا جه‌ڕباندنه‌ك ژ خودايێ هه‌وه بۆ هه‌وه هه‌بوو، و د ڕزگاركرنا هه‌وه دا ژ وى قه‌نجییه‌كا مه‌زن هه‌بوو، دڤێت ل هه‌مى ده‌مان هوین شوكرا خودێ سه‌را وێ چه‌ندێ بكه‌ن.
وَإِذۡ فَرَقۡنَا بِكُمُ ٱلۡبَحۡرَ فَأَنجَيۡنَٰكُمۡ وَأَغۡرَقۡنَآ ءَالَ فِرۡعَوۡنَ وَأَنتُمۡ تَنظُرُونَ ﴿٥٠﴾
وهوین وێ قهنجییا مه بيننه بيرا خۆ ده‌مێ مه ژ به‌ر هه‌وه ده‌ريا كه‌ركرى، ومه ڕێكێن هشك لێ چێكرين، ڤێجا هوين ژێ ده‌ربازبووين، ومه هوين ژ فيرعه‌ونى وله‌شكه‌رێ وى، و ژ تێچوونا د ئاڤێ دا ڕزگاركرين، ڤێجا ده‌مێ فيرعه‌ون وله‌شكه‌رێ وى د وان ڕێكێن هه‌وه ڕا هاتین ودایه ب دويڤ هه‌وه‌ڤه مه ل به‌ر چاڤێن هه‌وه ئه‌و خه‌ندقاندن.
وَإِذۡ وَٰعَدۡنَا مُوسَىٰٓ أَرۡبَعِينَ لَيۡلَةٗ ثُمَّ ٱتَّخَذۡتُمُ ٱلۡعِجۡلَ مِنۢ بَعۡدِهِۦ وَأَنتُمۡ ظَٰلِمُونَ ﴿٥١﴾
وهوین قهنجییا مه ل بيرا خۆ بينن: ده‌مێ بۆ ئينانه‌خوارا ته‌وراتێ ڕۆناهى وڕێنيشانده‌ر بۆ هه‌وه، مه ژڤان ب چل شه‌ڤان دايه مووسایى، ڤێجا ده‌مێ چوونا وى يێ كورت هه‌وه بۆ خۆ ب ده‌ليڤه زانى وهوين ڕابوون هه‌وه ئه‌و گۆلكێ هه‌وه ب ده‌ستێ خۆ چێكرى بۆ خۆ كره خودا وهه‌وه ژبلى خودێ په‌رستن بۆ وى كر، وهوين ب ڤى كارێ خۆ دزۆردار بوون.