قورئانا پیرۆز › سورەتا البقرة › ئایەتا ٦١
سورەتا البقرة · ئایەتا ٦١ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَبَدَّلَ ٱلَّذِينَ ظَلَمُواْ قَوۡلًا غَيۡرَ ٱلَّذِي قِيلَ لَهُمۡ فَأَنزَلۡنَا عَلَى ٱلَّذِينَ ظَلَمُواْ رِجۡزٗا مِّنَ ٱلسَّمَآءِ بِمَا كَانُواْ يَفۡسُقُونَ ﴿٥٩﴾
ڤێجا ئه‌وێن زۆردار وبه‌رزه ژ ئسرائيلییان گۆتنا خودێ گوهاڕت، وگۆتن وكريار هه‌مى وه‌ربادان، ده‌مێ ئه‌و ل سه‌ر پاشییێن خۆ ب ژۆركه‌فتين وگۆتين: دندكه‌ك د موییه‌كى دا، ووان يارى بۆ خۆ ب دينێ خودێ كرن، ئينا ژ به‌ر زێده‌گاڤییا وان وده‌ركه‌فتنا وان ژ گوهدارییا خودێ، خودێ عه‌زابه‌ك ژ عه‌سمانى ب سه‌ر وان دا باراند.
۞وَإِذِ ٱسۡتَسۡقَىٰ مُوسَىٰ لِقَوۡمِهِۦ فَقُلۡنَا ٱضۡرِب بِّعَصَاكَ ٱلۡحَجَرَۖ فَٱنفَجَرَتۡ مِنۡهُ ٱثۡنَتَا عَشۡرَةَ عَيۡنٗاۖ قَدۡ عَلِمَ كُلُّ أُنَاسٖ مَّشۡرَبَهُمۡۖ كُلُواْ وَٱشۡرَبُواْ مِن رِّزۡقِ ٱللَّهِ وَلَا تَعۡثَوۡاْ فِي ٱلۡأَرۡضِ مُفۡسِدِينَ ﴿٦٠﴾
وهوین وێ قه‌نجییا مه ل بيرا خۆ بينن، ده‌مێ هوين د به‌رزه‌بوونێ دا دتێهنى ومووساى ب خۆشكاندن ڤه ئاڤ بۆ هه‌وه ژ مه خواستى، ئينا مه گۆتێ: تو گۆپالێ خۆ ل كه‌ڤرى بده، ڤێجا وى وه كر، ئينا دووازده كانى ل دویڤ هژمارا ئویجاخان ژێ زان، د گه‌ل دياركرنا كانییا هه‌ر ئويجاخه‌كێ؛ دا ئه‌و سه‌را لێك نه‌كه‌ڤن، ومه گۆته وان: هوین ژ ڕزقێ خودێ بخۆن وڤه‌خۆن، و ب خرابى د عه‌ردى دا نه‌گه‌ڕن.
وَإِذۡ قُلۡتُمۡ يَٰمُوسَىٰ لَن نَّصۡبِرَ عَلَىٰ طَعَامٖ وَٰحِدٖ فَٱدۡعُ لَنَا رَبَّكَ يُخۡرِجۡ لَنَا مِمَّا تُنۢبِتُ ٱلۡأَرۡضُ مِنۢ بَقۡلِهَا وَقِثَّآئِهَا وَفُومِهَا وَعَدَسِهَا وَبَصَلِهَاۖ قَالَ أَتَسۡتَبۡدِلُونَ ٱلَّذِي هُوَ أَدۡنَىٰ بِٱلَّذِي هُوَ خَيۡرٌۚ ٱهۡبِطُواْ مِصۡرٗا فَإِنَّ لَكُم مَّا سَأَلۡتُمۡۗ وَضُرِبَتۡ عَلَيۡهِمُ ٱلذِّلَّةُ وَٱلۡمَسۡكَنَةُ وَبَآءُو بِغَضَبٖ مِّنَ ٱللَّهِۚ ذَٰلِكَ بِأَنَّهُمۡ كَانُواْ يَكۡفُرُونَ بِـَٔايَٰتِ ٱللَّهِ وَيَقۡتُلُونَ ٱلنَّبِيِّـۧنَ بِغَيۡرِ ٱلۡحَقِّۚ ذَٰلِكَ بِمَا عَصَواْ وَّكَانُواْ يَعۡتَدُونَ ﴿٦١﴾
و ل بيرا خۆ بينن ده‌مێ مه خوارنا شرين، وته‌يرێن خۆش، ب سه‌ر هه‌وه دا ئيناينه خوارێ، ڤێجا وه‌كى هه‌ر جار هه‌وه قه‌نجى ژ بيركر، وبێنته‌نگى وشڕاتى گه‌هشته هه‌وه، وهه‌وه گۆت: ئه‌ى مووسا ئه‌م نه‌شێين ب خوارنه‌كا ب تنێ يا نه‌ئێته گوهاڕتن خۆ بگرين، ڤێجا تو بۆ مه ژ خودايێ خۆ بخوازه دا ئه‌و هنده‌ك خوارنێن دى ژ ده‌ركه‌فتییێ عه‌ردى، ژ به‌قلى وشينكاتى، وترۆزى ودان ودكاكێ دئێته خوارن، ونيسك، وپيڤازان، بده‌ته مه. مووساى -ب نه‌ڕازيبوون ڤه- گۆت: ئه‌رێ ما هوين ڤان خوارنێن كێم بهاتر دخوازن، وڤى ڕزقێ ب مفا يێ خودێ بۆ هه‌وه هلبژارتى هوين دهێلن؟ ژ ڤێ ده‌شتێ هه‌ڕنه هه‌ر باژێره‌كێ هه‌ى، گه‌له‌كێ ژ تشتێ دلێ هه‌وه دچتێ ل بيستان وبازارێن وى دێ بينن. وده‌مێ ئه‌و چووين بۆ وان ئاشكه‌را بوو كو ئه‌و د هه‌مى جهان دا هلبژارتنا خۆ ب پێش يا خودێ دئێخن، وئه‌و دلچوونێن خۆ به‌رى وێ ددانن يا خودێ بۆ وان هلبژارتى؛ له‌وا سالۆخه‌تێ ره‌زيلییێ وهه‌ژارییا دلى ب وان ڤه نويسیا، وئه‌و زڤڕين غه‌زه‌با خودێ د گه‌ل دا؛ چونكى وان پشت دا دينێ خودێ، وچونكى وان باوه‌رى ب ئايه‌تێن خودێ نه‌دئينا و ژ دوژمنى وزۆردارى وان پێغه‌مبه‌ر دكوشتن؛ ئه‌ڤه ژ به‌ر وێ نه‌گوهدارى وزێده‌گاڤییا وان ل سه‌ر توخويبێن خودايێ خۆ كرى.
إِنَّ ٱلَّذِينَ ءَامَنُواْ وَٱلَّذِينَ هَادُواْ وَٱلنَّصَٰرَىٰ وَٱلصَّـٰبِـِٔينَ مَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَعَمِلَ صَٰلِحٗا فَلَهُمۡ أَجۡرُهُمۡ عِندَ رَبِّهِمۡ وَلَا خَوۡفٌ عَلَيۡهِمۡ وَلَا هُمۡ يَحۡزَنُونَ ﴿٦٢﴾
هندى خودان باوه‌رێن ڤێ ئوممه‌تێنه، یێن باوه‌رى ب خودێ وپێغه‌مبه‌رێ وى ئیناى، وكار ب شریعه‌تێ وێ كرى، وئه‌وێن به‌رى هنارتنا موحه‌ممه‌دى سلاڤ لێ بن بووينه ژ جوهى، وفه‌له، وصابئییان -وئه‌و ملله‌ته‌كن ل سه‌ر خوڕستییا خۆ مايينه، وچو دينێن ده‌سنيشانكرى بۆ وان نه‌بوون ئه‌و ل دويڤ بچن- ئه‌وێن هه هه‌مى ئه‌گه‌ر ب دورستى باوه‌رییێ ب خودێ، و ب ڕۆژا دويماهییێ بينن، وكاره‌كێ ل نك خودێ چاك بكه‌ن، جزايێ وان ل نك خودايێ وان هه‌يه، وترسا ل سه‌ر پاشه‌ڕۆژێ وپه‌شێمانییا ل سه‌ر ڕۆژێن بۆرى ناگه‌هته وان. به‌لێ پشتى هنارتنا موحه‌ممه‌دى سلاڤ لێ بن بۆ هه‌مى مرۆڤان، ژبلى دينێ وى، كو ئيسلامه خودێ دينه‌كێ دى ژ كه‌سێ قه‌بويل ناكه‌ت.
وَإِذۡ أَخَذۡنَا مِيثَٰقَكُمۡ وَرَفَعۡنَا فَوۡقَكُمُ ٱلطُّورَ خُذُواْ مَآ ءَاتَيۡنَٰكُم بِقُوَّةٖ وَٱذۡكُرُواْ مَا فِيهِ لَعَلَّكُمۡ تَتَّقُونَ ﴿٦٣﴾
وهوين -گه‌لى ئسرائيلییان- ل بيرا خۆ بينن ده‌مێ مه په‌يمانا موكم ژ هه‌وه وه‌رگرتى كو هوین باوه‌رییێ ب خودێ بينن وپه‌رستنا وى ب تنێ بكه‌ن، ومه چيايێ طوورى ڕاكره هنداڤى سه‌رێ هه‌وه، ومه گۆته هه‌وه: ئه‌و كيتابا مه دايه هه‌وه هوین باش بگرن وبپارێزن، و ب گۆتن وكريار هوین وێ ژ بير نه‌كه‌ن؛ دا به‌لكى هوين ته‌قوایا من بكه‌ن و ژ جزادانا من بترسن.