قورئانا پیرۆز › سورەتا البقرة › ئایەتا ٧٣
سورەتا البقرة · ئایەتا ٧٣ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَالَ إِنَّهُۥ يَقُولُ إِنَّهَا بَقَرَةٞ لَّا ذَلُولٞ تُثِيرُ ٱلۡأَرۡضَ وَلَا تَسۡقِي ٱلۡحَرۡثَ مُسَلَّمَةٞ لَّا شِيَةَ فِيهَاۚ قَالُواْ ٱلۡـَٰٔنَ جِئۡتَ بِٱلۡحَقِّۚ فَذَبَحُوهَا وَمَا كَادُواْ يَفۡعَلُونَ ﴿٧١﴾
مووساى گۆت: هندى خودێیه يێ دبێژيت: ئه‌و چێله‌كه يا سه‌ربه‌ردايه نه جۆت پێ دئێته‌كرن ونه ئه‌و بۆ ئاڤدانێ دئێته ب كارئينان، ويا ساخله‌مه ژ هه‌مى ئێشان، و ژ ڕه‌نگێ وێ پێڤه‌تر چو ڕه‌نگێن دى لێ نينن، وان گۆت: نوكه ته ڕاستییا سالۆخه‌تێن چێلێ گۆت، وئه‌و نه‌چاربوون وێ سه‌رژێ بكه‌ن پشتى گه‌له‌ك چه‌پ وچوير لێداين، و ژ سه‌رڕه‌قییا وان نێزيك بوو ئه‌و وه نه‌كه‌ن ژى. وده‌مێ وان شداندن كرى خودێ ژى ل سه‌ر وان شداند.
وَإِذۡ قَتَلۡتُمۡ نَفۡسٗا فَٱدَّـٰرَ ٰٔتُمۡ فِيهَاۖ وَٱللَّهُ مُخۡرِجٞ مَّا كُنتُمۡ تَكۡتُمُونَ ﴿٧٢﴾
وهوین ل بيرا خۆ بينن ده‌مێ هه‌وه مرۆڤه‌ك كوشتى وهوين د كوشتنا وى دا ب هه‌ڤڕكى چووین، هه‌ر ئێكى كوشتنا وى ژ سه‌ر خۆ قه‌لب ددا، وخودێ دێ وێ به‌رچاڤ كه‌ت يا هه‌وه ڤه‌دشارت ژ مه‌سه‌لا كوشتنا وى.
فَقُلۡنَا ٱضۡرِبُوهُ بِبَعۡضِهَاۚ كَذَٰلِكَ يُحۡيِ ٱللَّهُ ٱلۡمَوۡتَىٰ وَيُرِيكُمۡ ءَايَٰتِهِۦ لَعَلَّكُمۡ تَعۡقِلُونَ ﴿٧٣﴾
ئينا مه گۆت: هوین پارچه‌يه‌كا گۆشتێ ڤێ چێلا سه‌رژێكرى ل كه‌له‌خێ وى كوشتى بده‌ن، خودێ دێ وى زێندى كه‌ته‌ڤه، وئه‌و دێ بۆ هه‌وه به‌حسێ كوژه‌كێ خۆ كه‌ت. ڤێجا وان وه كر ئينا خودێ ئه‌و زێندى كر ووى كوژه‌كێ خۆ ئاشكه‌راكر. ب ڤى ڕه‌نگى خودێ مرییان ل ڕۆژا ڕابوونێ زێندى دكه‌ت، ونيشانێن شیان ومه‌زنییا خۆ نيشا هه‌وه دده‌ت -گه‌لى ئسرائیلییان-؛ دا به‌لكى هوين عه‌قلێ خۆ ب كار بينن، وخۆ ژ نه‌گوهدارییا وى بده‌نه پاش.
ثُمَّ قَسَتۡ قُلُوبُكُم مِّنۢ بَعۡدِ ذَٰلِكَ فَهِيَ كَٱلۡحِجَارَةِ أَوۡ أَشَدُّ قَسۡوَةٗۚ وَإِنَّ مِنَ ٱلۡحِجَارَةِ لَمَا يَتَفَجَّرُ مِنۡهُ ٱلۡأَنۡهَٰرُۚ وَإِنَّ مِنۡهَا لَمَا يَشَّقَّقُ فَيَخۡرُجُ مِنۡهُ ٱلۡمَآءُۚ وَإِنَّ مِنۡهَا لَمَا يَهۡبِطُ مِنۡ خَشۡيَةِ ٱللَّهِۗ وَمَا ٱللَّهُ بِغَٰفِلٍ عَمَّا تَعۡمَلُونَ ﴿٧٤﴾
به‌لێ هه‌وه مفا ژ وێ چه‌ندێ نه‌دیت، وپشتى ڤان هه‌مى موعجيزه‌يێن په‌رده‌دڕ دلێن هه‌وه ڕه‌ق ودژوار بوون، وچو تێدا نه‌چوو، وئه‌و به‌رانبه‌ر ئايه‌تێن ئاشكه‌را يێن من نيشا هه‌وه داين نه‌رم نه‌بوون، حه‌تا دلێن هه‌وه وه‌كى كه‌ڤرێن كه‌ڕ لێ هاتن، به‌لكى هێشتا ڕه‌قتر ژى لێ هاتن؛ چونكى ژ كه‌ڤران هنده‌ك هه‌نه دپه‌قن وئه‌و ئاڤ ژێ دزێت، یا دبته رويبارێن بۆش، وهنده‌ك كه‌ڤر هه‌نه شه‌ق دبن، ڤێجا كانى ژێ ده‌ردكه‌ڤن، وهنده‌ك كه‌ڤر ژ ترسا خودێ دا ژ سه‌رێ چيايان ژۆردا دكه‌ڤن. وخودێ يێ بێ ئاگه‌هـ نينه ژ وى تشتێ هوين دكه‌ن.
۞أَفَتَطۡمَعُونَ أَن يُؤۡمِنُواْ لَكُمۡ وَقَدۡ كَانَ فَرِيقٞ مِّنۡهُمۡ يَسۡمَعُونَ كَلَٰمَ ٱللَّهِ ثُمَّ يُحَرِّفُونَهُۥ مِنۢ بَعۡدِ مَا عَقَلُوهُ وَهُمۡ يَعۡلَمُونَ ﴿٧٥﴾
گه‌لى موسلمانان ما هه‌وه كريارێن ئسرائيلییان ژ بيركرن، ڤێجا دلێ هه‌وه دچتێ كو ئه‌و جوهى باوه‌رییێ ب دينێ هه‌وه بينن؟ و ب ڕاستى زانايێن وان گوهدارییا گۆتنا خودێ ژ ته‌وراتێ دكر، پاشى پشتى ئه‌و تێگه‌هشتين وڕاستییا وێ زانى ئه‌و ڕابوون وه‌ربادان ئێخستێ، ب شرۆڤه‌كرنا خه‌له‌ت، يان ب گوهۆڕينا په‌يڤێن وێ، ووان دزانى كو ئه‌و ژ قه‌ستا و ژ دره‌و يێ وه‌ربادانێ دئێخنه گۆتنا خودێ.