قورئانا پیرۆز › سورەتا البقرة › ئایەتا ٨٩
سورەتا البقرة · ئایەتا ٨٩ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَقَدۡ ءَاتَيۡنَا مُوسَى ٱلۡكِتَٰبَ وَقَفَّيۡنَا مِنۢ بَعۡدِهِۦ بِٱلرُّسُلِۖ وَءَاتَيۡنَا عِيسَى ٱبۡنَ مَرۡيَمَ ٱلۡبَيِّنَٰتِ وَأَيَّدۡنَٰهُ بِرُوحِ ٱلۡقُدُسِۗ أَفَكُلَّمَا جَآءَكُمۡ رَسُولُۢ بِمَا لَا تَهۡوَىٰٓ أَنفُسُكُمُ ٱسۡتَكۡبَرۡتُمۡ فَفَرِيقٗا كَذَّبۡتُمۡ وَفَرِيقٗا تَقۡتُلُونَ ﴿٨٧﴾
وب راستى مه ته‌ورات دابوو مووساى، ومه هنده‌ك پێغه‌مبه‌رێن دى ژ ئسرائيلییان ب دويڤ وى دا هنارتن، ومه نيشانێن ئاشكه‌را دانه عيسايێ كوڕێ مه‌ريه‌مێ، ومه ئه‌و ب جبريلى ب هێز ئێخست. ئه‌رێ ڤێجا هه‌ر گاڤه‌كا پێغه‌مبه‌ره‌ك بۆ هه‌وه هات ب وه‌حییه‌كا ژ نك خودێ يا كو نه د گه‌ل دلچوونێن هه‌وه بت هوين دێ خۆ مه‌زن كه‌ن، ده‌سته‌كه‌كێ ژ وان دێ دره‌وين ده‌رێخن وده‌سته‌كه‌كێ دێ كوژن؟
وَقَالُواْ قُلُوبُنَا غُلۡفُۢۚ بَل لَّعَنَهُمُ ٱللَّهُ بِكُفۡرِهِمۡ فَقَلِيلٗا مَّا يُؤۡمِنُونَ ﴿٨٨﴾
وئسرائیلییان گۆته پێغه‌مبه‌رێ خودێ موحه‌ممه‌دى سلاڤ لێ بن: دلێن مه دپێچاينه، گۆتنا ته تێدا ناچت. وئه‌و ب خۆ وه‌سا نينه وه‌كى ئه‌و دبێژن، به‌لكى له‌عنه‌ت ل دلێن وان يێن هاتينه‌كرن، وئه‌و دخه‌‌تمكرينه، و ژ به‌ر بێ باوه‌رییا وان ئه‌و ژ ڕه‌حما خودێ دده‌رێخستينه، ڤێجا باوه‌رییه‌كا كێم تێ نه‌بت یا چو مفایێ وان تێدا نه، ئه‌و باوه‌رییێ نائينن.
وَلَمَّا جَآءَهُمۡ كِتَٰبٞ مِّنۡ عِندِ ٱللَّهِ مُصَدِّقٞ لِّمَا مَعَهُمۡ وَكَانُواْ مِن قَبۡلُ يَسۡتَفۡتِحُونَ عَلَى ٱلَّذِينَ كَفَرُواْ فَلَمَّا جَآءَهُم مَّا عَرَفُواْ كَفَرُواْ بِهِۦۚ فَلَعۡنَةُ ٱللَّهِ عَلَى ٱلۡكَٰفِرِينَ ﴿٨٩﴾
وده‌مێ قورئان ژ نك خودێ بۆ وان هاتى ڕاستییا وێ يا د گه‌ل وان ژ ته‌وراتێ تێدا بوو وان باوه‌رى پێ نه‌ئينا، وپێغه‌مبه‌رينییا موحه‌ممه‌دى سلاڤ لێ بن ڕه‌دكر، ووان به‌رى هنارتنا وى دخواست ب وى بشێنه بوتپه‌ڕێسێن عه‌ره‌بان، ودگۆتن: ده‌مێ پێغه‌مبه‌رێ دويماهییا زه‌مانى نێزيك بوويه، ئه‌گه‌ر ئه‌و هات ئه‌م دێ دويكه‌فتنا وى كه‌ين، و د گه‌ل وى دا دێ شه‌ڕێ هه‌وه كه‌ين. ڤێجا ده‌مێ ئه‌و پێغه‌مبه‌ر يێ وان سالۆخه‌ت وڕاستگۆيییا وى دزانى بۆ وان هاتى، وان باوه‌رى پێ نه‌ئينا وئه‌و دره‌وين ده‌رێخست، ڤێجا له‌عنه‌تا خودێ ل هه‌ر ئێكى بت يێ كافرى ب پێغه‌مبه‌رێ خودێ موحه‌ممه‌دى سلاڤ لێ بن كرى، و ب كيتابا وى يا خودێ ب وه‌حى بۆ وى هنارتى.
بِئۡسَمَا ٱشۡتَرَوۡاْ بِهِۦٓ أَنفُسَهُمۡ أَن يَكۡفُرُواْ بِمَآ أَنزَلَ ٱللَّهُ بَغۡيًا أَن يُنَزِّلَ ٱللَّهُ مِن فَضۡلِهِۦ عَلَىٰ مَن يَشَآءُ مِنۡ عِبَادِهِۦۖ فَبَآءُو بِغَضَبٍ عَلَىٰ غَضَبٖۚ وَلِلۡكَٰفِرِينَ عَذَابٞ مُّهِينٞ ﴿٩٠﴾
تشته‌كێ كرێت بوو ئسرائيلییان بۆ خۆ هلبژارتى؛ كو وان ژ زۆردارى ودلڕه‌شى باوه‌رى ب كوفرێ گوهاڕتى كو خودێ ژ قه‌نجییا خۆ قورئان بۆ پێغه‌مبه‌رێ خۆ موحه‌ممه‌دى سلاڤ لێ بن ئينا خوارێ، ڤێجا ئه‌و ب غه‌زه‌به‌كا ژ نك خودێ ڤه ل سه‌ر وان هاتى زڤڕين، ژ به‌ر نه‌باوه‌رى ئينانا وان ب موحه‌ممه‌د پێغه‌مبه‌رى سلاڤ لێ بن، پشتى غه‌زه‌به‌كا دى یا خودێ یا ب سه‌ر وان دا هاتى ژ به‌ر گوهۆڕین وده‌ستێڤه‌دانا وان بۆ ته‌وراتێ. وبۆ وان یێن كافرى ب پێغه‌مبه‌رينییا موحه‌ممه‌دى سلاڤ لێ بن كرى عه‌زابه‌كا وه‌سا هه‌يه ئه‌و پێ بشكێن وڕه‌زيل ببن.
وَإِذَا قِيلَ لَهُمۡ ءَامِنُواْ بِمَآ أَنزَلَ ٱللَّهُ قَالُواْ نُؤۡمِنُ بِمَآ أُنزِلَ عَلَيۡنَا وَيَكۡفُرُونَ بِمَا وَرَآءَهُۥ وَهُوَ ٱلۡحَقُّ مُصَدِّقٗا لِّمَا مَعَهُمۡۗ قُلۡ فَلِمَ تَقۡتُلُونَ أَنۢبِيَآءَ ٱللَّهِ مِن قَبۡلُ إِن كُنتُم مُّؤۡمِنِينَ ﴿٩١﴾
وئه‌گه‌ر هنده‌ك موسلمانان گۆته جوهییان: باوه‌رییێ ب وێ بينن يا خودێ ژ قورئانێ ئينايه خوارێ، ئه‌و دێ بێژن: ئه‌م دێ باوه‌رییێ ب وێ ئينين يا بۆ پێغه‌مبه‌رێن مه هاتییه خوارێ، وتشتێ پشتى وێ چه‌ندێ خودێ ئينايه خوارێ ئه‌و باوه‌رییێ پێ نائينن، وئه‌وه حه‌قى، يا كو ڕاستییا وێ ئاشكه‌را دكه‌ت ئه‌وا د گه‌ل وان هه‌ى. وئه‌گه‌ر وان ب دورستى باوه‌رى ب كيتابێن خۆ ئينابا، ئه‌و دا باوه‌رییێ ب وێ قورئانێ ژى ئينن یا ئه‌و ڕاست ده‌رێخستى. تو -ئه‌ى پێغه‌مبه‌ر- بێژه وان: ئه‌گه‌ر هوين دخودان باوه‌رن ب وێ يا خودێ بۆ هه‌وه ئينايه خوارێ، ئه‌رێ بۆچى به‌رى نوكه هه‌وه پێغه‌مبه‌رێن خودێ دكوشتن؟