قورئانا پیرۆز › سورەتا البينة › ئایەتا ٥
سورەتا البينة · ئایەتا ٥ ب تەفسیرا کوردی
Al-Bayyinah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فِيهَا كُتُبٞ قَيِّمَةٞ ﴿٣﴾
د وان به‌رپه‌ران دا به‌حسێن ڕاست وفه‌رمانێن دورست هه‌نه، يێن سه‌رى دكێشنه حه‌قییێ وڕێكا ڕاست.
وَمَا تَفَرَّقَ ٱلَّذِينَ أُوتُواْ ٱلۡكِتَٰبَ إِلَّا مِنۢ بَعۡدِ مَا جَآءَتۡهُمُ ٱلۡبَيِّنَةُ ﴿٤﴾
وئه‌وێن كيتاب بۆ هاتى ژ جوهى وفه‌لان د ده‌ر حه‌قا ڕاستییا پێغه‌مبه‌رينییا موحه‌ممه‌دى دا -سلاڤ لێ بن- ژێك جودا نه‌بوون؛ چونكى سالۆخه‌تێن وى د كيتابێن وان دا هاتبوون، حه‌تا بۆ وان ئاشكه‌را نه‌بووى كو ئه‌و ئه‌و پێغه‌مبه‌ره يێ به‌حسێ وى د ته‌ورات وئنجيلێ دا هاتى، ئه‌و ل سه‌ر ڕاستییا پێغه‌مبه‌رينییا وى كۆم بووبوون، ڤێجا ده‌مێ ئه‌و هاتییه هنارتن وان باوه‌رى پێ نه‌ئينا وئه‌و ژێك جودا بوون.
وَمَآ أُمِرُوٓاْ إِلَّا لِيَعۡبُدُواْ ٱللَّهَ مُخۡلِصِينَ لَهُ ٱلدِّينَ حُنَفَآءَ وَيُقِيمُواْ ٱلصَّلَوٰةَ وَيُؤۡتُواْ ٱلزَّكَوٰةَۚ وَذَٰلِكَ دِينُ ٱلۡقَيِّمَةِ ﴿٥﴾
و د هه‌مى شريعه‌تان دا فه‌رمان ب تشته‌كى ل وان نه‌هاتبوو كرن ژبلی هندێ كو ئه‌و په‌رستنا خودێ ب تنێ بكه‌ن و ب عيباده‌تى قه‌ستا كنارێ وى بكه‌ن، ڕوییێ خۆ ژ شركێ وه‌رگێڕنه باوه‌رییێ، و ب كرنا نڤێژێ ڕاببن، وزه‌كاتێ بده‌ن، وئه‌وه دينێ ڕاست كو ئيسلامه.
إِنَّ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ وَٱلۡمُشۡرِكِينَ فِي نَارِ جَهَنَّمَ خَٰلِدِينَ فِيهَآۚ أُوْلَـٰٓئِكَ هُمۡ شَرُّ ٱلۡبَرِيَّةِ ﴿٦﴾
هندى ئه‌ون يێن كافر بووين ژ جوهى وفه‌له وبوتپه‌رێسان جزايێ وان ئه‌وه ئه‌و د ئاگرێ جه‌هنه‌مێ دا بن هه‌ر وهه‌ر تێدا بمينن، خرابترينێ خه‌لكى هه‌مییێ ئه‌ون.
إِنَّ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ أُوْلَـٰٓئِكَ هُمۡ خَيۡرُ ٱلۡبَرِيَّةِ ﴿٧﴾
هندى ئه‌ون يێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى وچاكى كرين، چێترينێ خه‌لكى هه‌مییێ ئه‌ون.