قورئانا پیرۆز › سورەتا الفتح › ئایەتا ١
سورەتا الفتح · ئایەتا ١ ب تەفسیرا کوردی
Al-Fath
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّا فَتَحۡنَا لَكَ فَتۡحٗا مُّبِينٗا ﴿١﴾
هندى ئه‌مين مه ڤه‌كرنه‌كا ئاشكه‌را بۆ ته -ئه‌ى پێغه‌مبه‌ر- ڤه‌كرییه، خودێ دينێ ته دێ تێدا زال كه‌ت، وته ب سه‌ر دوژمنان ئێخت، ومه‌به‌ست پێ صولحا (حوده‌يبیێیه) ده‌مێ خه‌لك تێدا پشتڕاست بووى، ومه‌يدانا گازییا ئيسلامێ به‌رفره‌هـ بووى، وهه‌چییێ ڤياى ڕاستییا ئيسلامێ بزانت شيا بۆ خۆ لێ بگه‌ڕيێت، ڤێجا هنگى خه‌لك كۆم كۆمه هاتنه د ئيسلامێ دا؛ له‌و خودێ ناڤێ وێ كره ڤه‌كرنا ئاشكه‌را.
لِّيَغۡفِرَ لَكَ ٱللَّهُ مَا تَقَدَّمَ مِن ذَنۢبِكَ وَمَا تَأَخَّرَ وَيُتِمَّ نِعۡمَتَهُۥ عَلَيۡكَ وَيَهۡدِيَكَ صِرَٰطٗا مُّسۡتَقِيمٗا ﴿٢﴾
مه ئه‌و ڤه‌كرن دا ته و ل به‌ر ته ب ساناهى ئێخست؛ دا خودێ گونه‌هێن ته يێن چوويین ويێن مايین بۆ ته ژێ ببه‌ت؛ ژ به‌ر وان نه‌خۆشییێن ته د ڕێكا ڤێ ڤه‌كرنێ دا ديتين، ودا ئه‌و ب سه‌رێخستنا دينێ ته وشكاندنا دوژمنێن ته قه‌نجییا خۆ ل سه‌ر ته تمام بكه‌ت، ودا به‌رێ ته بده‌ته ڕێكا دينى يا ڕاست.
وَيَنصُرَكَ ٱللَّهُ نَصۡرًا عَزِيزًا ﴿٣﴾
ودا خودێ ب سه‌ركه‌فتنه‌كا ب هێز ته ب سه‌ربێخت، كو ئیسلام تێدا لاواز نه‌بت.