قورئانا پیرۆز › سورەتا الفرقان › ئایەتا ٢
سورەتا الفرقان · ئایەتا ٢ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
تَبَارَكَ ٱلَّذِي نَزَّلَ ٱلۡفُرۡقَانَ عَلَىٰ عَبۡدِهِۦ لِيَكُونَ لِلۡعَٰلَمِينَ نَذِيرًا ﴿١﴾
به‌ره‌كاتێن خودێ دمه‌زن بووينه، وخێراتێن وى دمشه بووينه، وسالۆخه‌تێن وى دكامل بووينه، ئه‌و خودايێ ئه‌و قورئان بۆ به‌نییێ خۆ موحه‌ممه‌دى -سلاڤ لێ بن- ئينايه خوارێ يا حه‌قى ونه‌حه‌قى ژێك جودا كرى؛ دا ئه‌و بۆ مرۆڤ وئه‌جنان ببته پێغه‌مبه‌ر، ووان ژ عه‌زابا خودێ بترسينت.
ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِ وَلَمۡ يَتَّخِذۡ وَلَدٗا وَلَمۡ يَكُن لَّهُۥ شَرِيكٞ فِي ٱلۡمُلۡكِ وَخَلَقَ كُلَّ شَيۡءٖ فَقَدَّرَهُۥ تَقۡدِيرٗا ﴿٢﴾
ئه‌و خودايێ ملكێ عه‌سمانان وعه‌ردى يێ وییه، ووى چو زارۆك بۆ خۆ نه‌داينه، وچو هه‌ڤپشك ژى وى د ملكێ خۆ دا نه‌بووينه، وئه‌وه يێ هه‌ر تشته‌كێ هه‌ى ئافراندى، و ب ئافراندنه‌كا بابه‌تى هه‌ر ئێكى بت وى ل دويڤ حكمه‌تا خۆ وبێ كێماسى ئه‌و ئافراند.
وَٱتَّخَذُواْ مِن دُونِهِۦٓ ءَالِهَةٗ لَّا يَخۡلُقُونَ شَيۡـٔٗا وَهُمۡ يُخۡلَقُونَ وَلَا يَمۡلِكُونَ لِأَنفُسِهِمۡ ضَرّٗا وَلَا نَفۡعٗا وَلَا يَمۡلِكُونَ مَوۡتٗا وَلَا حَيَوٰةٗ وَلَا نُشُورٗا ﴿٣﴾
وبوتپه‌رێسێن عه‌ره‌بان ژبلی خودێ هنده‌ك خوداوه‌ندێن نه‌شێن تشته‌كى بئافرينن بۆ خۆ دانان، وخودێ ئه‌و وئه‌و ئافراندينه، وئه‌و خوداوه‌ند نه‌شێن چو زيانێ ژ خۆ پاشڤه ببه‌ن ونه‌شێن چو مفایه‌كى بگه‌هيننه خۆ، ونه‌شێن چو زێندییان بمرينن وچو مرییان زێندى بكه‌ن، وئه‌و نه‌شێن مرییه‌كى ژ گۆڕا وى زێندى ده‌ربێخن.
وَقَالَ ٱلَّذِينَ كَفَرُوٓاْ إِنۡ هَٰذَآ إِلَّآ إِفۡكٌ ٱفۡتَرَىٰهُ وَأَعَانَهُۥ عَلَيۡهِ قَوۡمٌ ءَاخَرُونَۖ فَقَدۡ جَآءُو ظُلۡمٗا وَزُورٗا ﴿٤﴾
وئه‌وێن كوفر ب خودێ كرى گۆتن: هه‌ما ئه‌ڤ قورئانه دره‌وه‌ك وبێ به‌ختییه‌كه موحه‌ممه‌دى ژ نك خۆ چێكرى، وهنده‌ك مرۆڤێن دى هاريكارییا وى ل سه‌ر چێكرنا وێ كرییه، ب ڕاستى وان زۆردارییه‌كا كرێت ودره‌وه‌كا ئاشكه‌را كر؛ چونكى قورئان نه ئه‌وه يا مرۆڤه‌ك بشێت چێ بكه‌ت.