قورئانا پیرۆز › سورەتا الفرقان › ئایەتا ٢١
سورەتا الفرقان · ئایەتا ٢١ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَقَدۡ كَذَّبُوكُم بِمَا تَقُولُونَ فَمَا تَسۡتَطِيعُونَ صَرۡفٗا وَلَا نَصۡرٗاۚ وَمَن يَظۡلِم مِّنكُمۡ نُذِقۡهُ عَذَابٗا كَبِيرٗا ﴿١٩﴾
ڤێجا بۆ بوتپه‌رێسان دێ ئێته گۆتن: نێ ڤان يێن هه‌وه په‌رستن بۆ كرى، هوين ب وى تشتێ هوين دبێژن دره‌وين ده‌رێخستن، ڤێجا هوين ئه‌ڤه‌نه نه هوين دشێن عه‌زابێ ژ سه‌ر خۆ لاده‌ن، ونه هوين دشێن خۆ ب سه‌ربێخن، وهه‌چییێ شريكان بۆ خودێ بدانت وزۆردارییێ ل خۆ بكه‌ت وپه‌رستنا ئێكێ دى ژبلی وى بكه‌ت، و ل سه‌ر ڤێ چه‌ندێ بمرت، خودێ ب عه‌زابه‌كا دژوار دێ وى عه‌زاب ده‌ت.
وَمَآ أَرۡسَلۡنَا قَبۡلَكَ مِنَ ٱلۡمُرۡسَلِينَ إِلَّآ إِنَّهُمۡ لَيَأۡكُلُونَ ٱلطَّعَامَ وَيَمۡشُونَ فِي ٱلۡأَسۡوَاقِۗ وَجَعَلۡنَا بَعۡضَكُمۡ لِبَعۡضٖ فِتۡنَةً أَتَصۡبِرُونَۗ وَكَانَ رَبُّكَ بَصِيرٗا ﴿٢٠﴾
وبه‌رى ته -ئه‌ى پێغه‌مبه‌ر- مه پێغه‌مبه‌ره‌كێ خۆ نه‌هنارتییه ئه‌گه‌ر ئه‌و مرۆڤ نه‌بت، خوارنێ بخۆت، و ل بازاران بگه‌ڕيێت. ومه هنده‌ك ژ هه‌وه -گه‌لی مرۆڤان- بۆ هنده‌كان يێن كرينه فتنه وجه‌ڕباندن، ب هيدايه‌تێ وسه‌رداچوونێ، وزه‌نگينى وفه‌قيرییێ، ب ساخى ونه‌ساخییێ، كانێ هوين دێ صه‌برێ كێشێن، ووێ كه‌ن يا خودێ ل سه‌ر هه‌وه واجب كرى، وشوكرا وى كه‌ن، دا ئه‌و خێرێ بده‌ته هه‌وه، يان ژى هوين صه‌برێ ناكێشن، ودێ خۆ هێژاى جزادانێ كه‌ن؟ وخودايێ ته -ئه‌ى پێغه‌مبه‌ر- بينه‌ر بوويه ب وى يێ صه‌برێ بكێشت ويێ نه‌كێشت، و ب وى يێ كافر ببت يان شوكرێ بكه‌ت.
۞وَقَالَ ٱلَّذِينَ لَا يَرۡجُونَ لِقَآءَنَا لَوۡلَآ أُنزِلَ عَلَيۡنَا ٱلۡمَلَـٰٓئِكَةُ أَوۡ نَرَىٰ رَبَّنَاۗ لَقَدِ ٱسۡتَكۡبَرُواْ فِيٓ أَنفُسِهِمۡ وَعَتَوۡ عُتُوّٗا كَبِيرٗا ﴿٢١﴾
وئه‌وێن ژ كافرى هيڤییا ديدارا خودايێ خۆ -پشتى مرنێ- ناكه‌ن، گۆتن: بلا فريشته بۆ مه هاتبانه وگۆتبانه مه: موحه‌ممه‌د يێ ڕاستگۆيه، يان مه خودايێ خۆ ب چاڤ ديتبا، ووى ڕاستییا پێغه‌مبه‌رينییا موحه‌ممه‌دى بۆ مه گۆتبا. ب ڕاستى وان كه‌يف ب خۆ هات، وخۆ مه‌زن كر ده‌مێ وان بسته‌يى ل سه‌ر ڤێ گۆتنێ كرى، وزێده‌گاڤى د كوفر وسه‌رداچوونا خۆ دا كرى.
يَوۡمَ يَرَوۡنَ ٱلۡمَلَـٰٓئِكَةَ لَا بُشۡرَىٰ يَوۡمَئِذٖ لِّلۡمُجۡرِمِينَ وَيَقُولُونَ حِجۡرٗا مَّحۡجُورٗا ﴿٢٢﴾
ل به‌ر مرنێ، و د قه‌برى دا، و ڕۆژا قيامه‌تێ ئه‌و فريشته‌يان دبينن نه وه‌كى وان داخوازكرى، ونه دا مزگينییێ ب به‌حه‌شتێ بده‌نه وان، به‌لكى دا بێژنه وان: خودێ به‌حه‌شت ل سه‌ر هه‌وه حه‌رامكرییه.
وَقَدِمۡنَآ إِلَىٰ مَا عَمِلُواْ مِنۡ عَمَلٖ فَجَعَلۡنَٰهُ هَبَآءٗ مَّنثُورًا ﴿٢٣﴾
وئه‌م هاتينه وى كارێ وان كرى يێ ب سه‌رڤه باش، ومه ئه‌و هه‌مى پويچكر، ووه‌كى تۆزا هوير وبه‌لاڤكرى لێكر، ئه‌و چو مفاى ژێ نابينن، چونكى ئه‌و كار مفایى دگه‌هینته خودانى یێ باوه‌رى و ئیخلاص و موتابه‌عه‌یا پێغه‌مبه‌رى تێدا بت.