قورئانا پیرۆز › سورەتا الفرقان › ئایەتا ٣٨
سورەتا الفرقان · ئایەتا ٣٨ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَقُلۡنَا ٱذۡهَبَآ إِلَى ٱلۡقَوۡمِ ٱلَّذِينَ كَذَّبُواْ بِـَٔايَٰتِنَا فَدَمَّرۡنَٰهُمۡ تَدۡمِيرٗا ﴿٣٦﴾
ومه گۆته وان: هوين هه‌ڕنه نك فيرعه‌ونى وملله‌تێ وى يێن كو دره‌و ب نيشانێن خوداينییا مه كرى، ئينا ئه‌و چوونه نك وى، ووان به‌رێ وى دا باوه‌رى ئينانا ب خودێ وگوهدارییا وى وخۆ دويركرنا ژ شركێ، به‌لێ وى ئه‌و هه‌ردو دره‌وين ده‌رێخستن، ڤێجا مه ب تێبرنه‌كا مه‌زن ئه‌و تێبرن.
وَقَوۡمَ نُوحٖ لَّمَّا كَذَّبُواْ ٱلرُّسُلَ أَغۡرَقۡنَٰهُمۡ وَجَعَلۡنَٰهُمۡ لِلنَّاسِ ءَايَةٗۖ وَأَعۡتَدۡنَا لِلظَّـٰلِمِينَ عَذَابًا أَلِيمٗا ﴿٣٧﴾
وملله‌تێ نووحى مه ب تووفانێ خه‌ندقاندن ده‌مێ وان ئه‌و دره‌وين ده‌رێخستى. وهه‌چییێ پێغه‌مبه‌ره‌كى دره‌وين ده‌ربێخت ئه‌و وى هه‌مى پێغه‌مبه‌ر دره‌وين ده‌رێخستن. ومه خه‌ندقاندنا وان بۆ مرۆڤان كره عيبره‌ت، ومه عه‌زابه‌كا ب ئێش ل ڕۆژا قيامه‌تێ بۆ وان وهه‌ر كه‌سه‌كێ ڕێكا وان بگرت دانايه.
وَعَادٗا وَثَمُودَاْ وَأَصۡحَٰبَ ٱلرَّسِّ وَقُرُونَۢا بَيۡنَ ذَٰلِكَ كَثِيرٗا ﴿٣٨﴾
ومه ملله‌تێ هوودى عاد، وملله‌تێ صالحى ثه‌موود، وخودانێن بيرێ وگه‌له‌ك ملله‌ت د ناڤبه‌را ملله‌تێ نووحى وعادى وثه‌موودى وخودانێن بيرێ دا تێبرن، به‌س خودێ وان دناست.
وَكُلّٗا ضَرَبۡنَا لَهُ ٱلۡأَمۡثَٰلَۖ وَكُلّٗا تَبَّرۡنَا تَتۡبِيرٗا ﴿٣٩﴾
ومه هێجه‌ت وده‌ليل بۆ وان هه‌مى ملله‌تان ئاشكه‌را كربوون، ومه چو عوزر بۆ وان نه‌هێلابوون، د گه‌ل هندێ وان باوه‌رى نه‌ئينا، ڤێجا مه ئه‌و ب عه‌زابێ تێبرن.
وَلَقَدۡ أَتَوۡاْ عَلَى ٱلۡقَرۡيَةِ ٱلَّتِيٓ أُمۡطِرَتۡ مَطَرَ ٱلسَّوۡءِۚ أَفَلَمۡ يَكُونُواْ يَرَوۡنَهَاۚ بَلۡ كَانُواْ لَا يَرۡجُونَ نُشُورٗا ﴿٤٠﴾
و ب ڕاستى بوتپه‌رێسێن (مه‌كه‌هێ) د سه‌فه‌رێن خۆ دا د به‌ر شوينوارێن گوندێ ملله‌تێ لووطى ڕا دبۆرين، كو گوندێ (سه‌دوومێ) بوو ئه‌وێ به‌ر ژ عه‌سمانى لێ هاتينه باراندن، به‌لێ وان چو عيبره‌ت بۆ خۆ وه‌رنه‌دگرتن، به‌لكى هه‌ر ئه‌و ب هيڤى نه‌بوون كو ل ڕۆژا قيامه‌تێ بۆ جزادانێ ڕاببن.