قورئانا پیرۆز › سورەتا الفرقان › ئایەتا ٤٢
سورەتا الفرقان · ئایەتا ٤٢ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَقَدۡ أَتَوۡاْ عَلَى ٱلۡقَرۡيَةِ ٱلَّتِيٓ أُمۡطِرَتۡ مَطَرَ ٱلسَّوۡءِۚ أَفَلَمۡ يَكُونُواْ يَرَوۡنَهَاۚ بَلۡ كَانُواْ لَا يَرۡجُونَ نُشُورٗا ﴿٤٠﴾
و ب ڕاستى بوتپه‌رێسێن (مه‌كه‌هێ) د سه‌فه‌رێن خۆ دا د به‌ر شوينوارێن گوندێ ملله‌تێ لووطى ڕا دبۆرين، كو گوندێ (سه‌دوومێ) بوو ئه‌وێ به‌ر ژ عه‌سمانى لێ هاتينه باراندن، به‌لێ وان چو عيبره‌ت بۆ خۆ وه‌رنه‌دگرتن، به‌لكى هه‌ر ئه‌و ب هيڤى نه‌بوون كو ل ڕۆژا قيامه‌تێ بۆ جزادانێ ڕاببن.
وَإِذَا رَأَوۡكَ إِن يَتَّخِذُونَكَ إِلَّا هُزُوًا أَهَٰذَا ٱلَّذِي بَعَثَ ٱللَّهُ رَسُولًا ﴿٤١﴾
وده‌مێ ئه‌ڤ بوتپه‌رێسه ته دبينن -ئه‌ى پێغه‌مبه‌ر- ئه‌و يارییان بۆ خۆ ب ته دكه‌ن ودبێژن: ئه‌ڤه‌يه يێ كو دبێژت خودێ ئه‌و بۆ مه يێ هنارتى پێغه‌مبه‌ر؟
إِن كَادَ لَيُضِلُّنَا عَنۡ ءَالِهَتِنَا لَوۡلَآ أَن صَبَرۡنَا عَلَيۡهَاۚ وَسَوۡفَ يَعۡلَمُونَ حِينَ يَرَوۡنَ ٱلۡعَذَابَ مَنۡ أَضَلُّ سَبِيلًا ﴿٤٢﴾
نێزيك بوو ئه‌و ب ئه‌زمانێ خۆ يێ موكم به‌رێ مه ژ په‌رستنا صه‌نه‌مێن مه وه‌رگێڕت، ئه‌گه‌ر مه خۆ ل سه‌ر په‌رستنا وان موكم نه‌كربا، وپاشى ده‌مێ ئه‌و وێ عه‌زابێ دبينن يا هێژاى وان ئه‌و دێ زانن: كى ڕێ به‌رزه‌تره ئه‌و يان موحه‌ممه‌د.
أَرَءَيۡتَ مَنِ ٱتَّخَذَ إِلَٰهَهُۥ هَوَىٰهُ أَفَأَنتَ تَكُونُ عَلَيۡهِ وَكِيلًا ﴿٤٣﴾
تو -ئه‌ى پێغه‌مبه‌ر- ب عه‌جێبى ڤه به‌رێ خۆ بده وى يێ وه‌كى گوهدارییا خودێ گوهدارییا دلچوونێن خۆ كرى، ئه‌رێ ڤێجا ما تو دێ ل سه‌ر وى پارێزه‌ر بى حه‌تا وى دزڤڕينییه باوه‌رییێ؟
أَمۡ تَحۡسَبُ أَنَّ أَكۡثَرَهُمۡ يَسۡمَعُونَ أَوۡ يَعۡقِلُونَۚ إِنۡ هُمۡ إِلَّا كَٱلۡأَنۡعَٰمِ بَلۡ هُمۡ أَضَلُّ سَبِيلًا ﴿٤٤﴾
يان تو هزر دكه‌ى كو پترییا وان وه‌سا گوهێ خۆ دده‌نه ئايه‌تێن خودێ كو تێ بگه‌هن، يان تشته‌كى ژێ بزانن؟ هه‌ما ئه‌و د مه‌سه‌لا مفا وه‌رگرتنا ژ تشتێ گوهـ لێ دبن دا وه‌كى حه‌يوانانه، به‌لكى ئه‌و هێشتا ژ حه‌يوانان ژى ڕێ به‌رزه‌ترن.