قورئانا پیرۆز › سورەتا الفرقان › ئایەتا ٦٦
سورەتا الفرقان · ئایەتا ٦٦ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱلَّذِينَ يَبِيتُونَ لِرَبِّهِمۡ سُجَّدٗا وَقِيَٰمٗا ﴿٦٤﴾
وئه‌ون يێن ب شه‌ڤێ گه‌له‌ك نڤێژان دكه‌ن و ژ دل دوعايان ژ خودايێ خۆ دكه‌ن، ب خۆشكاندن ڤه ڕادبن وبۆ وى دچنه سوجدێ.
وَٱلَّذِينَ يَقُولُونَ رَبَّنَا ٱصۡرِفۡ عَنَّا عَذَابَ جَهَنَّمَۖ إِنَّ عَذَابَهَا كَانَ غَرَامًا ﴿٦٥﴾
وئه‌ون يێن د گه‌ل ڤێ خۆ وه‌ستاندنا ب عيباده‌تى ڤه ژ خودێ دترسن ودوعايان ژ وى دكه‌ن كو ئه‌و وان ژ عه‌زابا جه‌هنه‌مێ ڕزگار بكه‌ت، هندى عه‌زابا وێيه ب خودانى ڤه دنويسيێت ووى به‌رناده‌ت.
إِنَّهَا سَآءَتۡ مُسۡتَقَرّٗا وَمُقَامٗا ﴿٦٦﴾
هندى جه‌هنه‌مه پيسه جهێ لێ ئاكنجيبوون وڤه‌مانێیه.
وَٱلَّذِينَ إِذَآ أَنفَقُواْ لَمۡ يُسۡرِفُواْ وَلَمۡ يَقۡتُرُواْ وَكَانَ بَيۡنَ ذَٰلِكَ قَوَامٗا ﴿٦٧﴾
وئه‌ون يێن ئه‌گه‌ر تشته‌ك ژ مالێ خۆ خه‌رج كر ده‌ستبه‌رداى نابن، وخۆ ده‌ستگرتى ژى لێ ناكه‌ن، وخه‌رجكرنا وان يا ناڤنجییه د ناڤبه‌را ده‌ستبه‌ردان وده‌ستگرتنێ دا.
وَٱلَّذِينَ لَا يَدۡعُونَ مَعَ ٱللَّهِ إِلَٰهًا ءَاخَرَ وَلَا يَقۡتُلُونَ ٱلنَّفۡسَ ٱلَّتِي حَرَّمَ ٱللَّهُ إِلَّا بِٱلۡحَقِّ وَلَا يَزۡنُونَۚ وَمَن يَفۡعَلۡ ذَٰلِكَ يَلۡقَ أَثَامٗا ﴿٦٨﴾
وئه‌ون يێن ته‌وحيدا خودێ دكه‌ن، وژبلی وى دوعايان ژ كه‌سێ دى ناكه‌ن وپه‌رستنا كه‌سێ ژى ناكه‌ن، ووێ نه‌فسێ ناكوژن يا خودێ كوشتنا وێ حه‌رامكرى، وه‌سا تێ نه‌بت ئه‌و وى تشتى بكه‌ت كو خۆ پێ هێژاى كوشتنێ بكه‌ت وه‌كى: كافرییا پشتى باوه‌رى ئينانێ، يان زناكرنا پشتى ژن ئينانێ، يان كوشتنا نه‌فسه‌كا بێ گونه‌هـ، وئه‌و زنايێ ناكه‌ن، به‌لكى نامويسا خۆ دپارێزن، وه‌سا نه بت د گه‌ل حه‌لالێن خۆ ژ ژن وجارییان، وهه‌چییێ تشته‌كى ژ ڤان گونه‌هێن مه‌زن بكه‌ت ل ئاخره‌تێ دێ گه‌هته جزايێ خۆ.