قورئانا پیرۆز › سورەتا الفرقان › ئایەتا ٧٢
سورەتا الفرقان · ئایەتا ٧٢ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِلَّا مَن تَابَ وَءَامَنَ وَعَمِلَ عَمَلٗا صَٰلِحٗا فَأُوْلَـٰٓئِكَ يُبَدِّلُ ٱللَّهُ سَيِّـَٔاتِهِمۡ حَسَنَٰتٖۗ وَكَانَ ٱللَّهُ غَفُورٗا رَّحِيمٗا ﴿٧٠﴾
به‌لێ هه‌چییێ ژ ڤان گونه‌هان تۆبه بكه‌ت تۆبه‌كا دورست وباوه‌رییێ بينت باوه‌رییه‌كا ڕاست وكارێ چاك د گه‌ل دا بكه‌ت، ئه‌وان خودێ گونه‌هێن وان دێ ژێ به‌ت و ل شوينێ خێران دێ ده‌ته وان؛ ژ به‌ر تۆبه‌كرن وپه‌شێمانییا وان. وخودێ باش گونه‌هژێبر بوويه بۆ وى يێ تۆبه بكه‌ت، ويێ دلۆڤانكار بوويه ب به‌نییێن خۆ كو به‌رێ وان دايه تۆبه‌كرنێ پشتى وان ئاشكه‌را بێ ئه‌مرییا وى كرى.
وَمَن تَابَ وَعَمِلَ صَٰلِحٗا فَإِنَّهُۥ يَتُوبُ إِلَى ٱللَّهِ مَتَابٗا ﴿٧١﴾
وهه‌چییێ ژ گونه‌هێن خۆ تۆبه بكه‌ت، وكاره‌كێ چاك بكه‌ت، هندى ئه‌وه ئه‌و ب وێ چه‌ندێ زڤڕى نك خودێ زڤڕينه‌كا دورست، ڤێجا خودێ تۆبا وى دێ قه‌بويل كه‌ت وگونه‌هێن وى دێ ژێ به‌ت.
وَٱلَّذِينَ لَا يَشۡهَدُونَ ٱلزُّورَ وَإِذَا مَرُّواْ بِٱللَّغۡوِ مَرُّواْ كِرَامٗا ﴿٧٢﴾
وئه‌ون يێن شاهده‌يیێ ب دره‌و ناده‌ن و ل وى جهى ژى ئاماده نابن يێ شاهده زۆرى لێ دئێته‌دان، وئه‌گه‌ر ئه‌و بێ ده‌ستى د به‌ر هنده‌ك له‌غوه‌چییان ڕا بۆرين ئه‌و پشتا خۆ دده‌نه وان وخۆ ژ گۆتنێن وان دپارێزن، وپێ ڕازى نابن.
وَٱلَّذِينَ إِذَا ذُكِّرُواْ بِـَٔايَٰتِ رَبِّهِمۡ لَمۡ يَخِرُّواْ عَلَيۡهَا صُمّٗا وَعُمۡيَانٗا ﴿٧٣﴾
وئه‌ون يێن ئه‌گه‌ر ب ئايه‌تێن قورئانێ وده‌ليلێن ته‌وحيدا خودێ شيره‌ت ل وان بێته‌كرن ئه‌و خۆ ژێ بێ ئاگه‌هـ ناكه‌ن، وه‌كى كه‌ڕان يێن گوهـ لێ نه‌بن، وكۆران يێن نه‌بينن، به‌لكى ئه‌و ب دلێن خۆ تێ دگه‌هن، وچاڤێن خۆ لێ ڤه‌دكه‌ن، وبۆ خودێ دچنه سوجدێ.
وَٱلَّذِينَ يَقُولُونَ رَبَّنَا هَبۡ لَنَا مِنۡ أَزۡوَٰجِنَا وَذُرِّيَّـٰتِنَا قُرَّةَ أَعۡيُنٖ وَٱجۡعَلۡنَا لِلۡمُتَّقِينَ إِمَامًا ﴿٧٤﴾
وئه‌ون يێن دوعايان ژ خودێ دكه‌ن ودبێژن: خودايێ مه تو ژ ژن ودوونده‌هێن مه وێ بده مه يا چاڤێن مه پێ روهن ببن، وهه‌دارا مه پێ بێت ودلێ مه پێ خۆش ببت، و د كرنا خێرێ دا تو مه بكه جهێ چاڤلێكرنێ.