قورئانا پیرۆز › سورەتا الحديد › ئایەتا ٣
سورەتا الحديد · ئایەتا ٣ ب تەفسیرا کوردی
Al-Hadid
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
سَبَّحَ لِلَّهِ مَا فِي ٱلسَّمَٰوَٰتِ وَٱلۡأَرۡضِۖ وَهُوَ ٱلۡعَزِيزُ ٱلۡحَكِيمُ ﴿١﴾
هه‌ر تشته‌كێ ل عه‌سمانان وعه‌ردى ژ هه‌مى چێكرییان خودێ پاك وپيرۆز كرییه، وئه‌وه يێ ل سه‌ر خه‌لكى زال، يێ كاربنه‌جهـ د ڕێڤه‌برنا كارێ وان دا.
لَهُۥ مُلۡكُ ٱلسَّمَٰوَٰتِ وَٱلۡأَرۡضِۖ يُحۡيِۦ وَيُمِيتُۖ وَهُوَ عَلَىٰ كُلِّ شَيۡءٖ قَدِيرٌ ﴿٢﴾
ملكێ عه‌سمانان وعه‌ردى وهه‌ر تشته‌كێ د ناڤ دا يێ وییه، ئه‌وه خودان يێ خه‌لكى ب ڕێڤه دبه‌ت، ژينێ ومرنێ دده‌ت، وئه‌و ل سه‌ر هه‌ر تشته‌كى يێ خودان شيانه، تشته‌ك نينه ل به‌ر وى ئاسێ ببت، يا وى بڤێت ئه‌و دكه‌ت، ويا وى نه‌ڤێت نابت.
هُوَ ٱلۡأَوَّلُ وَٱلۡأٓخِرُ وَٱلظَّـٰهِرُ وَٱلۡبَاطِنُۖ وَهُوَ بِكُلِّ شَيۡءٍ عَلِيمٌ ﴿٣﴾
ئه‌و يێ ئێكێیه كه‌س به‌رى وى نينه، وئه‌و يێ دويماهیێیه كه‌س پشتى وى نينه، ويێ ئاشكه‌رايه كه‌س د سه‌ر وى دا نينه، ويێ ڤه‌شارتییه كه‌س د بن وى دا نينه، وتشته‌ك نه ل عه‌ردى ونه ل عه‌سمانى ل وى به‌رزه نابت، وئه‌و ب هه‌ر تشته‌كى يێ پڕزانايه.
هُوَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ يَعۡلَمُ مَا يَلِجُ فِي ٱلۡأَرۡضِ وَمَا يَخۡرُجُ مِنۡهَا وَمَا يَنزِلُ مِنَ ٱلسَّمَآءِ وَمَا يَعۡرُجُ فِيهَاۖ وَهُوَ مَعَكُمۡ أَيۡنَ مَا كُنتُمۡۚ وَٱللَّهُ بِمَا تَعۡمَلُونَ بَصِيرٞ ﴿٤﴾
ئه‌وه عه‌سمان وعه‌رد وهه‌ر تشته‌كێ د ناڤبه‌رێ دا د شه‌ش ڕۆژان دا ئافراندى، پاشى ل سه‌ر عه‌رشێ خۆ بلند بوو وئستيوا كر ئستيوائه‌كا بابه‌تى وى بت، ئه‌و دزانت كانێ چ باران ودندك وهه‌ر تشته‌كێ دى دچته د عه‌ردى ڕا، وكانێ چ ژێ ده‌ردكه‌ڤت ژ شينكاتى وداروباران، وكانێ چ ژ عه‌سمانى دئێته خوارێ ژ بارانێ، وكانێ چ بلند دبتێ ژ ملياكه‌ت وكرياران، وئه‌و ب زانينا خۆ يێ د گه‌ل هه‌وه ل هه‌ر جهه‌كێ هوين لێ بن، وخودێ وان كرياران دبينت يێن هوين دكه‌ن، وئه‌و دێ هه‌وه سه‌را وان جزا ده‌ت.
لَّهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَإِلَى ٱللَّهِ تُرۡجَعُ ٱلۡأُمُورُ ﴿٥﴾
ملكێ عه‌سمانان وعه‌ردى يێ وییه، و دويماهییا كريارێن خه‌لكى ل ئاخره‌تێ بۆ نك خودێیه، وئه‌و دێ جزايێ وان سه‌را ده‌تێ.