قورئانا پیرۆز › سورەتا الحج › ئایەتا ١٥
سورەتا الحج · ئایەتا ١٥ ب تەفسیرا کوردی
Al-Hajj
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَدۡعُواْ لَمَن ضَرُّهُۥٓ أَقۡرَبُ مِن نَّفۡعِهِۦۚ لَبِئۡسَ ٱلۡمَوۡلَىٰ وَلَبِئۡسَ ٱلۡعَشِيرُ ﴿١٣﴾
ئه‌و دوعايێ ژ وى دكه‌ت يێ زيانا وى يا مسۆگه‌ر ژ مفايێ وى نێزيكتر، ئه‌وێ هه يێ په‌رستن بۆ دئێته‌كرن پيسه سه‌ركاره، وئه‌و پيسه هه‌ڤال وپشته‌ڤانه.
إِنَّ ٱللَّهَ يُدۡخِلُ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ جَنَّـٰتٖ تَجۡرِي مِن تَحۡتِهَا ٱلۡأَنۡهَٰرُۚ إِنَّ ٱللَّهَ يَفۡعَلُ مَا يُرِيدُ ﴿١٤﴾
هندى خودێیه وان يێن باوه‌رى ئيناى، و ل سه‌ر باوه‌رییا خۆ ماين، وچاكى كرين، دكه‌ته د وان به‌حه‌شتان دا يێن ڕويبار د بن دار وبارێن وان دا دچن، هندى خودێیه وى تشتێ وى دڤێت ژ دانا خێرێ بۆ وان يێن گوهدارییا وى دكه‌ن، وعه‌زابدانا وان يێن گوهدارییا وى نه‌كه‌ن دكه‌ت.
مَن كَانَ يَظُنُّ أَن لَّن يَنصُرَهُ ٱللَّهُ فِي ٱلدُّنۡيَا وَٱلۡأٓخِرَةِ فَلۡيَمۡدُدۡ بِسَبَبٍ إِلَى ٱلسَّمَآءِ ثُمَّ لۡيَقۡطَعۡ فَلۡيَنظُرۡ هَلۡ يُذۡهِبَنَّ كَيۡدُهُۥ مَا يَغِيظُ ﴿١٥﴾
هه‌چییێ هزر كر بت كو خودێ ب سه‌ركه‌فتنێ پشته‌ڤانییا پێغه‌مبه‌رێ خۆ د دنيايێ دا ناكه‌ت كو دينێ وى بلند بكه‌ت، و ل ئاخره‌تێ كو ده‌ره‌جێن وى بلند بكه‌ت، ووى عه‌زاب بده‌ت يێ دره‌و پێ كرى، بلا ئه‌و وه‌ريسه‌كى ب بانێ خانییێ خۆ ڤه گرێده‌ت وخۆ پێ قناره بكه‌ت، پاشى بلا وى وه‌ريسى ببڕت، پاشى بلا به‌رێ خۆ بده‌تێ: كانێ ئه‌و كار دێ كه‌ربا دلێ وى به‌ت؟ چونكى هندى خودێیه دێ هه‌ر پێغه‌مبه‌رێ خۆ ب سه‌ر ئێخت.
وَكَذَٰلِكَ أَنزَلۡنَٰهُ ءَايَٰتِۭ بَيِّنَٰتٖ وَأَنَّ ٱللَّهَ يَهۡدِي مَن يُرِيدُ ﴿١٦﴾
وكانێ چاوا خودێ ب ده‌ليلێن ل سه‌ر شيانا خۆ چو هێجه‌ت بۆ وان كافران نه‌هێلان يێن باوه‌رییێ ب ڕابوونا پشتى مرنێ نائينن وه‌سا وى قورئان ئينا خوارێ، ئايه‌تێن وێ د په‌يڤ وڕامانا خۆ دا د ئاشكه‌رانه، خودێ ب وان به‌رێ وى دده‌ته هيدايه‌تێ يێ وى بڤێت؛ چونكى ژ وى پێڤه‌تر كه‌س نينه به‌رێ مرۆڤى بده‌ته ڕێكێ.
إِنَّ ٱلَّذِينَ ءَامَنُواْ وَٱلَّذِينَ هَادُواْ وَٱلصَّـٰبِـِٔينَ وَٱلنَّصَٰرَىٰ وَٱلۡمَجُوسَ وَٱلَّذِينَ أَشۡرَكُوٓاْ إِنَّ ٱللَّهَ يَفۡصِلُ بَيۡنَهُمۡ يَوۡمَ ٱلۡقِيَٰمَةِۚ إِنَّ ٱللَّهَ عَلَىٰ كُلِّ شَيۡءٖ شَهِيدٌ ﴿١٧﴾
هندى ئه‌ون يێن باوه‌رى ب خودێ وپێغه‌مبه‌رێ وى موحه‌ممه‌دى -سلاڤ لێ بن- ئيناى وجوهى وصابئى (وئه‌و ملله‌ته‌ك بوون ل سه‌ر خورستییا خۆ مابوون ووان چو دينێن ده‌سنيشانكرى نه‌بوون) وفه‌له ومه‌جووس (وئه‌و ئاگرپه‌رێسن) وئه‌وێن بوت په‌رێسين، هندى خودێیه ڕۆژا قيامه‌تێ حوكمى د ناڤبه‌را وان هه‌مییان دا دكه‌ت، ڤێجا ئه‌و خودان باوه‌ران دبه‌ته به‌حه‌شتێ، وكافران دبه‌ته ئاگرى، هندى خودێیه ل سه‌ر هه‌ر تشته‌كى شاهده، و ب وى تشتى يێ زانايه يێ هه‌ر ئێك ژ وان هه‌ژى ل دويڤ وان كريارێن وى ل سه‌ر وان نڤيسين وئه‌و ل سه‌ر كرينه شاهد.