surah022سورەتا الحج · ئایەتا ٢١ ب تەفسیرا کوردی

۞هَٰذَانِ خَصۡمَانِ ٱخۡتَصَمُواْ فِي رَبِّهِمۡۖ فَٱلَّذِينَ كَفَرُواْ قُطِّعَتۡ لَهُمۡ ثِيَابٞ مِّن نَّارٖ يُصَبُّ مِن فَوۡقِ رُءُوسِهِمُ ٱلۡحَمِيمُ ﴿١٩﴾

ئه‌ڤه‌ دو ده‌سته‌كن د ده‌ر حه‌قا خودايێ خۆ دا ب هه‌ڤڕكى چووينه‌: خودانێن باوه‌رییێ وخودانێن كوفرێ، هه‌ر ئێك دبێژت ئه‌و يێ حه‌قه‌، ڤێجا ئه‌وێن كافر بووين عه‌زاب وه‌كى جلكى د وان دئاليێت، وكراسێ ژ ئاگرى بۆ وان يێن هاتينه‌ دورستكرن، ڤێجا ئه‌و كراس له‌شێن وان دبرێژت، وئاڤا زێده‌ كه‌لاندى ل هنداڤى سه‌رێن وان دئێته‌ ڕێتن.

يُصۡهَرُ بِهِۦ مَا فِي بُطُونِهِمۡ وَٱلۡجُلُودُ ﴿٢٠﴾

وئه‌و ب ناڤ هناڤێن وان دا دچت وتشتێ تێدا دحه‌لينت، حه‌تا دگه‌هته‌ چه‌رمێ وان ئه‌و وى دبرێژت ودكه‌ڤت.

وَلَهُم مَّقَٰمِعُ مِنۡ حَدِيدٖ ﴿٢١﴾

وملياكه‌ت گورزێن ئاسنى ل سه‌رێن وان دده‌ن.

كُلَّمَآ أَرَادُوٓاْ أَن يَخۡرُجُواْ مِنۡهَا مِنۡ غَمٍّ أُعِيدُواْ فِيهَا وَذُوقُواْ عَذَابَ ٱلۡحَرِيقِ ﴿٢٢﴾

هه‌ر جاره‌كا وان به‌رگه‌ڕيان كر كو ژ ئاگرى ده‌ركه‌ڤن -ژ به‌ر نه‌خۆشى وته‌نگاڤییا ئه‌و تێدا- ئه‌و بۆ عه‌زابدانێ دێ لێ ئێنه‌ زڤڕاندن، وبۆ وان هاته‌ گۆتن: هوين تام كه‌نه‌ عه‌زابا ئاگرێ سوژه‌ك.

إِنَّ ٱللَّهَ يُدۡخِلُ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ جَنَّـٰتٖ تَجۡرِي مِن تَحۡتِهَا ٱلۡأَنۡهَٰرُ يُحَلَّوۡنَ فِيهَا مِنۡ أَسَاوِرَ مِن ذَهَبٖ وَلُؤۡلُؤٗاۖ وَلِبَاسُهُمۡ فِيهَا حَرِيرٞ ﴿٢٣﴾

هندى خودێیه‌ خودانێن باوه‌رییێ وكارێ چاك دكه‌ته‌ د وان به‌حه‌شتان دا يێن خۆشییا وان يا به‌رده‌وام، ڕويبار د بن داروبارێن وان دا دچن، ئه‌و تێدا ب بازنێن زێڕى ولوئلوئان دئێنه‌ خه‌ملاندن، وجلكێ وان -يێ ژن ومێران- د به‌حه‌شتێ دا ژ ئارميشییه‌.