قورئانا پیرۆز › سورەتا الحج › ئایەتا ٤٦
سورەتا الحج · ئایەتا ٤٦ ب تەفسیرا کوردی
Al-Hajj
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَأَصۡحَٰبُ مَدۡيَنَۖ وَكُذِّبَ مُوسَىٰۖ فَأَمۡلَيۡتُ لِلۡكَٰفِرِينَ ثُمَّ أَخَذۡتُهُمۡۖ فَكَيۡفَ كَانَ نَكِيرِ ﴿٤٤﴾
وخودانێن (مه‌ديه‌نێ) ئه‌وێن شوعه‌يب دره‌وين ده‌رێخستى، وفيرعه‌ونى وملله‌تێ وى مووسا دره‌وين ده‌رێخستبوو، ڤێجا من له‌ز د عه‌زابدانا ڤان ملله‌تان دا نه‌كر، ومن ل دويڤ وان به‌ردا، پاشى من هه‌ر ئێك ژ وان ب عه‌زابێ گرت، ڤێجا نه‌ڕازيبوونا من ژ وان ژ به‌ر كوفر ودره‌وپێكرنا وان، وگوهۆڕينا من بۆ قه‌نجییا وان ب عه‌زابێ يا چاوا بوو؟
فَكَأَيِّن مِّن قَرۡيَةٍ أَهۡلَكۡنَٰهَا وَهِيَ ظَالِمَةٞ فَهِيَ خَاوِيَةٌ عَلَىٰ عُرُوشِهَا وَبِئۡرٖ مُّعَطَّلَةٖ وَقَصۡرٖ مَّشِيدٍ ﴿٤٥﴾
ڤێجا مه گه‌له‌ك گوندێن زۆردار ژ به‌ر كوفرا وان تێبرن، وئه‌ڤه كاڤله‌وارێن وانه ژ مرۆڤان دڤالانه، و بيرێن وان يێن ئاڤێ يێن ژ كار كه‌فتين كه‌س ئاڤێ ژێ ڤه‌ناخۆت، وقه‌سرێن وان يێن بلند ونه‌خشاندى عه‌زاب ژ خودانێن خۆ پاشڤه نه‌بر.
أَفَلَمۡ يَسِيرُواْ فِي ٱلۡأَرۡضِ فَتَكُونَ لَهُمۡ قُلُوبٞ يَعۡقِلُونَ بِهَآ أَوۡ ءَاذَانٞ يَسۡمَعُونَ بِهَاۖ فَإِنَّهَا لَا تَعۡمَى ٱلۡأَبۡصَٰرُ وَلَٰكِن تَعۡمَى ٱلۡقُلُوبُ ٱلَّتِي فِي ٱلصُّدُورِ ﴿٤٦﴾
ئه‌رێ ما دره‌وپێكه‌رێن قوره‌يشییان ل عه‌ردى نه‌گه‌ڕياينه دا شوينوارێن وان تێچوويان ببينن، وعه‌قلێ خۆ بده‌نه كارى، ووجه‌كێ بۆ خۆ ژێ بگرن، وگوهێ خۆ بده‌نه ده‌نگ وباسێن وان وعيبره‌تێ بۆ خۆ ژێ وه‌ربگرن؟ چونكى هندى كۆراتییه نه كۆراتییا چاڤانه، به‌لكى كۆراتییا خودانى تێ دبه‌ت كۆراتییا دلییه ژ حه‌قییێ.
وَيَسۡتَعۡجِلُونَكَ بِٱلۡعَذَابِ وَلَن يُخۡلِفَ ٱللَّهُ وَعۡدَهُۥۚ وَإِنَّ يَوۡمًا عِندَ رَبِّكَ كَأَلۡفِ سَنَةٖ مِّمَّا تَعُدُّونَ ﴿٤٧﴾
وكافرێن قوره‌يشییان -ژ نه‌زانينا خۆ يا دژوار- له‌زێ ل وێ عه‌زابێ دكه‌ن يا تو وان پێ دترسينى ئه‌گه‌ر ئه‌و ل سه‌ر كوفرا خۆ بمينن، وخودێ وێ عه‌زابێ يا وى سۆز پێ دايه وان هه‌ر دێ ب جهـ ئينت، ووى د دنيايێ دا ل ڕۆژا (به‌درێ) ئه‌و ب سه‌رێ وان ئينا. وهندى ڕۆژه‌كه ژ ڕۆژان ل نك خودايێ ته -كو ڕۆژا قيامه‌تێيه- هندى هزار سالانه ژ وان يێن هوين د دنيايێ دا دهژمێرن، وئه‌و ژ وى يا دوير نينه.
وَكَأَيِّن مِّن قَرۡيَةٍ أَمۡلَيۡتُ لَهَا وَهِيَ ظَالِمَةٞ ثُمَّ أَخَذۡتُهَا وَإِلَيَّ ٱلۡمَصِيرُ ﴿٤٨﴾
وگه‌له‌ك گوند هه‌بوون ژ به‌ر ڕژدییا خه‌لكێ وان ل سه‌ر كوفرێ دزۆردار بوون، ئينا من ل دويڤ وان به‌ردا وئه‌و زوى عه‌زاب نه‌دان، ڤێجا ئه‌و ب ڤێ چه‌ندێ هاتنه خاپاندن، پاشى د دنيايێ دا من ئه‌و ب عه‌زابا خۆ گرتن، وزڤڕينا وان پشتى تێبرنێ بۆ نك منه، ڤێجا ئه‌ز دێ ب وێ عه‌زابێ وان عه‌زاب ده‌م يا ئه‌و ژ هه‌ژى.