قورئانا پیرۆز › سورەتا الحج › ئایەتا ٥٢
سورەتا الحج · ئایەتا ٥٢ ب تەفسیرا کوردی
Al-Hajj
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ لَهُم مَّغۡفِرَةٞ وَرِزۡقٞ كَرِيمٞ ﴿٥٠﴾
ڤێجا ئه‌وێن باوه‌رى ب خودێ وپێغه‌مبه‌رێ وى ئيناى، وئه‌و باوه‌رى د دلێ وان دا ئاكنجى بووى، وكريارێن چاك كرين، گونه‌هـ ژێبرنه‌ك بۆ وان ل نك خودێ هه‌يه، وڕزقه‌كێ باش وبێ ڤه‌بڕين كو به‌حه‌شته.
وَٱلَّذِينَ سَعَوۡاْ فِيٓ ءَايَٰتِنَا مُعَٰجِزِينَ أُوْلَـٰٓئِكَ أَصۡحَٰبُ ٱلۡجَحِيمِ ﴿٥١﴾
وئه‌وێن د كرنا فه‌ند وفێلان دا خۆ وه‌ستاندى دا ئايه‌تێن قورئانێ نه‌هێلن، ودره‌و پێ كرى و ل دويڤ نه‌چووين، ئه‌و ئه‌ون يێن هه‌ر د ئاگرێ هلكرى دا دمينن.
وَمَآ أَرۡسَلۡنَا مِن قَبۡلِكَ مِن رَّسُولٖ وَلَا نَبِيٍّ إِلَّآ إِذَا تَمَنَّىٰٓ أَلۡقَى ٱلشَّيۡطَٰنُ فِيٓ أُمۡنِيَّتِهِۦ فَيَنسَخُ ٱللَّهُ مَا يُلۡقِي ٱلشَّيۡطَٰنُ ثُمَّ يُحۡكِمُ ٱللَّهُ ءَايَٰتِهِۦۗ وَٱللَّهُ عَلِيمٌ حَكِيمٞ ﴿٥٢﴾
وهه‌ر پێغه‌مبه‌ره‌كێ به‌رى ته -ئه‌ى پێغه‌مبه‌ر- مه هنارتى ده‌مێ وى كيتابا خودێ خواندى شه‌يتانى وه‌سواس وئالۆزى يێن كرينه د خواندنا وى دا؛ دا شه‌يتان به‌رێ مرۆڤان ژ دويكه‌فتنا وى تشتێ پێغه‌مبه‌ر دخوينت بده‌ته پاش، به‌لێ خودێ فه‌ند وفێلا شه‌يتانى پويچ دكه‌ت، ووه‌سواسا وى ڕادكه‌ت، وئايه‌تێن خۆ يێن ئاشكه‌را موكم دكه‌ت. وخودێ يێ پڕزانايه ب تشتێ بووى ويێ دێ بت، چو ل به‌ر وى به‌رزه نابت، وئه‌و د قه‌ده‌ر وفه‌رمانا خۆ دا يێ كاربنه‌جهه.
لِّيَجۡعَلَ مَا يُلۡقِي ٱلشَّيۡطَٰنُ فِتۡنَةٗ لِّلَّذِينَ فِي قُلُوبِهِم مَّرَضٞ وَٱلۡقَاسِيَةِ قُلُوبُهُمۡۗ وَإِنَّ ٱلظَّـٰلِمِينَ لَفِي شِقَاقِۭ بَعِيدٖ ﴿٥٣﴾
وئه‌ڤ كاره ژ شه‌يتانى چێ نابت بۆ هندێ نه‌بت دا خودێ وى كارى بكه‌ته جه‌ڕباندن بۆ ئه‌وێن نفاق وگومان د دلێن وان دا هه‌ى، وبۆ وان دلڕه‌قان ژ بوتپه‌رێسان يێن پاشڤه‌برن كارى د وان نه‌كه‌ت. وهندى زۆردارن ژ ڤان ووان د دوژمناتییه‌كا دژوار دانه بۆ خودێ وپێغه‌مبه‌رێ وى، و د نه‌حه‌قییه‌كا دوير دانه ژ ڕاستییێ.
وَلِيَعۡلَمَ ٱلَّذِينَ أُوتُواْ ٱلۡعِلۡمَ أَنَّهُ ٱلۡحَقُّ مِن رَّبِّكَ فَيُؤۡمِنُواْ بِهِۦ فَتُخۡبِتَ لَهُۥ قُلُوبُهُمۡۗ وَإِنَّ ٱللَّهَ لَهَادِ ٱلَّذِينَ ءَامَنُوٓاْ إِلَىٰ صِرَٰطٖ مُّسۡتَقِيمٖ ﴿٥٤﴾
وخودانێن زانينێ ئه‌وێن ب زانينا خۆ ڤاڤارتنا حه‌قییێ ژ نه‌حه‌قییێ دكه‌ن دا بزانن كو قورئانا پيرۆز ئه‌و ڕاستییه يا ژ نك خودێ بۆ ته -ئه‌ى پێغه‌مبه‌ر- هاتى، وچو گومان تێدا نينه، وشه‌يتان ڕێكا خۆ بۆ نابينت، ڤێجا دا باوه‌رییا وان پێ زێده ببت، ودلێن وان بۆ نه‌رم ببن. وهندى خودێیه به‌رێ وان يێن باوه‌رى ب خودێ وپێغه‌مبه‌رێ وى ئيناى دده‌ته ڕێكا حه‌قییێ يا ئاشكه‌را، كو ئيسلامه، ووان پێ ژ سه‌رداچوونێ ڕزگار دكه‌ت.