قورئانا پیرۆز › سورەتا الحج › ئایەتا ٦٧
سورەتا الحج · ئایەتا ٦٧ ب تەفسیرا کوردی
Al-Hajj
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَلَمۡ تَرَ أَنَّ ٱللَّهَ سَخَّرَ لَكُم مَّا فِي ٱلۡأَرۡضِ وَٱلۡفُلۡكَ تَجۡرِي فِي ٱلۡبَحۡرِ بِأَمۡرِهِۦ وَيُمۡسِكُ ٱلسَّمَآءَ أَن تَقَعَ عَلَى ٱلۡأَرۡضِ إِلَّا بِإِذۡنِهِۦٓۚ إِنَّ ٱللَّهَ بِٱلنَّاسِ لَرَءُوفٞ رَّحِيمٞ ﴿٦٥﴾
ئه‌رێ ما ته نه‌ديتییه كو هه‌ر تشته‌كێ ل عه‌ردى ژ ده‌وار وحه‌يوان وشينكاتى وفێقى وهشكاتى خودێ بۆ سوياربوون وخوارن ومفايێ هه‌وه بنده‌ستى هه‌وه كرییه، هه‌ر وه‌سا وى گه‌مى بنده‌ستى هه‌وه كرينه ئه‌و ب فه‌رمانا وى د ده‌ريايێ دا دچن، وهه‌وه ووى تشتێ هه‌وه دگه‌هينته وى جهێ هه‌وه بڤێت، وئه‌وه يێ عه‌سمانى ڕادگرت ودپارێزت؛ دا بێى ئانه‌هییا وى نه‌كه‌فته سه‌ر عه‌ردى ووى خه‌لكێ ل سه‌ر بكوژت؟ هندى خودێیه ب مرۆڤان يێ مهره‌بان ودلۆڤانكاره له‌و ئه‌ڤ تشته بنده‌ستى وى كرينه.
وَهُوَ ٱلَّذِيٓ أَحۡيَاكُمۡ ثُمَّ يُمِيتُكُمۡ ثُمَّ يُحۡيِيكُمۡۗ إِنَّ ٱلۡإِنسَٰنَ لَكَفُورٞ ﴿٦٦﴾
وئه‌وه خودايێ هوين زێندى كرين و ژ چونه‌يێ داين، پاشى ده‌مێ ژییێ هه‌وه ب دويماهى دئێت هه‌وه دمرينت، پاشى هه‌وه زێندى دكه‌ته‌ڤه دا حسێبێ سه‌را كريارێن هه‌وه د گه‌ل هه‌وه بكه‌ت. هندى مرۆڤه د گه‌ل ڤان ده‌ليلێن ئاشكه‌را ل سه‌ر شيان وته‌وحيدا خودێ گه‌له‌ك يێ قه‌نجى ڤه‌شێره.
لِّكُلِّ أُمَّةٖ جَعَلۡنَا مَنسَكًا هُمۡ نَاسِكُوهُۖ فَلَا يُنَٰزِعُنَّكَ فِي ٱلۡأَمۡرِۚ وَٱدۡعُ إِلَىٰ رَبِّكَۖ إِنَّكَ لَعَلَىٰ هُدٗى مُّسۡتَقِيمٖ ﴿٦٧﴾
بۆ هه‌ر ملله‌ته‌كى ژ ملله‌تێن بۆرین شريعه‌ته‌ك مه دانايه ومه فه‌رمان پێ ل وان كرییه، ڤێجا ئه‌و كارى پێ دكه‌ن، ڤێجا بلا بوتپه‌رێسێن قوره‌يشییان هه‌ڤڕكییا ته د شريعه‌تێ ته دا نه‌كه‌ن -ئه‌ى پێغه‌مبه‌ر-، وتو بۆ ته‌وحيدا خودايێ خۆ وئيخلاصا د په‌رستنا وى دا ودويكه‌فتنا فه‌رمانا وى گازى بكه، هندى تويى تو يێ ل سه‌ر دينه‌كێ ڕاست، يێ چو خوارى تێدا نه.
وَإِن جَٰدَلُوكَ فَقُلِ ٱللَّهُ أَعۡلَمُ بِمَا تَعۡمَلُونَ ﴿٦٨﴾
وئه‌گه‌ر وان ب نه‌حه‌قى مجدى د هه‌ڤڕكییا ته دا كر د وى تشتى دا يێ تو به‌رێ وان دده‌يێ تو هه‌ڤڕكییا وان نه‌كه، وبێژه وان: خودێ ب تشتێ هوين دكه‌ن ژ كوفرێ ودره‌وپێكرنێ زاناتره، وهه‌ما ئه‌و دڕكۆنه.
ٱللَّهُ يَحۡكُمُ بَيۡنَكُمۡ يَوۡمَ ٱلۡقِيَٰمَةِ فِيمَا كُنتُمۡ فِيهِ تَخۡتَلِفُونَ ﴿٦٩﴾
ڕۆژا قيامه‌تێ خودێ حوكمى د ناڤبه‌را موسلمان وكافران دا دكه‌ت د مه‌سه‌لا ژێك جودابوونا وان د دينى دا. و د ڤێ ئايه‌تێ دا تۆره‌یه‌كێ باش هه‌يه بۆ چاوانییا دان وستاندنێ د گه‌ل وى يێ ژ سه‌رڕه‌قى هه‌ڤڕكییێ دكه‌ت.