قورئانا پیرۆز › سورەتا الحج › ئایەتا ٧٣
سورەتا الحج · ئایەتا ٧٣ ب تەفسیرا کوردی
Al-Hajj
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَيَعۡبُدُونَ مِن دُونِ ٱللَّهِ مَا لَمۡ يُنَزِّلۡ بِهِۦ سُلۡطَٰنٗا وَمَا لَيۡسَ لَهُم بِهِۦ عِلۡمٞۗ وَمَا لِلظَّـٰلِمِينَ مِن نَّصِيرٖ ﴿٧١﴾
وكافرێن قوره‌يشییان ڕژدییێ ل سه‌ر شركا ب خودێ دكه‌ن د گه‌ل كو نه‌حه‌قییا كارێ ئه‌و ل سه‌ر تشته‌كێ ئاشكه‌رايه؛ چونكى ئه‌و په‌رستنا هنده‌ك خوداوه‌ندان دكه‌ن، د كيتابه‌كێ ژ كيتابێن خودێ دا چو هێجه‌ت وده‌ليل ل سه‌ر هندێ نه‌هاتينه كو ئه‌و ب كێر په‌رستنێ دئێن، ووان چو زانين ب وێ دره‌وێ نينه يا وان ژ نك خۆ چێكرى و ب دويڤ خودێ ڤه‌ناى، به‌لكى هه‌ما وان بێ ده‌ليل دويكه‌فتنا بابێن خۆ كرییه. ڤێجا ئه‌گه‌ر ده‌مێ حسێبا ل ئاخره‌تێ هات بوتپه‌رێسان چو پشته‌ڤان نابن پشته‌ڤانییا وان بكه‌ن، يان عه‌زابێ ژ وان پاشڤه‌ببه‌ن.
وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٖ تَعۡرِفُ فِي وُجُوهِ ٱلَّذِينَ كَفَرُواْ ٱلۡمُنكَرَۖ يَكَادُونَ يَسۡطُونَ بِٱلَّذِينَ يَتۡلُونَ عَلَيۡهِمۡ ءَايَٰتِنَاۗ قُلۡ أَفَأُنَبِّئُكُم بِشَرّٖ مِّن ذَٰلِكُمُۚ ٱلنَّارُ وَعَدَهَا ٱللَّهُ ٱلَّذِينَ كَفَرُواْۖ وَبِئۡسَ ٱلۡمَصِيرُ ﴿٧٢﴾
وئه‌گه‌ر ئايه‌تێن مه يێن ئاشكه‌را بۆ وان بێنه خواندن، تو دێ نه‌ڕازيبوونێ ل سه‌ر ڕوییێن وان بينى، نێزيكه ئه‌و دربه‌كى ل وان خودان باوه‌ران بده‌ن يێن به‌رێ وان دده‌نه خودێ وئايه‌تێن وى بۆ وان دخوينن. تو -ئه‌ى پێغه‌مبه‌ر- بێژه وان: ئه‌رێ ئه‌ز وێ بۆ هه‌وه نه‌بێژم يا ژ گوهدانا حه‌قییێ وديتنا حه‌قخوازان بۆ هه‌وه نه‌خۆشتر؟ ئه‌و ئاگره يێ خودێ ل ئاخره‌تێ بۆ كافران ئاماده‌كرى، و چ پيسه جهه ئه‌و دێ چنێ.
يَـٰٓأَيُّهَا ٱلنَّاسُ ضُرِبَ مَثَلٞ فَٱسۡتَمِعُواْ لَهُۥٓۚ إِنَّ ٱلَّذِينَ تَدۡعُونَ مِن دُونِ ٱللَّهِ لَن يَخۡلُقُواْ ذُبَابٗا وَلَوِ ٱجۡتَمَعُواْ لَهُۥۖ وَإِن يَسۡلُبۡهُمُ ٱلذُّبَابُ شَيۡـٔٗا لَّا يَسۡتَنقِذُوهُ مِنۡهُۚ ضَعُفَ ٱلطَّالِبُ وَٱلۡمَطۡلُوبُ ﴿٧٣﴾
ئه‌ى گه‌لی مرۆڤان مه‌ته‌له‌ك هاته‌ئينان ڤێجا هوين گوهێ خۆ بده‌نێ وهزرا خۆ تێدا بكه‌ن: هندى ئه‌و صه‌نه‌من يێن هوين ژبلی خودێ په‌رستنێ بۆ دكه‌ن ئه‌گه‌ر هه‌مى پێكڤه كۆم ببن ئه‌و نه‌شێن مێشه‌كا ب تنێ بئافرينن، ڤێجا چاوا ئه‌و دێ شێن تشته‌كێ مه‌زنتر ئافرينن؟ وئه‌و نه‌شێن وى تشتى ژ مێشێ بستينن يێ مێش ژ وان دستينت، ئه‌رێ بێزارییه‌ك ژ ڤێ مه‌زنتر هه‌يه؟ ڤێجا ئه‌و هه‌ردو پێكڤه دلاوازن: داخوازكه‌ر يێ كو ژبلی خودێ په‌رستن بۆ دئێته‌كرن يێ لاوازه ونه‌شێت وى تشتى ژ مێشێ بستينت يێ مێش دڕه‌ڤينت، ويێ داخواز ژى ژێ دئێته‌كرن كو مێشه يا لاوازه، ڤێجا چاوا ئه‌و ڤان صه‌نه‌مان بۆ خۆ دكه‌نه خوداوه‌ند، وئه‌و ب ڤى ڕه‌نگى دڕه‌زيلن؟
مَا قَدَرُواْ ٱللَّهَ حَقَّ قَدۡرِهِۦٓۚ إِنَّ ٱللَّهَ لَقَوِيٌّ عَزِيزٌ ﴿٧٤﴾
ئه‌ڤان بوتپه‌رێسان وه‌سا خودێ مه‌زن نه‌كرییه وه‌كى ئه‌و ژ هه‌ژى، ده‌مێ وان شريك بۆ وى داناين، وئه‌وه خودان هێزێ هه‌ر تشته‌ك ئافراندى، زالێ كه‌س نه‌شێتێ.
ٱللَّهُ يَصۡطَفِي مِنَ ٱلۡمَلَـٰٓئِكَةِ رُسُلٗا وَمِنَ ٱلنَّاسِۚ إِنَّ ٱللَّهَ سَمِيعُۢ بَصِيرٞ ﴿٧٥﴾
خودايێ مه‌زن ژ فريشته‌يان هنده‌ك هنارتییان بۆ پێغه‌مبه‌رێن خۆ هل دبژێرت، و ژ مرۆڤان ژى پێغه‌مبه‌ران هل دبژێرت؛ دا په‌يامێن وى بگه‌هيننه خه‌لكى، هندى خودێیه گوهدێرێ گۆتنێن به‌نییێن خۆيه، وهه‌ر تشته‌كێ هه‌ى ئه‌و دبينت.