قورئانا پیرۆز › سورەتا الحج › ئایەتا ٩
سورەتا الحج · ئایەتا ٩ ب تەفسیرا کوردی
Al-Hajj
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَأَنَّ ٱلسَّاعَةَ ءَاتِيَةٞ لَّا رَيۡبَ فِيهَا وَأَنَّ ٱللَّهَ يَبۡعَثُ مَن فِي ٱلۡقُبُورِ ﴿٧﴾
وكو هندى ده‌مێ ڕابوونا پشتى مرنێيه هه‌ر دێ ئێت، چو گومان د ڤێ چه‌ندێ دا نينن، وكو خودێ مرییان ژ گۆڕێن وان بۆ حسێب وجزادانێ ڕادكه‌ته‌ڤه.
وَمِنَ ٱلنَّاسِ مَن يُجَٰدِلُ فِي ٱللَّهِ بِغَيۡرِ عِلۡمٖ وَلَا هُدٗى وَلَا كِتَٰبٖ مُّنِيرٖ ﴿٨﴾
و ژ كافران هه‌يه يێ د ته‌وحيدا خودێ و هلبژارتنا وى دا بۆ پێغه‌مبه‌رێ وى، و د ئينانه خوارا وى دا بۆ قورئانێ هه‌ڤڕكییێ ب نه‌حه‌قى دكه‌ت، وئه‌و هه‌ڤڕكییێ بێ زانين، وئاشكه‌راكرن، وكيتابه‌كێ ژ نك خودێ كو هێجه‌ت وده‌ليل تێدا هه‌بن دكه‌ت.
ثَانِيَ عِطۡفِهِۦ لِيُضِلَّ عَن سَبِيلِ ٱللَّهِۖ لَهُۥ فِي ٱلدُّنۡيَا خِزۡيٞۖ وَنُذِيقُهُۥ يَوۡمَ ٱلۡقِيَٰمَةِ عَذَابَ ٱلۡحَرِيقِ ﴿٩﴾
ژ خۆمه‌زنكرن ئه‌و ستويێ خۆ بادده‌ت، وڕوییێ خۆ ژ حه‌قییێ وه‌ردگێڕت؛ دا ئه‌و به‌رێ خه‌لكى ژ هاتنا د دينێ خودێ دا وه‌رگێڕت، ڤێجا ئه‌و د دنيايێ دا دێ شه‌رمزار بت و ل به‌ر خه‌لكى ئاشكه‌را بت، وڕۆژا قيامه‌تێ ژى ئه‌م دێ وى ب ئاگرى سوژين.
ذَٰلِكَ بِمَا قَدَّمَتۡ يَدَاكَ وَأَنَّ ٱللَّهَ لَيۡسَ بِظَلَّـٰمٖ لِّلۡعَبِيدِ ﴿١٠﴾
ودێ بۆ وى ئێته گۆتن: ئه‌ڤ عه‌زابا هه ژ به‌ر وان گونه‌هـ وخرابییانه يێن ته دكرن، وخودێ كه‌سێ بێ گونه‌هـ عه‌زاب ناده‌ت.
وَمِنَ ٱلنَّاسِ مَن يَعۡبُدُ ٱللَّهَ عَلَىٰ حَرۡفٖۖ فَإِنۡ أَصَابَهُۥ خَيۡرٌ ٱطۡمَأَنَّ بِهِۦۖ وَإِنۡ أَصَابَتۡهُ فِتۡنَةٌ ٱنقَلَبَ عَلَىٰ وَجۡهِهِۦ خَسِرَ ٱلدُّنۡيَا وَٱلۡأٓخِرَةَۚ ذَٰلِكَ هُوَ ٱلۡخُسۡرَانُ ٱلۡمُبِينُ ﴿١١﴾
و ژ مرۆڤان هه‌يه يێ ب لاوازى وگومان دئێته د ئيسلامێ دا، ڤێجا ئه‌و ب دودلی په‌رستنا خودێ دكه‌ت، وه‌كى وى يێ ل سه‌ر لێڤا چيایه‌كى يان ديواره‌كى ڕاوه‌ستاى ونه‌شێت خۆ بگرت، وئه‌و باوه‌رییا خۆ ب دنيايا خۆ ڤه گرێ دده‌ت، ڤێجا ئه‌گه‌ر ئه‌و يێ ساخله‌م بوو و د ژينه‌كا به‌رفره‌هـ دا بوو ئه‌و دێ به‌رده‌وامییێ ل سه‌ر عيباده‌تى كه‌ت، وئه‌گه‌ر به‌لایه‌ك هاته سه‌رى وكه‌فته د نه‌خۆشى وته‌نگاڤییه‌كێ دا ئه‌و دێ وێ چه‌ندێ بۆ دينێ خۆ زڤڕينت، له‌و دێ ژێ زڤڕت وه‌كى وى يێ پشتى سه‌رڕاست بووى ب سه‌ر ڕوییێ خۆ دا وه‌رگه‌ڕياى، ڤێجا ئه‌وى ب وێ چه‌ندێ دنيايا خۆ ب خوساره‌تى دا؛ چونكى كوفرا وى وێ قه‌ده‌رێ ناگوهۆڕت يا د دنيايێ دا بۆ وى هاتییه نڤيسين، ووى ئاخره‌تا خۆ ژى ب خوساره‌تى دا كو چوويه ئاگرى، وئه‌ڤه‌يه زيانا ئاشكه‌را.