قورئانا پیرۆز › سورەتا الإسراء › ئایەتا ٥٥
سورەتا الإسراء · ئایەتا ٥٥ ب تەفسیرا کوردی
Al-Isra
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقُل لِّعِبَادِي يَقُولُواْ ٱلَّتِي هِيَ أَحۡسَنُۚ إِنَّ ٱلشَّيۡطَٰنَ يَنزَغُ بَيۡنَهُمۡۚ إِنَّ ٱلشَّيۡطَٰنَ كَانَ لِلۡإِنسَٰنِ عَدُوّٗا مُّبِينٗا ﴿٥٣﴾
وتو بێژه به‌نییێن من يێن خودان باوه‌ر بلا ئه‌و د گۆتن ودان وستاندنێن خۆ دا ئاخفتنا باش وجوان بێژن؛ چونكى ئه‌گه‌ر ئه‌و وێ چه‌ندێ نه‌كه‌ن شه‌يتان دوژمناتییێ وهه‌ڤڕكییێ دێ ئێخته ناڤبه‌را وان. هندى شه‌يتانه بۆ مرۆڤى دوژمنه‌كێ ئاشكه‌رايه.
رَّبُّكُمۡ أَعۡلَمُ بِكُمۡۖ إِن يَشَأۡ يَرۡحَمۡكُمۡ أَوۡ إِن يَشَأۡ يُعَذِّبۡكُمۡۚ وَمَآ أَرۡسَلۡنَٰكَ عَلَيۡهِمۡ وَكِيلٗا ﴿٥٤﴾
خودايێ هه‌وه -گه‌لى مرۆڤان- ب هه‌وه زاناتره، ئه‌گه‌ر وى بڤێت ئه‌و دێ دلۆڤانییێ ب هه‌وه به‌ت، وبه‌رێ هه‌وه دێ ده‌ته باوه‌رییێ، يان ئه‌گه‌ر وى بڤێت ئه‌و دێ هه‌وه ل سه‌ر كوفرێ مرينت، ڤێجا دێ هه‌وه عه‌زاب ده‌ت، ومه تو -ئه‌ى پێغه‌مبه‌ر- نه‌هنارتى وه‌كيل ل سه‌ر وان، كارێ وان ب ڕێڤه ببه‌ى، وجزایێ وان بده‌یێ، كارێ ته هه‌ما گه‌هاندن ودیاركرنا ڕێكا ڕاسته بۆ وان.
وَرَبُّكَ أَعۡلَمُ بِمَن فِي ٱلسَّمَٰوَٰتِ وَٱلۡأَرۡضِۗ وَلَقَدۡ فَضَّلۡنَا بَعۡضَ ٱلنَّبِيِّـۧنَ عَلَىٰ بَعۡضٖۖ وَءَاتَيۡنَا دَاوُۥدَ زَبُورٗا ﴿٥٥﴾
وخودايێ ته -ئه‌ى پێغه‌مبه‌ر- ب وان زاناتره يێن ل عه‌سمانان وعه‌ردى، و ب ڕاستى مه هنده‌ك پێغه‌مبه‌ر ب سه‌ر هنده‌كان ئێخستينه ب دانا قه‌نجییان وزێده‌كرنا دويكه‌فتییێن وان وئينانه خوارا كيتابان، ومه زه‌بوور دابوو داوودى.
قُلِ ٱدۡعُواْ ٱلَّذِينَ زَعَمۡتُم مِّن دُونِهِۦ فَلَا يَمۡلِكُونَ كَشۡفَ ٱلضُّرِّ عَنكُمۡ وَلَا تَحۡوِيلًا ﴿٥٦﴾
تو -ئه‌ى پێغه‌مبه‌ر- بێژه بوتپه‌رێسان: هندى ئه‌ڤ صه‌نه‌مه‌نه يێن هوين گازى دكه‌نێ دا نه‌خۆشییێ ژ هه‌وه دوير بكه‌ن ئه‌و د ده‌ست وان دا نينه، وئه‌و نه‌شێن وێ نه‌خۆشییێ ژ سه‌ر هه‌وه وه‌رگێڕنه سه‌ر هنده‌كێن دى، وئه‌و نه‌شێن حاله‌كى ب حاله‌كێ دى بگوهۆڕن، وخودێ ب تنێیه يێ دشێت وێ چه‌ندێ بكه‌ت. وئه‌ڤ ئايه‌ته د ڕامانا خۆ دا يا گشتییه وبه‌حسێ هه‌ر تشته‌كییه يێ ژبلی خودێ دوعا ژێ دئێنه‌كرن، مرییه‌ك بت یان كه‌سه‌كێ نه‌حازر بت، ژ پێغه‌مبه‌ر و چاكان، وكه‌سێن دى ژى، كو هه‌وارێن خۆ بگه‌هینتێ یان دوعایان ژێ بكه‌ت، چونكى په‌رستن بۆ خودێ ب تنێیه.
أُوْلَـٰٓئِكَ ٱلَّذِينَ يَدۡعُونَ يَبۡتَغُونَ إِلَىٰ رَبِّهِمُ ٱلۡوَسِيلَةَ أَيُّهُمۡ أَقۡرَبُ وَيَرۡجُونَ رَحۡمَتَهُۥ وَيَخَافُونَ عَذَابَهُۥٓۚ إِنَّ عَذَابَ رَبِّكَ كَانَ مَحۡذُورٗا ﴿٥٧﴾
ئه‌وێن هه يێن بوتپه‌رێس دوعايان ژێ دكه‌ن د گه‌ل خودێ، ژ پێغه‌مبه‌ر وچاك وملياكه‌تان، ئه‌و ب خۆ ب كرنا وان چاكییێن ئه‌و دشێن بكه‌ن خۆ نێزيكى خودايێ خۆ دكه‌ن، وهيڤییێ دخوازن كو خودێ دلۆڤانییێ ب وان ببه‌ت وئه‌و ژ عه‌زابا وى دترسن، هندى عه‌زابا خودايێ ته‌يه ئه‌وه يا كو پێتڤییه به‌نى ژێ بترسن، وخۆ ژێ بده‌نه پاش.