قورئانا پیرۆز › سورەتا الإسراء › ئایەتا ٦١
سورەتا الإسراء · ئایەتا ٦١ ب تەفسیرا کوردی
Al-Isra
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمَا مَنَعَنَآ أَن نُّرۡسِلَ بِٱلۡأٓيَٰتِ إِلَّآ أَن كَذَّبَ بِهَا ٱلۡأَوَّلُونَۚ وَءَاتَيۡنَا ثَمُودَ ٱلنَّاقَةَ مُبۡصِرَةٗ فَظَلَمُواْ بِهَاۚ وَمَا نُرۡسِلُ بِٱلۡأٓيَٰتِ إِلَّا تَخۡوِيفٗا ﴿٥٩﴾
وتشته‌كى ئه‌م ژ ئينانه خوارا وان موعجزه‌يێن په‌رده‌دڕ يێن بوتپه‌رێس دخوازن پاشڤه‌نه‌برينه ئه‌و نه‌بت كو ملله‌تێن به‌رى وان دره‌و پێ كربوو، چونكى خودێ داخوازێن وان ب جهـ ئينابوون ووان دره‌و پێ كر ئينا ئه‌و تێ چوون. ومه موعجزه‌یه‌كا ئاشكه‌را كو حێشتر بوو دا بوو ثه‌موودییێن ملله‌تێ صالحى، ڤێجا وان كافرى پێ كر ئينا مه ئه‌و تێبرن. وبۆ ترساندنا به‌نییان نه‌بت ئه‌م پێغه‌مبه‌ران ب ئايه‌ت وموعجزه‌يان ناهنێرين؛ دا ئه‌و بيرا خۆ لێ بيننه‌ڤه ومفایه‌كى بۆ خۆ ژێ وه‌ربگرن.
وَإِذۡ قُلۡنَا لَكَ إِنَّ رَبَّكَ أَحَاطَ بِٱلنَّاسِۚ وَمَا جَعَلۡنَا ٱلرُّءۡيَا ٱلَّتِيٓ أَرَيۡنَٰكَ إِلَّا فِتۡنَةٗ لِّلنَّاسِ وَٱلشَّجَرَةَ ٱلۡمَلۡعُونَةَ فِي ٱلۡقُرۡءَانِۚ وَنُخَوِّفُهُمۡ فَمَا يَزِيدُهُمۡ إِلَّا طُغۡيَٰنٗا كَبِيرٗا ﴿٦٠﴾
وتو -ئه‌ى پێغه‌مبه‌ر- ل بيرا خۆ بينه‌ڤه ده‌مێ مه گۆتییه ته: هندى خودايێ ته‌يه ب شيان وزانينا خۆ دۆرا ل مرۆڤان گرتى. وئه‌و ديتنا عه‌جێب يا ل شه‌ڤا ئيسراء ومعراجێ ب چاڤ مه نيشا ته داى بۆ تشته‌كى نه‌بوويه ژ هندێ پێڤه‌تر كو مرۆڤ پێ بێنه جه‌ڕباندن؛ دا كافر پێ ژ خودان باوه‌رى بێته ڤاڤارتن، ومه دارا زه‌ققومێ يا مه‌لعوون ئه‌وا د قورئانێ دا به‌حس ژێ هاتییه‌كرن نه‌كرییه تشته‌ك ژبلی هندێ كو مرۆڤ پێ بێنه جه‌ڕباندن. وئه‌م بوتپه‌رێسان ب گه‌له‌ك ڕه‌نگێن ئايه‌ت وعه‌زابان دترسينين، به‌لێ ترساندن ژ كوفرێ وسه‌رداچوونێ پێڤه‌تر چويێ ل وان زێده ناكه‌ت.
وَإِذۡ قُلۡنَا لِلۡمَلَـٰٓئِكَةِ ٱسۡجُدُواْ لِأٓدَمَ فَسَجَدُوٓاْ إِلَّآ إِبۡلِيسَ قَالَ ءَأَسۡجُدُ لِمَنۡ خَلَقۡتَ طِينٗا ﴿٦١﴾
وتو گۆتنا مه بۆ ملياكه‌تان ل بيرا خۆ بينه‌ڤه ده‌مێ مه گۆتییێ: بۆ سلاڤ وقه‌درگرتن هوين بۆ ئاده‌مى هه‌ڕنه سوجدێ، ئينا ئه‌و هه‌مى چوونه سوجدێ ئبليس تێ نه‌بت، وى خۆ مه‌زنكر ونه‌چوو سوجدێ ووى ب دفنبلندى ڤه گۆت: ئه‌رێ ئه‌ز بۆ ڤى لاوازێ ژ ته‌قنێ هاتییه ئافراندن بچمه سوجدێ؟
قَالَ أَرَءَيۡتَكَ هَٰذَا ٱلَّذِي كَرَّمۡتَ عَلَيَّ لَئِنۡ أَخَّرۡتَنِ إِلَىٰ يَوۡمِ ٱلۡقِيَٰمَةِ لَأَحۡتَنِكَنَّ ذُرِّيَّتَهُۥٓ إِلَّا قَلِيلٗا ﴿٦٢﴾
وئبليسى ژ كوفر وبسته‌يیا ل سه‌ر خودێ گۆت: ته ئه‌ڤ چێكرییه ديتییه يێ ته ل سه‌ر من ب قه‌درئێخستى؟ سويند ئه‌گه‌ر حه‌تا ڕۆژا قيامه‌تێ تو من زێندى بهێلی ئه‌ز دێ ب سه‌ر دوونده‌ها وى دا گرم ووان د سه‌ر دا به‌م، ئه‌و تێ نه‌بن يێن د باوه‌رییا خۆ دا ددلسۆز، وئه‌و دكێمن.
قَالَ ٱذۡهَبۡ فَمَن تَبِعَكَ مِنۡهُمۡ فَإِنَّ جَهَنَّمَ جَزَآؤُكُمۡ جَزَآءٗ مَّوۡفُورٗا ﴿٦٣﴾
خودێ بۆ گه‌فكرن ل ئبليسى ودويكه‌فتییێن وى گۆت: هه‌ڕه ڤێجا هه‌چییێ دويكه‌فتنا ته كر ژ دوونده‌ها ئاده‌مى، وگوهێ خۆ دا ته، هندى عه‌زابا ته‌يه وعه‌زابا وانه د جه‌هنه‌مێ دا يا مشه‌يه.