قورئانا پیرۆز › سورەتا الإسراء › ئایەتا ٧٦
سورەتا الإسراء · ئایەتا ٧٦ ب تەفسیرا کوردی
Al-Isra
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَوۡلَآ أَن ثَبَّتۡنَٰكَ لَقَدۡ كِدتَّ تَرۡكَنُ إِلَيۡهِمۡ شَيۡـٔٗا قَلِيلًا ﴿٧٤﴾
وئه‌گه‌ر مه تو ل سه‌ر حه‌قییێ موكم نه‌كرباى، و ژ دويكه‌فتنا وان نه‌پاراست باى، نێزيك بوو پيچه‌كێ تو مه‌يلدارییێ بۆ وان بكه‌ى، هندى هند فێلبازییا وان یا دژوار بوو، و هندى هند ته دڤیا وان ب هیدایه‌ت بینى.
إِذٗا لَّأَذَقۡنَٰكَ ضِعۡفَ ٱلۡحَيَوٰةِ وَضِعۡفَ ٱلۡمَمَاتِ ثُمَّ لَا تَجِدُ لَكَ عَلَيۡنَا نَصِيرٗا ﴿٧٥﴾
وئه‌گه‌ر پيچه‌كێ ژى تو -ئه‌ى پێغه‌مبه‌ر- ب لايێ وان كافران ڤه چووباى د وى تشتى دا یێ وان ژ ته خواستى، هنگى ئه‌م دوجاركى وه‌كى عه‌زابا دنيايێ ودوجاركى وه‌كى عه‌زابا مرنێ ل ئاخره‌تێ دا ده‌ينه ته؛ ژ به‌ر وێ قه‌نجییا تمام يا مه دايه ته وزانينا ته يا تمام، پاشى تو كه‌سێ نابينى پشته‌ڤانییا ته بكه‌ت وعه‌زابا مه ژ ته پاشڤه‌ببه‌ت.
وَإِن كَادُواْ لَيَسۡتَفِزُّونَكَ مِنَ ٱلۡأَرۡضِ لِيُخۡرِجُوكَ مِنۡهَاۖ وَإِذٗا لَّا يَلۡبَثُونَ خِلَٰفَكَ إِلَّا قَلِيلٗا ﴿٧٦﴾
و ب ڕاستى نێزيك بوو كافر ب وێ نه‌خۆشییا وان گه‌هاندییه ته ئه‌و ته ژ (مه‌كه‌هێ) ده‌ربێخن، وئه‌گه‌ر وان تو ژێ ده‌رێخستى پشتى ته ده‌مه‌كێ كێم تێ نه‌بت ئه‌و لێ نامينن، وعه‌زاب دێ ب سه‌ر وان دا ئێت.
سُنَّةَ مَن قَدۡ أَرۡسَلۡنَا قَبۡلَكَ مِن رُّسُلِنَاۖ وَلَا تَجِدُ لِسُنَّتِنَا تَحۡوِيلًا ﴿٧٧﴾
ئه‌و ڕێبازا خودێیه د تێبرنا وى ملله‌تى دا يێ پێغه‌مبه‌رێ خۆ ژ ناڤ خۆ ده‌ربێخن، وتو -ئه‌ى پێغه‌مبه‌ر- گوهۆڕينه‌كێ بۆ ڕێبازا مه نابينى، وئه‌م سۆزا خۆ هه‌ر ب جهـ دئينين.
أَقِمِ ٱلصَّلَوٰةَ لِدُلُوكِ ٱلشَّمۡسِ إِلَىٰ غَسَقِ ٱلَّيۡلِ وَقُرۡءَانَ ٱلۡفَجۡرِۖ إِنَّ قُرۡءَانَ ٱلۡفَجۡرِ كَانَ مَشۡهُودٗا ﴿٧٨﴾
تو ب دورستى ب كرنا نڤێژێ ڕاببه ده‌مێ رۆژ ژ نيڤا عه‌سمانى خوار دبت ل نيڤرۆ حه‌تا ده‌مێ تارییا شه‌ڤێ، ونڤێژا نيڤرۆ وئێڤارى ومه‌غره‌ب وعه‌يشا دكه‌ڤنه د ڤى ده‌مى دا، وتو نڤێژا سپێدێ بكه، وگه‌له‌ك قورئانێ تێدا بخوينه، هندى خواندنا قورئانێیه د نڤێژا سپێدێ دا فريشته‌يێن شه‌ڤێ وڕۆژێ لێ ئاماده دبن.