قورئانا پیرۆز › سورەتا الإسراء › ئایەتا ٨٩
سورەتا الإسراء · ئایەتا ٨٩ ب تەفسیرا کوردی
Al-Isra
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِلَّا رَحۡمَةٗ مِّن رَّبِّكَۚ إِنَّ فَضۡلَهُۥ كَانَ عَلَيۡكَ كَبِيرٗا ﴿٨٧﴾
به‌لێ خودێ دلۆڤانى ب ته بر، وئه‌و د دلێ ته دا موكم كر، هندى قه‌نجییا خودێیه ل سه‌ر ته يا مه‌زن بوويه؛ چونكى وى قورئانا مه‌زن دا ته، وڕاوه‌ستانا ل جهێ خه‌لك مه‌دحێن ته ژ به‌ر بكه‌ن ل ڕۆژا قيامه‌تێ، وگه‌له‌ك قه‌نجییێن دى يێن وى داينه ته ونه‌داينه كه‌سێ دى.
قُل لَّئِنِ ٱجۡتَمَعَتِ ٱلۡإِنسُ وَٱلۡجِنُّ عَلَىٰٓ أَن يَأۡتُواْ بِمِثۡلِ هَٰذَا ٱلۡقُرۡءَانِ لَا يَأۡتُونَ بِمِثۡلِهِۦ وَلَوۡ كَانَ بَعۡضُهُمۡ لِبَعۡضٖ ظَهِيرٗا ﴿٨٨﴾
تو بێژه: ئه‌گه‌ر مرۆڤ وئه‌جنه ل سه‌ر هندێ كۆم ببن كو قورئانه‌كا وه‌كى ڤێ موعجزه بينن ئه‌و نه‌شێن وێ بينن، ئه‌گه‌ر خۆ ئه‌و بۆ وێ چه‌ندێ پشته‌ڤانییا ئێك ودو ژى بكه‌ن.
وَلَقَدۡ صَرَّفۡنَا لِلنَّاسِ فِي هَٰذَا ٱلۡقُرۡءَانِ مِن كُلِّ مَثَلٖ فَأَبَىٰٓ أَكۡثَرُ ٱلنَّاسِ إِلَّا كُفُورٗا ﴿٨٩﴾
و ب ڕاستى مه د ڤێ قورئانێ دا گه‌له‌ك ڕه‌نگێن مه‌ته‌لان يێن عيبره‌ت دڤێت ژێ بێنه وه‌رگرتن بۆ مرۆڤان ئيناينه وئاشكه‌را كرينه؛ دا ئه‌و ببنه هێجه‌ت ل سه‌ر وان؛ دا ئه‌و ل دويڤ بچن وكارى پێ بكه‌ن، به‌لێ پترییا مرۆڤان كوفر ب حه‌قییێ وهێجه‌ت وده‌ليلێن خودێ كر.
وَقَالُواْ لَن نُّؤۡمِنَ لَكَ حَتَّىٰ تَفۡجُرَ لَنَا مِنَ ٱلۡأَرۡضِ يَنۢبُوعًا ﴿٩٠﴾
وده‌مێ قورئانێ ئه‌و بێزار كرين وشيايه وان، وان ده‌ست پێ كر ل دويڤ گێولێ خۆ هنده‌ك موعجزه خواستن، ووان گۆت: ئه‌ى پێغه‌مبه‌ر ئه‌م باوه‌رییێ ب ته نائينين وكارى ب گۆتنا ته ناكه‌ين حه‌تا تو عه‌ردێ (مه‌كه‌هێ) بۆ مه نه‌كه‌يه كانییێن ئاڤێ.
أَوۡ تَكُونَ لَكَ جَنَّةٞ مِّن نَّخِيلٖ وَعِنَبٖ فَتُفَجِّرَ ٱلۡأَنۡهَٰرَ خِلَٰلَهَا تَفۡجِيرًا ﴿٩١﴾
يان حه‌تا ته باغه‌ك هه‌بت هه‌مى ڕه‌نگێن دارقه‌سپ ومێوێن ترى لێ هه‌بن، وتو هنده‌ك ڕويبارێن بۆش د ناڤ ڕا دبه‌ى.