قورئانا پیرۆز › سورەتا الإسراء › ئایەتا ٩٣
سورەتا الإسراء · ئایەتا ٩٣ ب تەفسیرا کوردی
Al-Isra
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَوۡ تَكُونَ لَكَ جَنَّةٞ مِّن نَّخِيلٖ وَعِنَبٖ فَتُفَجِّرَ ٱلۡأَنۡهَٰرَ خِلَٰلَهَا تَفۡجِيرًا ﴿٩١﴾
يان حه‌تا ته باغه‌ك هه‌بت هه‌مى ڕه‌نگێن دارقه‌سپ ومێوێن ترى لێ هه‌بن، وتو هنده‌ك ڕويبارێن بۆش د ناڤ ڕا دبه‌ى.
أَوۡ تُسۡقِطَ ٱلسَّمَآءَ كَمَا زَعَمۡتَ عَلَيۡنَا كِسَفًا أَوۡ تَأۡتِيَ بِٱللَّهِ وَٱلۡمَلَـٰٓئِكَةِ قَبِيلًا ﴿٩٢﴾
يان حه‌تا تو پارچه‌يێن عه‌سمانى ب سه‌ر مه دا بينى وه‌كى تو ژ دره‌و دبێژى، يان ژى تو خودێ وفريشته‌يێن وى بۆ مه دئينى، ڤێجا ئه‌م وان ب چاڤ دبينين.
أَوۡ يَكُونَ لَكَ بَيۡتٞ مِّن زُخۡرُفٍ أَوۡ تَرۡقَىٰ فِي ٱلسَّمَآءِ وَلَن نُّؤۡمِنَ لِرُقِيِّكَ حَتَّىٰ تُنَزِّلَ عَلَيۡنَا كِتَٰبٗا نَّقۡرَؤُهُۥۗ قُلۡ سُبۡحَانَ رَبِّي هَلۡ كُنتُ إِلَّا بَشَرٗا رَّسُولٗا ﴿٩٣﴾
يان ته خانییه‌كێ ژ زێڕى هه‌بت، يان تو ب په‌ييسكه‌كێ ب سه‌ر عه‌سمانى بكه‌ڤى، وده‌مێ تو ب سه‌ر دكه‌ڤى ژى ئه‌م باوه‌رییێ ب ته نائينين حه‌تا تو نه‌زڤڕى وكيتابه‌كا ڤه‌كرى ژ نك خودێ بۆ مه نه‌ئينى ئه‌م تێدا بخوينين كو ڕاسته تو پێغه‌مبه‌رێ خودییى. تو -ئه‌ى پێغه‌مبه‌ر- ب مه‌نده‌هۆشى ڤه ژ ڕكدارییا ڤان كافران بێژه: يێ پاك وپيرۆز بت خودايێ من!! هه‌ما ئه‌ز به‌نییه‌كم ژ به‌نییێن وى ئه‌ز په‌ياما وى دگه‌هينم؟ ڤێجا چاوا ئه‌ز دێ شێم وێ كه‌م يا هوين ژ من دخوازن؟
وَمَا مَنَعَ ٱلنَّاسَ أَن يُؤۡمِنُوٓاْ إِذۡ جَآءَهُمُ ٱلۡهُدَىٰٓ إِلَّآ أَن قَالُوٓاْ أَبَعَثَ ٱللَّهُ بَشَرٗا رَّسُولٗا ﴿٩٤﴾
وهه‌ما تشته‌كى كافر ژ باوه‌رى ئينانا ب خودێ وپێغه‌مبه‌رێ وى پاشڤه‌نه‌برينه، ده‌مێ ئاشكه‌راكرنا حه‌قییێ بۆ وان ژ نك خودێ هاتى، ئه‌و تێ نه‌بت وان ژ نه‌زانين گۆت: ئه‌رێ خودێ پێغه‌مبه‌ره‌ك ژ نفشێ مرۆڤان هنارتییه؟
قُل لَّوۡ كَانَ فِي ٱلۡأَرۡضِ مَلَـٰٓئِكَةٞ يَمۡشُونَ مُطۡمَئِنِّينَ لَنَزَّلۡنَا عَلَيۡهِم مِّنَ ٱلسَّمَآءِ مَلَكٗا رَّسُولٗا ﴿٩٥﴾
تو -ئه‌ى پێغه‌مبه‌ر- به‌رسڤدان بۆ ڤان بوتپه‌رێسان بێژه: ئه‌گه‌ر هنده‌ك فريشته ل عه‌ردى هه‌بان پشتڕاست لێ ب ڕێڤه چووبان، ئه‌م دا پێغه‌مبه‌ره‌كى ژ نفشێ وان بۆ وان هنێرين، به‌لێ خه‌لكێ عه‌ردى مرۆڤن، وئه‌و پێغه‌مبه‌رێ بۆ وان بێت دڤێت ژ نفشێ وان بت؛ دا ئه‌و بشێن د گه‌ل وى باخڤن و د گۆتنا وى بگه‌هن.