قورئانا پیرۆز › سورەتا الكهف › ئایەتا ٣
سورەتا الكهف · ئایەتا ٣ ب تەفسیرا کوردی
Al-Kahf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱلۡحَمۡدُ لِلَّهِ ٱلَّذِيٓ أَنزَلَ عَلَىٰ عَبۡدِهِ ٱلۡكِتَٰبَ وَلَمۡ يَجۡعَل لَّهُۥ عِوَجَاۜ ﴿١﴾
حه‌مد هه‌مى بۆ خودايى بن، ئه‌وێ ژ كه‌ره‌ما خۆ قورئان بۆ به‌نییێ خۆ وپێغه‌مبه‌رێ خۆ موحه‌ممه‌دى -سلاڤ لێ بن- ئينايه خوارێ، ووى چو مه‌يلدارییا ژ حه‌قییێ نه‌كرییه تێدا.
قَيِّمٗا لِّيُنذِرَ بَأۡسٗا شَدِيدٗا مِّن لَّدُنۡهُ وَيُبَشِّرَ ٱلۡمُؤۡمِنِينَ ٱلَّذِينَ يَعۡمَلُونَ ٱلصَّـٰلِحَٰتِ أَنَّ لَهُمۡ أَجۡرًا حَسَنٗا ﴿٢﴾
خودێ ئه‌و كره كيتابه‌كا ڕاست، چو خه‌له‌تى وهه‌ڤدژى تێدا نينن؛ دا ئه‌و كافران ژ وێ عه‌زابا دژوارا ژ نك وى دێ ئێت بترسينت، ومزگينییێ بده‌ته وان يێن باوه‌رى ب خودێ وپێغه‌مبه‌رێ وى ئيناى، وكارێن چاك كرين، كو خێره‌كا مه‌زن بۆ وان هه‌يه كو به‌حه‌شته.
مَّـٰكِثِينَ فِيهِ أَبَدٗا ﴿٣﴾
ئه‌و هه‌ر وهه‌ر د ڤێ خۆشییێ دا دێ مينن وچو جاران ژێ ده‌رناكه‌ڤن.
وَيُنذِرَ ٱلَّذِينَ قَالُواْ ٱتَّخَذَ ٱللَّهُ وَلَدٗا ﴿٤﴾
ودا ئه‌و ب ڤێ قورئانێ بوتپه‌رێسان بترسينت ئه‌وێن گۆتين: خودێ زارۆیه‌ك هه‌يه.
مَّا لَهُم بِهِۦ مِنۡ عِلۡمٖ وَلَا لِأٓبَآئِهِمۡۚ كَبُرَتۡ كَلِمَةٗ تَخۡرُجُ مِنۡ أَفۡوَٰهِهِمۡۚ إِن يَقُولُونَ إِلَّا كَذِبٗا ﴿٥﴾
چو زانينه‌ك ل نك ڤان بوتپه‌رێسان ب ڤێ چه‌ندێ نينه كو ئه‌و دبێژن خودێ زارۆیه‌ك هه‌يه، كا چاوا چو زانين ب ڤێ چه‌ندێ ل نك بابێن وان ژى يێن ئه‌و چاڤ لێ دكه‌ن نه‌بوو، يا مه‌زنه ئه‌ڤ په‌يڤا كرێتا ژ ده‌ڤێ وان ده‌ردكه‌ڤت، ژ گۆتنه‌كا دره‌و پێڤه‌تر ئه‌و چو تشته‌كێ دى نابێژن.