قورئانا پیرۆز › سورەتا المائدة › ئایەتا ١٥
سورەتا المائدة · ئایەتا ١٥ ب تەفسیرا کوردی
Al-Ma'idah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَبِمَا نَقۡضِهِم مِّيثَٰقَهُمۡ لَعَنَّـٰهُمۡ وَجَعَلۡنَا قُلُوبَهُمۡ قَٰسِيَةٗۖ يُحَرِّفُونَ ٱلۡكَلِمَ عَن مَّوَاضِعِهِۦ وَنَسُواْ حَظّٗا مِّمَّا ذُكِّرُواْ بِهِۦۚ وَلَا تَزَالُ تَطَّلِعُ عَلَىٰ خَآئِنَةٖ مِّنۡهُمۡ إِلَّا قَلِيلٗا مِّنۡهُمۡۖ فَٱعۡفُ عَنۡهُمۡ وَٱصۡفَحۡۚ إِنَّ ٱللَّهَ يُحِبُّ ٱلۡمُحۡسِنِينَ ﴿١٣﴾
ڤێجا ژ به‌ر شكاندنا وان جوهییان بۆ په‌يمانێن خۆ يێن موكم، مه ئه‌و ژ دلۆڤانییا خۆ ده‌ركرن، ومه دلێن وان ڕه‌قكرن كو بۆ باوه‌رییێ ئه‌و نه‌رم نه‌بن، ئه‌و وێ ئاخفتنا خودێ يا بۆ مووساى ئينايه خوارێ، كو ته‌وراته، دگوهۆڕن، ووان باره‌ك ژ وێ يا بۆ وان هاتى هێلا، وكار پێ نه‌كر. وهێشتا تو -ئه‌ى پێغه‌مبه‌ر- خيانه‌تێ وغه‌درێ دێ ژ جوهییان بينى، چونكى ئه‌و يێن ل سه‌ر ڕێكا پێشییێن خۆ كێم ژ وان تێ نه‌بن، ڤێجا تو ل خرابییا وان ببۆره، و ل وان نه‌گره، هندى خودێیه حه‌ز ژ وان قه‌نجيكاران دكه‌ت يێن كو ل وان دبۆرن يێن خرابییێ د گه‌ل وان دكه‌ن. (و ب ڤى ڕه‌نگى مرۆڤێن سه‌رداچووى ڕێكێ بۆ مه‌خسه‌دێن خۆ يێن خراب ب هندێ دبينن كو وه‌ربادانێ بێخنه گۆتنا خودێ وبگوهۆڕن، وئه‌گه‌ر ئه‌و نه‌شيان وێ چه‌ندێ بكه‌ن ئه‌و وى تشتێ ل دويڤ دلێ وان نه‌بت ژ شريعه‌تێ خودێ دهێلن يێ كو كێم تێ نه‌بن ژ وان يێن خودێ پاراستين خۆ ل سه‌ر ناگرن).
وَمِنَ ٱلَّذِينَ قَالُوٓاْ إِنَّا نَصَٰرَىٰٓ أَخَذۡنَا مِيثَٰقَهُمۡ فَنَسُواْ حَظّٗا مِّمَّا ذُكِّرُواْ بِهِۦ فَأَغۡرَيۡنَا بَيۡنَهُمُ ٱلۡعَدَاوَةَ وَٱلۡبَغۡضَآءَ إِلَىٰ يَوۡمِ ٱلۡقِيَٰمَةِۚ وَسَوۡفَ يُنَبِّئُهُمُ ٱللَّهُ بِمَا كَانُواْ يَصۡنَعُونَ ﴿١٤﴾
و ژ وان يێن ژ دره‌و گۆتين ئه‌م دويكه‌فتییێن عيسايێ مه‌سيحين سلاڤ لێ بن -وئه‌و ب خۆ دوه‌سا نینن- مه ئه‌و په‌يمانا موكم وه‌رگرتبوو يا مه ژ ئسرائيلییان وه‌رگرتى: كو دويكه‌فتنا پێغه‌مبه‌رێ خۆ بكه‌ن وپشتا وى بگرن، ئينا وان دينێ خۆ گوهاڕت، ووان باره‌ك ژ وێ يا بيرا وان پێ هاتییه ئينان هێلا، و كار پێ نه‌كر وه‌كى جوهییان، ئينا مه دوژمناتى ونه‌ڤيان هاڤێته ناڤبه‌را وان حه‌تا ڕۆژا ڕابوونێ، وپاشى ل ڕۆژا حيسابێ خودێ دێ وێ بێژته وان يا وان دكر، ودێ وان سه‌را وێ جزا ده‌ت.
يَـٰٓأَهۡلَ ٱلۡكِتَٰبِ قَدۡ جَآءَكُمۡ رَسُولُنَا يُبَيِّنُ لَكُمۡ كَثِيرٗا مِّمَّا كُنتُمۡ تُخۡفُونَ مِنَ ٱلۡكِتَٰبِ وَيَعۡفُواْ عَن كَثِيرٖۚ قَدۡ جَآءَكُم مِّنَ ٱللَّهِ نُورٞ وَكِتَٰبٞ مُّبِينٞ ﴿١٥﴾
گه‌لى خودانێن كيتابێ ژ جوهى وفه‌لان، ب ڕاستى پێغه‌مبه‌رێ مه موحه‌ممه‌د سلاڤ لێ بن بۆ هه‌وه هات، ئه‌و گه‌له‌كێ ژ وێ يا هه‌وه ل خه‌لكى ڤه‌دشارت ژ ته‌وراتێ وئنجيلێ ئاشكه‌را دكه‌ت، وتشتێ پێتڤى نه‌بت دهێلت. ب ڕاستى ڕۆناهییه‌ك وكيتابه‌كا ئاشكه‌را ژ خودێ: كو قورئانه، بۆ هه‌وه هات.
يَهۡدِي بِهِ ٱللَّهُ مَنِ ٱتَّبَعَ رِضۡوَٰنَهُۥ سُبُلَ ٱلسَّلَٰمِ وَيُخۡرِجُهُم مِّنَ ٱلظُّلُمَٰتِ إِلَى ٱلنُّورِ بِإِذۡنِهِۦ وَيَهۡدِيهِمۡ إِلَىٰ صِرَٰطٖ مُّسۡتَقِيمٖ ﴿١٦﴾
ب ڤێ كيتابا ئاشكه‌را خودێ به‌رێ وى يێ دويكه‌فتنا ڕازيبوونا خودێ كرى دده‌ته ڕێكێن ته‌ناهییێ وسلامه‌تییێ، ووان ب ئانه‌هییا خۆ ژ تارییێن كوفرێ ده‌ردئێخته ڕۆناهییا باوه‌رییێ، وبه‌رێ وان دده‌ته دينێ خۆ يێ ڕاست.
لَّقَدۡ كَفَرَ ٱلَّذِينَ قَالُوٓاْ إِنَّ ٱللَّهَ هُوَ ٱلۡمَسِيحُ ٱبۡنُ مَرۡيَمَۚ قُلۡ فَمَن يَمۡلِكُ مِنَ ٱللَّهِ شَيۡـًٔا إِنۡ أَرَادَ أَن يُهۡلِكَ ٱلۡمَسِيحَ ٱبۡنَ مَرۡيَمَ وَأُمَّهُۥ وَمَن فِي ٱلۡأَرۡضِ جَمِيعٗاۗ وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَاۚ يَخۡلُقُ مَا يَشَآءُۚ وَٱللَّهُ عَلَىٰ كُلِّ شَيۡءٖ قَدِيرٞ ﴿١٧﴾
ب ڕاستى ئه‌و فه‌له كافربوون ئه‌وێن گۆتين: خودێ مه‌سيحێ كوڕێ مه‌ريه‌مێیه، تو ئه‌ى پێغه‌مبه‌ر بێژه وان فه‌لێن نه‌زان: ئه‌گه‌ر مه‌سيح خودێ بايه ئه‌و دا شێت قه‌ده‌را خودێ ژ خۆ پاشڤه‌به‌ت ئه‌گه‌ر هات كو ئه‌و وده‌یكا وى وهه‌ر كه‌سه‌كێ ل عه‌ردى بچنه هيلاكێ، وده‌یكا عيساى مر وئه‌و نه‌شيا مرنێ ژێ دوير بكه‌ت، هه‌ر وه‌سا ئه‌و نه‌شێت مرنێ ژ خۆ ژى دوير كه‌ت؛ چونكى ئه‌و دو عه‌بدن ژ عه‌بدێن خودێ نه‌شێن مرنێ ژ خۆ دوير بێخن، وئه‌ڤه ده‌ليله كو ئه‌و ژى وه‌كى هه‌مى دوونده‌ها ئاده‌مى مرۆڤه. وهه‌ر تشته‌كێ ل عه‌سمانان وعه‌ردى هه‌ى ملكێ خودێیه، تشتێ وى بڤێت ئه‌و دئافرينت وهه‌بوونێ دده‌تێ، وئه‌و ل سه‌ر هه‌ر تشته‌كى يێ خودان شيانه. وڕاستییا ته‌وحيدێ هندێ دخوازت سالۆخه‌تێن خوداينییێ وپه‌رستنێ هه‌مى بۆ خودێ بن، وكه‌سه‌ك ژ چێكرییێن وى هه‌ڤپشكییا وى تێدا نه‌كه‌ت، وگه‌له‌ك جاران مرۆڤ ب زێده بلندكرنا پێغه‌مبه‌ر وچاكان دكه‌ڤنه د شركێ دا، وه‌كى فه‌له‌یان مه‌سيح زێده بلندكرى، وگه‌ردوون هه‌مى يێ خودێیه، وئافراندن ب ده‌ستێ وى ب تنێیه، وئه‌و نيشانێن په‌رده‌دڕ يێن كو په‌يدا دبن بۆ شيانا خودێ دزڤڕن. تشتێ خودێ بڤێت ئه‌و دئافرينت، وكارێ وى بڤێت ئه‌و دكه‌ت، وپاكى وپيرۆزى بۆ وى بت.