قورئانا پیرۆز › سورەتا المائدة › ئایەتا ١٨
سورەتا المائدة · ئایەتا ١٨ ب تەفسیرا کوردی
Al-Ma'idah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَهۡدِي بِهِ ٱللَّهُ مَنِ ٱتَّبَعَ رِضۡوَٰنَهُۥ سُبُلَ ٱلسَّلَٰمِ وَيُخۡرِجُهُم مِّنَ ٱلظُّلُمَٰتِ إِلَى ٱلنُّورِ بِإِذۡنِهِۦ وَيَهۡدِيهِمۡ إِلَىٰ صِرَٰطٖ مُّسۡتَقِيمٖ ﴿١٦﴾
ب ڤێ كيتابا ئاشكه‌را خودێ به‌رێ وى يێ دويكه‌فتنا ڕازيبوونا خودێ كرى دده‌ته ڕێكێن ته‌ناهییێ وسلامه‌تییێ، ووان ب ئانه‌هییا خۆ ژ تارییێن كوفرێ ده‌ردئێخته ڕۆناهییا باوه‌رییێ، وبه‌رێ وان دده‌ته دينێ خۆ يێ ڕاست.
لَّقَدۡ كَفَرَ ٱلَّذِينَ قَالُوٓاْ إِنَّ ٱللَّهَ هُوَ ٱلۡمَسِيحُ ٱبۡنُ مَرۡيَمَۚ قُلۡ فَمَن يَمۡلِكُ مِنَ ٱللَّهِ شَيۡـًٔا إِنۡ أَرَادَ أَن يُهۡلِكَ ٱلۡمَسِيحَ ٱبۡنَ مَرۡيَمَ وَأُمَّهُۥ وَمَن فِي ٱلۡأَرۡضِ جَمِيعٗاۗ وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَاۚ يَخۡلُقُ مَا يَشَآءُۚ وَٱللَّهُ عَلَىٰ كُلِّ شَيۡءٖ قَدِيرٞ ﴿١٧﴾
ب ڕاستى ئه‌و فه‌له كافربوون ئه‌وێن گۆتين: خودێ مه‌سيحێ كوڕێ مه‌ريه‌مێیه، تو ئه‌ى پێغه‌مبه‌ر بێژه وان فه‌لێن نه‌زان: ئه‌گه‌ر مه‌سيح خودێ بايه ئه‌و دا شێت قه‌ده‌را خودێ ژ خۆ پاشڤه‌به‌ت ئه‌گه‌ر هات كو ئه‌و وده‌یكا وى وهه‌ر كه‌سه‌كێ ل عه‌ردى بچنه هيلاكێ، وده‌یكا عيساى مر وئه‌و نه‌شيا مرنێ ژێ دوير بكه‌ت، هه‌ر وه‌سا ئه‌و نه‌شێت مرنێ ژ خۆ ژى دوير كه‌ت؛ چونكى ئه‌و دو عه‌بدن ژ عه‌بدێن خودێ نه‌شێن مرنێ ژ خۆ دوير بێخن، وئه‌ڤه ده‌ليله كو ئه‌و ژى وه‌كى هه‌مى دوونده‌ها ئاده‌مى مرۆڤه. وهه‌ر تشته‌كێ ل عه‌سمانان وعه‌ردى هه‌ى ملكێ خودێیه، تشتێ وى بڤێت ئه‌و دئافرينت وهه‌بوونێ دده‌تێ، وئه‌و ل سه‌ر هه‌ر تشته‌كى يێ خودان شيانه. وڕاستییا ته‌وحيدێ هندێ دخوازت سالۆخه‌تێن خوداينییێ وپه‌رستنێ هه‌مى بۆ خودێ بن، وكه‌سه‌ك ژ چێكرییێن وى هه‌ڤپشكییا وى تێدا نه‌كه‌ت، وگه‌له‌ك جاران مرۆڤ ب زێده بلندكرنا پێغه‌مبه‌ر وچاكان دكه‌ڤنه د شركێ دا، وه‌كى فه‌له‌یان مه‌سيح زێده بلندكرى، وگه‌ردوون هه‌مى يێ خودێیه، وئافراندن ب ده‌ستێ وى ب تنێیه، وئه‌و نيشانێن په‌رده‌دڕ يێن كو په‌يدا دبن بۆ شيانا خودێ دزڤڕن. تشتێ خودێ بڤێت ئه‌و دئافرينت، وكارێ وى بڤێت ئه‌و دكه‌ت، وپاكى وپيرۆزى بۆ وى بت.
وَقَالَتِ ٱلۡيَهُودُ وَٱلنَّصَٰرَىٰ نَحۡنُ أَبۡنَـٰٓؤُاْ ٱللَّهِ وَأَحِبَّـٰٓؤُهُۥۚ قُلۡ فَلِمَ يُعَذِّبُكُم بِذُنُوبِكُمۖ بَلۡ أَنتُم بَشَرٞ مِّمَّنۡ خَلَقَۚ يَغۡفِرُ لِمَن يَشَآءُ وَيُعَذِّبُ مَن يَشَآءُۚ وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَاۖ وَإِلَيۡهِ ٱلۡمَصِيرُ ﴿١٨﴾
وجوهى وفه‌له‌یان ژ دره‌و گۆت كو ئه‌م كوڕێن خودێ و خۆشتڤییێن وينه، تو -ئه‌ى پێغه‌مبه‌ر- بێژه وان: پا بۆچى ژ به‌ر گونه‌هێن هه‌وه ئه‌و هه‌وه عه‌زاب دده‌ت؟ ئه‌گه‌ر هوين خۆشتڤییێن وى بانه وى هوين عه‌زاب نه‌ددان، وخودێ ب تنێ حه‌ز ژ وى دكه‌ت يێ گوهدارییا وى بكه‌ت، وتو بێژه وان: به‌لكى هوين ژى وه‌كى هه‌مى دوونده‌ها ئاده‌مى مرۆڤن، ئه‌گه‌ر هوين باشییێ بكه‌ن ژ به‌ر باشییا هه‌وه جزايێ هه‌وه دێ خێر بت، وئه‌گه‌ر هه‌وه خرابى كر جزايێ هه‌وه دێ خرابى بت، وخودێ گونه‌هان بۆ وى ژێ دبه‌ت يێ وى بڤێت، ووى عه‌زاب دده‌ت يێ وى بڤێت، وئه‌و خودانێ ملكییه، چاوا وى بڤێت وه‌سا ئه‌و ب ڕێڤه دبه‌ت، وئه‌و حوكمى د ناڤبه‌را به‌نییێن خۆ دا دكه‌ت، وهه‌ر ئێكى وه‌سا جزايێ وى دده‌تێ وه‌كى ئه‌و ژ هه‌ژى.
يَـٰٓأَهۡلَ ٱلۡكِتَٰبِ قَدۡ جَآءَكُمۡ رَسُولُنَا يُبَيِّنُ لَكُمۡ عَلَىٰ فَتۡرَةٖ مِّنَ ٱلرُّسُلِ أَن تَقُولُواْ مَا جَآءَنَا مِنۢ بَشِيرٖ وَلَا نَذِيرٖۖ فَقَدۡ جَآءَكُم بَشِيرٞ وَنَذِيرٞۗ وَٱللَّهُ عَلَىٰ كُلِّ شَيۡءٖ قَدِيرٞ ﴿١٩﴾
گه‌لى جوهى وفه‌لان ب ڕاستى پێغه‌مبه‌رێ مه موحه‌ممه‌د سلاڤ لێ بن، پشتى ده‌مه‌كى ژ هنارتنا عيسايێ كوڕێ مه‌ريه‌مێ بۆ هه‌وه هات؛ دا حه‌قییێ وهيدايه‌تێ بۆ هه‌وه ئاشكه‌را بكه‌ت؛ دا هوين نه‌بێژن: كه‌سه‌ك بۆ مه نه‌هاتبوو مزگينییێ بده‌ته مه ومه بترسينت، پشتى هنارتنا وى بۆ هه‌وه هه‌وه چو هێجه‌ت نابن، ئه‌ڤه پێغه‌مبه‌ره‌ك ژ نك خودێ بۆ هه‌وه هات مزگينییێ دده‌ته وى يێ باوه‌رییێ پێ بينت، ووى دترسينت يێ گوهدارییا وى نه‌كه‌ت. وخودێ ل سه‌ر هه‌ر تشته‌كى يێ خودان شيانه، چ عه‌زابدانا نه‌گوهدارى بت، يان دانا خێرێ بۆ گوهدارى بت.
وَإِذۡ قَالَ مُوسَىٰ لِقَوۡمِهِۦ يَٰقَوۡمِ ٱذۡكُرُواْ نِعۡمَةَ ٱللَّهِ عَلَيۡكُمۡ إِذۡ جَعَلَ فِيكُمۡ أَنۢبِيَآءَ وَجَعَلَكُم مُّلُوكٗا وَءَاتَىٰكُم مَّا لَمۡ يُؤۡتِ أَحَدٗا مِّنَ ٱلۡعَٰلَمِينَ ﴿٢٠﴾
وتو -ئه‌ى پێغه‌مبه‌ر- به‌حسێ مووساى بكه ده‌مێ وى گۆتییه ملله‌تێ خۆ: گه‌لى ئسرائيلییان قه‌نجییا خودێ ل سه‌ر خۆ ل بيرا خۆ بيننه‌ڤه، ده‌مێ وى پێغه‌مبه‌ر ژ هه‌وه ڕاكرين، وهوين كرينه پادشاهـ هوين ب خۆ حوكمى ل خۆ دكه‌ن پشتى كو فيرعه‌ونى وملله‌تێ وى حوكم ل هه‌وه دكر، ووى ئه‌و ڕه‌نگێن قه‌نجییێن خۆ دانه هه‌وه يێن كو نه‌داينه ئێكى ژ خه‌لكێ سه‌رده‌مێ هه‌وه.