قورئانا پیرۆز › سورەتا المائدة › ئایەتا ٤٦
سورەتا المائدة · ئایەتا ٤٦ ب تەفسیرا کوردی
Al-Ma'idah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّآ أَنزَلۡنَا ٱلتَّوۡرَىٰةَ فِيهَا هُدٗى وَنُورٞۚ يَحۡكُمُ بِهَا ٱلنَّبِيُّونَ ٱلَّذِينَ أَسۡلَمُواْ لِلَّذِينَ هَادُواْ وَٱلرَّبَّـٰنِيُّونَ وَٱلۡأَحۡبَارُ بِمَا ٱسۡتُحۡفِظُواْ مِن كِتَٰبِ ٱللَّهِ وَكَانُواْ عَلَيۡهِ شُهَدَآءَۚ فَلَا تَخۡشَوُاْ ٱلنَّاسَ وَٱخۡشَوۡنِ وَلَا تَشۡتَرُواْ بِـَٔايَٰتِي ثَمَنٗا قَلِيلٗاۚ وَمَن لَّمۡ يَحۡكُم بِمَآ أَنزَلَ ٱللَّهُ فَأُوْلَـٰٓئِكَ هُمُ ٱلۡكَٰفِرُونَ ﴿٤٤﴾
هندى ئه‌مين مه ته‌ورات ئينايه خوارێ، ڕێنيشادانا ژ به‌رزه‌بوونێ وئاشكه‌راكرنا ئه‌حكامان تێدا هه‌يه، ووان پێغه‌مبه‌ران يێن خۆ ئێخستییه ژێر حوكمێ خودێ وباوه‌رى پێ ئيناى حوكم پێ د ناڤبه‌را جوهییان دا كرییه، وئه‌و ژ حوكمێ وێ ده‌رنه‌كه‌فتينه ووه‌ربادان ژى نه‌ئێخستییێ، وزانايێن جوهییان يێن خودايى وزانايێن رێبه‌ر ومه‌زن يێن خه‌لكى ب شريعه‌تێ خودێ په‌روه‌رده دكه‌ن وان ژى حوكم پێ كرییه؛ ئه‌و ژ به‌ر كو پێغه‌مبه‌رێن وان ته‌ورات وتێگه‌هشتن وكاركرنا ب وێ ئێمانه‌تى وان كربوو، وئه‌و زانا شاهد بوون كو وان پێغه‌مبه‌ران ب كيتابا خودێ حوكم د ناڤبه‌را جوهییان دا كربوو. وخودێ دبێژته زانايێن جوهییان: ڤێجا هوين د كارئينانا حوكمێ من دا ژ خه‌لكى نه‌ترسن؛ چونكى ئه‌و نه‌شێن نه مفاى نه زيانێ بگه‌هيننه هه‌وه، به‌لێ هوين ژ من بترسن ئه‌زم مفاگه‌هينێ زيانكه‌ر، وهوين ب وى حوكمێ من ئينايه خوارێ به‌رانبه‌ره‌كێ بێ خێر وه‌رنه‌گرن. وئه‌وێن حوكمێ خودێ يێ وى د كيتابا خۆ دا ئينايه خوارێ گوهاڕتى، وئه‌و ڤه‌شارتى، وباوه‌رى پێ نه‌ئيناى، وكار ب حوكمه‌كێ دى كرى، ئه‌ون يێن كافر.
وَكَتَبۡنَا عَلَيۡهِمۡ فِيهَآ أَنَّ ٱلنَّفۡسَ بِٱلنَّفۡسِ وَٱلۡعَيۡنَ بِٱلۡعَيۡنِ وَٱلۡأَنفَ بِٱلۡأَنفِ وَٱلۡأُذُنَ بِٱلۡأُذُنِ وَٱلسِّنَّ بِٱلسِّنِّ وَٱلۡجُرُوحَ قِصَاصٞۚ فَمَن تَصَدَّقَ بِهِۦ فَهُوَ كَفَّارَةٞ لَّهُۥۚ وَمَن لَّمۡ يَحۡكُم بِمَآ أَنزَلَ ٱللَّهُ فَأُوْلَـٰٓئِكَ هُمُ ٱلظَّـٰلِمُونَ ﴿٤٥﴾
ومه د ته‌وراتێ دا ل سه‌ر وان نڤيسى بوو كو نه‌فس ب نه‌فسێ دئێته كوشتن، وچاڤ ب چاڤى دئێته ئينانه‌ده‌ر، ودفن ب دفنێ دئێته بڕين، وگوهـ ب گوهى دئێته ژێڤه‌كرن، وددان ب ددانى دئێته شكاندن، و د برينان دا تۆلڤه‌كرن هه‌يه، ڤێجا هه‌چییێ د تۆلستاندنێ دا ل زۆردارى ببۆرت وحه‌قێ خۆ ژێ نه‌ستينت ئه‌و بۆ وى دێ بته ژێبرن بۆ هنده‌ك گونه‌هێن وى كرين. وهه‌چییێ حوكمى ب وێ نه‌كه‌ت يا خودێ د تۆلستاندنێ دا ئينايه خوارێ ئه‌و ئه‌ون يێن زێده‌گاڤى ل سه‌ر توخويبێن خودێ كرى.
وَقَفَّيۡنَا عَلَىٰٓ ءَاثَٰرِهِم بِعِيسَى ٱبۡنِ مَرۡيَمَ مُصَدِّقٗا لِّمَا بَيۡنَ يَدَيۡهِ مِنَ ٱلتَّوۡرَىٰةِۖ وَءَاتَيۡنَٰهُ ٱلۡإِنجِيلَ فِيهِ هُدٗى وَنُورٞ وَمُصَدِّقٗا لِّمَا بَيۡنَ يَدَيۡهِ مِنَ ٱلتَّوۡرَىٰةِ وَهُدٗى وَمَوۡعِظَةٗ لِّلۡمُتَّقِينَ ﴿٤٦﴾
و ب دويڤ پێغه‌مبه‌رێن ئسرائيلییان دا مه عيسايێ كوڕێ مه‌ريه‌مێ هنارت، وى باوه‌رى ب وێ هه‌بوو يا د ته‌وراتێ دا هه‌ى، وكار ب وى تشتێ تێدا هاتى دكر ئه‌گه‌ر ئه‌و نه‌با يێ كيتابا وى ئه‌و نه‌سخه‌كرى، ومه ئنجيل بۆ وى ئينا خوارێ هيدايه‌ت بۆ ڕێكا حه‌ق، وئاشكه‌راكرن بۆ وى تشتێ خه‌لكى نه‌زانى ژ حوكمێ خودێ، وشاهد ل سه‌ر ڕاستگۆيیا ته‌وراتێ ووان حوكمێن تێدا هه‌ين، ومه ئه‌و كربوو ئاشكه‌راكرن بۆ وان يێن ژ خودێ ددترسن وپاشڤه‌برن بۆ وان ژ كرنا گونه‌هان.
وَلۡيَحۡكُمۡ أَهۡلُ ٱلۡإِنجِيلِ بِمَآ أَنزَلَ ٱللَّهُ فِيهِۚ وَمَن لَّمۡ يَحۡكُم بِمَآ أَنزَلَ ٱللَّهُ فَأُوْلَـٰٓئِكَ هُمُ ٱلۡفَٰسِقُونَ ﴿٤٧﴾
وبلا خودانێن ئنجيلێ ئه‌وێن عيسا بۆ هاتییه هنارتن حوكمى ب وێ بكه‌ن يا خودێ تێدا ئينايه خوارێ. وهه‌چییێ حوكمى ب وێ نه‌كه‌ت يا خودێ ئينايه خوارێ ئه‌و ئه‌ون يێن ژ فه‌رمانا وى ده‌ركه‌فتين، وبێ ئه‌مرییا وى كرى.
وَأَنزَلۡنَآ إِلَيۡكَ ٱلۡكِتَٰبَ بِٱلۡحَقِّ مُصَدِّقٗا لِّمَا بَيۡنَ يَدَيۡهِ مِنَ ٱلۡكِتَٰبِ وَمُهَيۡمِنًا عَلَيۡهِۖ فَٱحۡكُم بَيۡنَهُم بِمَآ أَنزَلَ ٱللَّهُۖ وَلَا تَتَّبِعۡ أَهۡوَآءَهُمۡ عَمَّا جَآءَكَ مِنَ ٱلۡحَقِّۚ لِكُلّٖ جَعَلۡنَا مِنكُمۡ شِرۡعَةٗ وَمِنۡهَاجٗاۚ وَلَوۡ شَآءَ ٱللَّهُ لَجَعَلَكُمۡ أُمَّةٗ وَٰحِدَةٗ وَلَٰكِن لِّيَبۡلُوَكُمۡ فِي مَآ ءَاتَىٰكُمۡۖ فَٱسۡتَبِقُواْ ٱلۡخَيۡرَٰتِۚ إِلَى ٱللَّهِ مَرۡجِعُكُمۡ جَمِيعٗا فَيُنَبِّئُكُم بِمَا كُنتُمۡ فِيهِ تَخۡتَلِفُونَ ﴿٤٨﴾
ومه قورئان بۆ ته -ئه‌ى پێغه‌مبه‌ر- ئينايه خوارێ، وهه‌ر تشته‌كێ تێدا هه‌ى حه‌قییه شاهده‌يیێ ل سه‌ر ڕاستگۆيییا وان كيتابێن به‌رى خۆ دده‌ت، وكو ئه‌و ژ نك خودێنه، وئه‌و ل سه‌ر وان يا حاكم وزال وئه‌مينه، ڤێجا تو حوكمى د ناڤبه‌را وان جوهییان دا ئه‌وێن حوكمێ خۆ دئيننه نك ته ب وێ بكه يا خودێ بۆ ته د ڤێ قورئانێ دا ئينايه خوارێ، وتو به‌رێ خۆ ژ وێ حه‌قییێ وه‌رنه‌گێڕه يا خودێ فه‌رمان پێ ل ته كرى دا دويكه‌فتنا دلچوون وعه‌ده‌تێن وان بكه‌ى، چونكى مه بۆ هه‌ر ملله‌ته‌كى شريعه‌ته‌ك وڕێكه‌كا ئاشكه‌را دانايه دا كارى پێ بكه‌ن. وئه‌گه‌ر خودێ ڤيابا دا شريعه‌تێن هه‌وه كه‌ته ئێك، به‌لێ وى ئه‌و ژێك جوداكرن دا هه‌وه پێ بجه‌ڕبينت، ويێ گوهدار ونه‌گوهدار پێ ژێك جودا بكه‌ت، ڤێجا هوين له‌زێ د وى تشتى دا بكه‌ن يێ خێرا هه‌وه يا دين ودنيايێ تێدا كو كاركرنا ب وى تشتییه يێ د ڤێ قورئانێ دا هاتى، هندى زڤڕينا هه‌وه‌يه بۆ نك خودێیه، ڤێجا ئه‌و دێ وى تشتێ هوين تێدا ژێك جودا بووين بێژته هه‌وه، وهه‌ر ئێكى ل دويڤ كارێ وى جزاده‌ت.