قورئانا پیرۆز › سورەتا المائدة › ئایەتا ٥٢
سورەتا المائدة · ئایەتا ٥٢ ب تەفسیرا کوردی
Al-Ma'idah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَفَحُكۡمَ ٱلۡجَٰهِلِيَّةِ يَبۡغُونَۚ وَمَنۡ أَحۡسَنُ مِنَ ٱللَّهِ حُكۡمٗا لِّقَوۡمٖ يُوقِنُونَ ﴿٥٠﴾
ئه‌رێ ما ئه‌وان جوهییان دڤێت تو ب وى تشتى حوكمى د ناڤبه‌را وان دا بكه‌ى يێ صه‌نه‌مپه‌رێس ل سه‌ر دچن ژ نه‌زانين وسه‌رداچوونان؟! وكى د حوكمێ خۆ دا ژ خودێ دادكه‌رتره بۆ وى يێ د شريعه‌تێ خودێ گه‌هشتى وباوه‌رى پێ ئيناى، وزانى كو حوكمێ خودێ حه‌قییه؟
۞يَـٰٓأَيُّهَا ٱلَّذِينَ ءَامَنُواْ لَا تَتَّخِذُواْ ٱلۡيَهُودَ وَٱلنَّصَٰرَىٰٓ أَوۡلِيَآءَۘ بَعۡضُهُمۡ أَوۡلِيَآءُ بَعۡضٖۚ وَمَن يَتَوَلَّهُم مِّنكُمۡ فَإِنَّهُۥ مِنۡهُمۡۗ إِنَّ ٱللَّهَ لَا يَهۡدِي ٱلۡقَوۡمَ ٱلظَّـٰلِمِينَ ﴿٥١﴾
ئه‌ى ئه‌وێن باوه‌رى ئيناى، هوين جوهى وفه‌لان بۆ خۆ نه‌كه‌نه پشته‌ڤان وهه‌ڤپه‌يمان دژى خودان باوه‌ران؛ چونكى ئه‌و حه‌ز ژ خودان باوه‌ران ناكه‌ن، وجوهى هنده‌ك ژ وان پشته‌ڤانییا هنده‌كان دكه‌ن، هه‌ر وه‌سا فه‌له ژى، وهه‌ردو ده‌سته‌ك ل سه‌ر نه‌ياره‌تییا هه‌وه كۆم دبن. وهوين هێژاترن كو هنده‌ك ژ هه‌وه پشته‌ڤانییا هنده‌كان بكه‌ن. وهه‌چییێ ژ هه‌وه وان بۆ خۆ بكه‌ته سه‌ركار ئه‌و دێ ژ وان بت، وحوكمێ وى حوكمێ وانه. هندى خودێیه وان زۆرداران يێن كافران بۆ خۆ دكه‌نه سه‌ركار سه‌رڕاست ناكه‌ت.
فَتَرَى ٱلَّذِينَ فِي قُلُوبِهِم مَّرَضٞ يُسَٰرِعُونَ فِيهِمۡ يَقُولُونَ نَخۡشَىٰٓ أَن تُصِيبَنَا دَآئِرَةٞۚ فَعَسَى ٱللَّهُ أَن يَأۡتِيَ بِٱلۡفَتۡحِ أَوۡ أَمۡرٖ مِّنۡ عِندِهِۦ فَيُصۡبِحُواْ عَلَىٰ مَآ أَسَرُّواْ فِيٓ أَنفُسِهِمۡ نَٰدِمِينَ ﴿٥٢﴾
خودايێ مه‌زن به‌حسێ كۆمه‌كێ ژ دوڕوییان دكه‌ت ئه‌وا ژ به‌ر وێ نيفاق وگومانا د دلێن وان دا هه‌ى له‌زێ د دۆستينییا جوهییان دا دكه‌ن، ودبێژن: هه‌ما ئه‌م ژ به‌ر هندێ دۆستينییا وان دكه‌ين چونكى ئه‌م دترسين ئه‌و بشێنه موسلمانان ڤێجا مه ژى بده‌نه د گه‌ل وان، خودێ گۆت: ڤێجا به‌لكى خودێ -مه‌كه‌هێ- ل به‌ر هه‌وه ڤه‌كه‌ت وپێغه‌مبه‌رێ خۆ ب سه‌ربێخت، يان كاره‌كێ وه‌سا بكه‌ت هێزا جوهى وفه‌لان پێ ببه‌ت، وئه‌و بكه‌ڤنه د ده‌ستێ موسلمانان دا، ڤێجا هنگى دوڕوى ژ به‌ر وێ يا وان د دلێن خۆ دا ڤه‌شارتى ژ پشته‌ڤانییا وان په‌شێمان ببن.
وَيَقُولُ ٱلَّذِينَ ءَامَنُوٓاْ أَهَـٰٓؤُلَآءِ ٱلَّذِينَ أَقۡسَمُواْ بِٱللَّهِ جَهۡدَ أَيۡمَٰنِهِمۡ إِنَّهُمۡ لَمَعَكُمۡۚ حَبِطَتۡ أَعۡمَٰلُهُمۡ فَأَصۡبَحُواْ خَٰسِرِينَ ﴿٥٣﴾
وهنگى هنده‌ك خودان باوه‌ر ب مه‌نده‌هۆشى ڤه ژ حالێ ڤان دوڕوییان -پشتى ئه‌و بۆ وان ديار دبت- دبێژنه هنده‌كان: ئه‌رێ ئه‌وێن هه بوون يێن موكم ب خودێ سويند دخوار كو ئه‌و د گه‌ل مه‌نه؟! ئه‌و كريارێن دوڕییان د دنيايێ دا كرين پويچ بوون، چو خێر بۆ وان نائێته‌دان؛ چونكى وان باوه‌رى ب وان كاران نه‌بوو یێن وان دكرن، ڤێجا وان دنيا وئاخره‌ت ژ ده‌ست دا.
يَـٰٓأَيُّهَا ٱلَّذِينَ ءَامَنُواْ مَن يَرۡتَدَّ مِنكُمۡ عَن دِينِهِۦ فَسَوۡفَ يَأۡتِي ٱللَّهُ بِقَوۡمٖ يُحِبُّهُمۡ وَيُحِبُّونَهُۥٓ أَذِلَّةٍ عَلَى ٱلۡمُؤۡمِنِينَ أَعِزَّةٍ عَلَى ٱلۡكَٰفِرِينَ يُجَٰهِدُونَ فِي سَبِيلِ ٱللَّهِ وَلَا يَخَافُونَ لَوۡمَةَ لَآئِمٖۚ ذَٰلِكَ فَضۡلُ ٱللَّهِ يُؤۡتِيهِ مَن يَشَآءُۚ وَٱللَّهُ وَٰسِعٌ عَلِيمٌ ﴿٥٤﴾
ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى وكار ب شریعه‌تێ وى كرى، هه‌چییێ ژ هه‌وه ژ دينێ خۆ بزڤڕت، و ب جوهياتییێ وفه‌لاتییێ يان هه‌ر دينه‌كێ دى بگوهۆڕت، ئه‌و چو زيانێ ناگه‌هينته خودێ، وخودێ پاشى ملله‌ته‌كێ ژ وان چێتر دێ ئينت ئه‌و حه‌ز ژ وان دكه‌ت وئه‌و حه‌ز ژ وى دكه‌ن، د گه‌ل خودان باوه‌ران ددلۆڤانن و ل سه‌ر كافران ددژوارن، شه‌ڕێ نه‌يارێن خودێ دكه‌ن، و د ده‌رحه‌قا خودێ دا ژ كه‌سێ ناترسن. ئه‌و قه‌نجى ژ خودێیه ئه‌و دده‌ته وى يێ وى بڤێت، وخودێ يێ قه‌نجى فره‌هه، ويێ پڕزانايه ب وان به‌نییێن خۆ يێن هێژاى وێ قه‌نجییێ دبن.