قورئانا پیرۆز › سورەتا المائدة › ئایەتا ٦٦
سورەتا المائدة · ئایەتا ٦٦ ب تەفسیرا کوردی
Al-Ma'idah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَالَتِ ٱلۡيَهُودُ يَدُ ٱللَّهِ مَغۡلُولَةٌۚ غُلَّتۡ أَيۡدِيهِمۡ وَلُعِنُواْ بِمَا قَالُواْۘ بَلۡ يَدَاهُ مَبۡسُوطَتَانِ يُنفِقُ كَيۡفَ يَشَآءُۚ وَلَيَزِيدَنَّ كَثِيرٗا مِّنۡهُم مَّآ أُنزِلَ إِلَيۡكَ مِن رَّبِّكَ طُغۡيَٰنٗا وَكُفۡرٗاۚ وَأَلۡقَيۡنَا بَيۡنَهُمُ ٱلۡعَدَٰوَةَ وَٱلۡبَغۡضَآءَ إِلَىٰ يَوۡمِ ٱلۡقِيَٰمَةِۚ كُلَّمَآ أَوۡقَدُواْ نَارٗا لِّلۡحَرۡبِ أَطۡفَأَهَا ٱللَّهُۚ وَيَسۡعَوۡنَ فِي ٱلۡأَرۡضِ فَسَادٗاۚ وَٱللَّهُ لَا يُحِبُّ ٱلۡمُفۡسِدِينَ ﴿٦٤﴾
خودێ پێغه‌مبه‌رێ خۆ ب هنده‌ك كرێتییێن جوهییان -يێن وان د ناڤبه‌را خۆ دا ڤه‌دشارتن- ئاگه‌هدار دكه‌ت، ده‌مێ وان گۆتى: ده‌ستێ خودێ ژ كرنا خێران يێ گرتییه، وئه‌و د ده‌رحه‌قا مه دا يێ چڕيكه ڕزقى ناده‌ته مه، ئه‌ڤه ل وى ده‌مێ هشكاتى وخه‌لا گه‌هشتییێ، ده‌ستێن وان دگرێداى بن، یه‌عنى: ژ كرنا خێران، و ژ به‌ر گۆتنا وان خودێ ئه‌و ژ ڕه‌حما خۆ ده‌رێخستن. ومه‌سه‌له وه‌سا نينه وه‌كى وان ژ دره‌و د ده‌رحه‌قا خودايێ خۆ دا گۆتى، به‌لكى هه‌ردو ده‌ستێن وى دڤه‌كرينه ونائێنه‌گرتن، وكه‌س نينه وى ژ دانا ڕزقى مه‌نعه بكه‌ت، يێ مه‌رد ئه‌وه، وه‌كى حيكمه‌ت بخوازت ومفايێ به‌نییان تێدا بت ئه‌و ڕزقى دده‌ت. وئه‌ڤ ئايه‌ته هندێ دگه‌هينت كو سالۆخه‌تێ هه‌بوونا دو ده‌ستان بۆ خودێ هه‌يه ب ڕه‌نگه‌كێ بابه‌تى وى بت، بێى چاوانى وته‌شبيه بۆ بێته كرن. به‌لێ ژ به‌ر دلڕه‌شى وكينا وان كوفر وسه‌رداچوونا وان دێ زێده بت؛ چونكى خودێ تو بۆ پێغه‌مبه‌رينییێ يێ هلبژارتى. وخودێ ئاشكه‌را دكه‌ت كو ده‌سته‌كێن جوهییان حه‌تا ڕۆژا قيامه‌تێ هنده‌ك دێ مينن نه‌ياره‌تییا هنده‌كان كه‌ن، هه‌ر جاره‌كا ئه‌و ل سه‌ر پيلانگێڕییا دژى موسلمانان گه‌هشتنه ئێك ودو؛ دا ئاگرێ شه‌ڕى هل بكه‌ن، خودێ پيلانا وان دێ ل وان زڤڕينت، وكۆما وان دێ ڤه‌ڕه‌ڤينت، وجوهى هه‌ر دێ مينن نه‌گوهدارییا خودێ كه‌ن ئه‌و نه‌گوهدارییا خرابكارییا د عه‌ردى دا پێڤه دئێت. وخودێ خرابكار نه‌ڤێن.
وَلَوۡ أَنَّ أَهۡلَ ٱلۡكِتَٰبِ ءَامَنُواْ وَٱتَّقَوۡاْ لَكَفَّرۡنَا عَنۡهُمۡ سَيِّـَٔاتِهِمۡ وَلَأَدۡخَلۡنَٰهُمۡ جَنَّـٰتِ ٱلنَّعِيمِ ﴿٦٥﴾
وئه‌گه‌ر جوهى وفه‌لان باوه‌رى ب خودێ وپێغه‌مبه‌رێ وى ئينابا، وفه‌رمانا خودێ ب جهئینابا وخۆ ژ وى تشتى دابا پاش يێ خودێ حه‌رامكرى، ئه‌م دا گونه‌هێن وان ژێ به‌ين، ودا وان كه‌ينه د به‌حه‌شتێن خۆشییێ دا.
وَلَوۡ أَنَّهُمۡ أَقَامُواْ ٱلتَّوۡرَىٰةَ وَٱلۡإِنجِيلَ وَمَآ أُنزِلَ إِلَيۡهِم مِّن رَّبِّهِمۡ لَأَكَلُواْ مِن فَوۡقِهِمۡ وَمِن تَحۡتِ أَرۡجُلِهِمۚ مِّنۡهُمۡ أُمَّةٞ مُّقۡتَصِدَةٞۖ وَكَثِيرٞ مِّنۡهُمۡ سَآءَ مَا يَعۡمَلُونَ ﴿٦٦﴾
وئه‌گه‌ر وان كار ب وێ كربا يا د ته‌ورات وئنجيلێ دا هاتى، و ب وێ يا بۆ ته هاتى ئه‌ى پێغه‌مبه‌ر -كو قورئانا پیرۆزه- ژ هه‌ر ڕێكه‌كا هه‌ى ڕزق دا بۆ وان ئێته‌دان، ڤێجا ئه‌م دا بارانێ ل وان بارينين، وفێقى بۆ وان شين كه‌ين. وهندى خودانێن كيتابێنه كۆمه‌كا دادكه‌ر يا كو خۆ ل سه‌ر حه‌قییێ بگرت ژ وان هه‌يه، وگه‌له‌ك ژ وان كارێ وان يێ خرابه.
۞يَـٰٓأَيُّهَا ٱلرَّسُولُ بَلِّغۡ مَآ أُنزِلَ إِلَيۡكَ مِن رَّبِّكَۖ وَإِن لَّمۡ تَفۡعَلۡ فَمَا بَلَّغۡتَ رِسَالَتَهُۥۚ وَٱللَّهُ يَعۡصِمُكَ مِنَ ٱلنَّاسِۗ إِنَّ ٱللَّهَ لَا يَهۡدِي ٱلۡقَوۡمَ ٱلۡكَٰفِرِينَ ﴿٦٧﴾
ئه‌ى پێغه‌مبه‌ر تو وه‌حییا خودێ يا كو بۆ ته ژ نك خودايێ ته هاتییه خوارێ بگه‌هينه، وئه‌گه‌ر تو ته‌خسيریێ د گه‌هاندنێ دا بكه‌ى كو تشته‌كى ژێ ڤه‌شێرى، ئه‌و ته په‌ياما خودايێ خۆ نه‌گه‌هاند، وخودێ پارێزه‌ر وپشته‌ڤانێ ته‌يه ژ دوژمنێن ته، ويا ل سه‌ر ته ب تنێ گه‌هاندنه. هندى خودێیه وى سه‌رڕاست ناكه‌ت يێ ژ ڕێكا حه‌ق ده‌ركه‌ڤت، وباوه‌رییێ ب وێ نه‌ئينت يا بۆ ته ژ نك خودێ هاتى.
قُلۡ يَـٰٓأَهۡلَ ٱلۡكِتَٰبِ لَسۡتُمۡ عَلَىٰ شَيۡءٍ حَتَّىٰ تُقِيمُواْ ٱلتَّوۡرَىٰةَ وَٱلۡإِنجِيلَ وَمَآ أُنزِلَ إِلَيۡكُم مِّن رَّبِّكُمۡۗ وَلَيَزِيدَنَّ كَثِيرٗا مِّنۡهُم مَّآ أُنزِلَ إِلَيۡكَ مِن رَّبِّكَ طُغۡيَٰنٗا وَكُفۡرٗاۖ فَلَا تَأۡسَ عَلَى ٱلۡقَوۡمِ ٱلۡكَٰفِرِينَ ﴿٦٨﴾
تو -ئه‌ى پێغه‌مبه‌ر- بێژه جوهى وفه‌لان: هندى هوين كارى ب وێ نه‌كه‌ن يا كو د ته‌وراتێ وئنجيلێ دا هاتى، و ب وێ يا موحه‌ممه‌د سلاڤ لێ بن بۆ هه‌وه پێ هاتى ژ قورئانێ، هه‌وه چو بار وپشك د دينى دا نابت، وهاتنه خوارا قورئانێ بۆ ته تشته‌كى ژ دفنبلندییێ وكوفرێ پێڤه‌تر ل گه‌له‌ك ژ خودانێن كيتابێ زێده ناكه‌ت، وئه‌و حه‌سويدییێ ب ته دبه‌ن؛ چونكى خودێ تو ب ڤێ په‌ياما دويماهییێ يێ هنارتى، يا كو عه‌يبێن وان ئاشكه‌را دكه‌ت، ڤێجا تو ل سه‌ر كافرییا وان ب خه‌م نه‌كه‌ڤه.