قورئانا پیرۆز › سورەتا المائدة › ئایەتا ٧٠
سورەتا المائدة · ئایەتا ٧٠ ب تەفسیرا کوردی
Al-Ma'idah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُلۡ يَـٰٓأَهۡلَ ٱلۡكِتَٰبِ لَسۡتُمۡ عَلَىٰ شَيۡءٍ حَتَّىٰ تُقِيمُواْ ٱلتَّوۡرَىٰةَ وَٱلۡإِنجِيلَ وَمَآ أُنزِلَ إِلَيۡكُم مِّن رَّبِّكُمۡۗ وَلَيَزِيدَنَّ كَثِيرٗا مِّنۡهُم مَّآ أُنزِلَ إِلَيۡكَ مِن رَّبِّكَ طُغۡيَٰنٗا وَكُفۡرٗاۖ فَلَا تَأۡسَ عَلَى ٱلۡقَوۡمِ ٱلۡكَٰفِرِينَ ﴿٦٨﴾
تو -ئه‌ى پێغه‌مبه‌ر- بێژه جوهى وفه‌لان: هندى هوين كارى ب وێ نه‌كه‌ن يا كو د ته‌وراتێ وئنجيلێ دا هاتى، و ب وێ يا موحه‌ممه‌د سلاڤ لێ بن بۆ هه‌وه پێ هاتى ژ قورئانێ، هه‌وه چو بار وپشك د دينى دا نابت، وهاتنه خوارا قورئانێ بۆ ته تشته‌كى ژ دفنبلندییێ وكوفرێ پێڤه‌تر ل گه‌له‌ك ژ خودانێن كيتابێ زێده ناكه‌ت، وئه‌و حه‌سويدییێ ب ته دبه‌ن؛ چونكى خودێ تو ب ڤێ په‌ياما دويماهییێ يێ هنارتى، يا كو عه‌يبێن وان ئاشكه‌را دكه‌ت، ڤێجا تو ل سه‌ر كافرییا وان ب خه‌م نه‌كه‌ڤه.
إِنَّ ٱلَّذِينَ ءَامَنُواْ وَٱلَّذِينَ هَادُواْ وَٱلصَّـٰبِـُٔونَ وَٱلنَّصَٰرَىٰ مَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَعَمِلَ صَٰلِحٗا فَلَا خَوۡفٌ عَلَيۡهِمۡ وَلَا هُمۡ يَحۡزَنُونَ ﴿٦٩﴾
هندى ئه‌ون يێن باوه‌رى ئيناى (وئه‌و موسلمانن) وجوهى، وصابئى (وئه‌و ملله‌ته‌كن ل سه‌ر خوڕستییا خۆ ماينه، وچو دينه‌كێ ده‌سنيشانكرى وان نه‌بوويه ئه‌و ل دويڤ بچن) وفه‌له (دويكه‌فتییێن مه‌سيحى) هه‌چییێ ژ وان باوه‌رییه‌كا دورست ب خودێ بينت، وباوه‌رییا دورست ئه‌وه ئه‌و باوه‌رییێ ب ته‌وحیدا خودێ وپێغه‌مبه‌رینییا موحه‌ممه‌دى سلاڤ لێ بن بینن، و ب وێ يا ئه‌و پێ هاتى ژى، وباوه‌رییێ ب ڕۆژا دويماهییێ بينن، وكاره‌كێ چاك بكه‌ن، ئه‌وان چو ترسا ژ سه‌هما ڕۆژا قيامه‌تێ ل سه‌ر وان نينه، وئه‌و ل سه‌ر وى تشتێ وان د دنيايێ دا ل پشت خۆ هێلاى ژى ب خه‌م ناكه‌ڤن.
لَقَدۡ أَخَذۡنَا مِيثَٰقَ بَنِيٓ إِسۡرَـٰٓءِيلَ وَأَرۡسَلۡنَآ إِلَيۡهِمۡ رُسُلٗاۖ كُلَّمَا جَآءَهُمۡ رَسُولُۢ بِمَا لَا تَهۡوَىٰٓ أَنفُسُهُمۡ فَرِيقٗا كَذَّبُواْ وَفَرِيقٗا يَقۡتُلُونَ ﴿٧٠﴾
ب ڕاستى مه د ته‌وراتێ دا په‌يمانا موكم ب گوهدانێ ژ ئسرائيلییان وه‌رگرتبوو، ومه پێغه‌مبه‌رێن خۆ ب وێ چه‌ندێ بۆ وان هنارتبوون، به‌لێ وان ئه‌و په‌يمانا ژ وان هاتییه ستاندن شكاند، ووان دويكه‌فتنا دلچونێن خۆ كر، وهه‌ر جاره‌كا پێغه‌مبه‌ره‌ك ژ وان پێغه‌مبه‌ران بۆ وان هاتبا ب وێ يا دلێ وان نه دچوويێ ئه‌و دا دوژمناتییا وى كه‌ن: ڤێجا ئه‌و ده‌سته‌كه‌كێ ژ پێغه‌مبه‌ران دا دره‌وين ده‌رێخن، وده‌سته‌كه‌كا دى دا كوژن.
وَحَسِبُوٓاْ أَلَّا تَكُونَ فِتۡنَةٞ فَعَمُواْ وَصَمُّواْ ثُمَّ تَابَ ٱللَّهُ عَلَيۡهِمۡ ثُمَّ عَمُواْ وَصَمُّواْ كَثِيرٞ مِّنۡهُمۡۚ وَٱللَّهُ بَصِيرُۢ بِمَا يَعۡمَلُونَ ﴿٧١﴾
ووان گونه‌هكارێن هه هزركر كو ژ به‌ر نه‌گوهدارى وزێده گاڤییا وان خودێ وان عه‌زاب ناده‌ت، ڤێجا وان به‌رده‌وامى د دويكه‌فتنا دلچونێن خۆ دا كر، و ژ هيدايه‌تێ كۆره بوون ئێدى وان ئه‌و نه‌ديت، و ژ گوهدانا حه‌قییێ كه‌ڕ بوون له‌و مفا بۆ خۆ ژێ نه‌ديت، ئينا خودێ عه‌زابا خۆ داڕێته سه‌ر وان، ڤێجا وان تۆبه كر وخودێ تۆبا وان قه‌بويل كر، پاشى پشتى حه‌قى بۆ وان ئاشكه‌را بووى، گه‌له‌ك ژ وان كۆره بوون، وكه‌ڕ بوون، وخودێ ب كارێ وان يێ باش ويێ خراب بينه‌ر بوويه، وئه‌و سه‌را وى كارى دێ وان جزا ده‌ت.
لَقَدۡ كَفَرَ ٱلَّذِينَ قَالُوٓاْ إِنَّ ٱللَّهَ هُوَ ٱلۡمَسِيحُ ٱبۡنُ مَرۡيَمَۖ وَقَالَ ٱلۡمَسِيحُ يَٰبَنِيٓ إِسۡرَـٰٓءِيلَ ٱعۡبُدُواْ ٱللَّهَ رَبِّي وَرَبَّكُمۡۖ إِنَّهُۥ مَن يُشۡرِكۡ بِٱللَّهِ فَقَدۡ حَرَّمَ ٱللَّهُ عَلَيۡهِ ٱلۡجَنَّةَ وَمَأۡوَىٰهُ ٱلنَّارُۖ وَمَا لِلظَّـٰلِمِينَ مِنۡ أَنصَارٖ ﴿٧٢﴾
خودايێ مه‌زن سويندێ دخۆت كو هندى ئه‌ون يێن گۆتين: هه‌ما خودێ مه‌سيحێ كوڕێ مه‌ريه‌مێ ب خۆيه، ئه‌و ب ڤێ گۆتنا خۆ دكافرن، وخودايێ مه‌زن گۆت كو مه‌سيحى گۆتبوو ئسرائيلییان: عه‌بدينییا خودێ ب تنێ بكه‌ن وچو شريكان بۆ وى نه‌دانن، وئه‌ز وهوين د عه‌بدينیێ دا وه‌كى ئێكين. وهه‌چییێ هه‌ڤپشكه‌كى د گه‌ل خودێ د عه‌بدينیێ دا بدانت ئه‌و خودێ به‌حه‌شت ل سه‌ر وى حه‌رامكرییه وجهێ وى كرییه ئاگر، وچو پشته‌ڤانه‌ك وى نابت وى ژێ ڕزگار بكه‌ت.