قورئانا پیرۆز › سورەتا المائدة › ئایەتا ٨٢
سورەتا المائدة · ئایەتا ٨٢ ب تەفسیرا کوردی
Al-Ma'idah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
تَرَىٰ كَثِيرٗا مِّنۡهُمۡ يَتَوَلَّوۡنَ ٱلَّذِينَ كَفَرُواْۚ لَبِئۡسَ مَا قَدَّمَتۡ لَهُمۡ أَنفُسُهُمۡ أَن سَخِطَ ٱللَّهُ عَلَيۡهِمۡ وَفِي ٱلۡعَذَابِ هُمۡ خَٰلِدُونَ ﴿٨٠﴾
تو -ئه‌ى پێغه‌مبه‌ر- گه‌له‌ك ژ ڤان جوهییان دێ بينى بوتپه‌رێسان بۆ خۆ دكه‌نه دۆست وسه‌ركار، چ پيسه كاره وان كرى كو بوويه ئه‌گه‌را هندێ خودێ ل وان ب غه‌زه‌ب بێت، ووان ل ڕۆژا قيامه‌تێ د عه‌زابێ دا هه‌ر وهه‌ر بهێلت.
وَلَوۡ كَانُواْ يُؤۡمِنُونَ بِٱللَّهِ وَٱلنَّبِيِّ وَمَآ أُنزِلَ إِلَيۡهِ مَا ٱتَّخَذُوهُمۡ أَوۡلِيَآءَ وَلَٰكِنَّ كَثِيرٗا مِّنۡهُمۡ فَٰسِقُونَ ﴿٨١﴾
وئه‌ڤ جوهییێن پشته‌ڤانییا بوتپه‌رێسان دكه‌ن ئه‌گه‌ر باوه‌رى ب خودێ و موحه‌ممه‌د پێغه‌مبه‌رى سلاڤ لێ بن ئينابا، وباوه‌رى ب وێ ئينابا يا بۆ وى هاتییه خوارێ -كو قورئانا پیرۆزه- وان ئه‌و كافر بۆ خۆ نه‌دكرنه دۆست وپشته‌ڤان، به‌لێ گه‌له‌ك ژ وان ژ گوهدارییا خودێ وپێغه‌مبه‌رێ وى دده‌ركه‌فتينه.
۞لَتَجِدَنَّ أَشَدَّ ٱلنَّاسِ عَدَٰوَةٗ لِّلَّذِينَ ءَامَنُواْ ٱلۡيَهُودَ وَٱلَّذِينَ أَشۡرَكُواْۖ وَلَتَجِدَنَّ أَقۡرَبَهُم مَّوَدَّةٗ لِّلَّذِينَ ءَامَنُواْ ٱلَّذِينَ قَالُوٓاْ إِنَّا نَصَٰرَىٰۚ ذَٰلِكَ بِأَنَّ مِنۡهُمۡ قِسِّيسِينَ وَرُهۡبَانٗا وَأَنَّهُمۡ لَا يَسۡتَكۡبِرُونَ ﴿٨٢﴾
تو -ئه‌ى پێغه‌مبه‌ر- دێ بينى دژوارترين مرۆڤ د نه‌ياره‌تییا وان دا يێن باوه‌رى ب ته ئيناى ودويكه‌فتنا ته كرى، جوهينه؛ ژ به‌ر سه‌رڕه‌قى وكافرى ونه‌ياره‌تییا وان بۆ حه‌قییێ، وئه‌وێن پوتپه‌رێس، وتو دێ بينى نێزيكترينێ وان د ڤيانێ دا بۆ موسلمانان ئه‌ون يێن گۆتين: ئه‌م فه‌له‌ينه؛ ژ به‌ر كو زانا وقه‌شه وعيباده‌تكه‌ر د ناڤ وان دا هه‌نه، وئه‌و خۆ د سه‌ر حه‌قییێ ڕا مه‌زن ناكه‌ن، وئه‌ڤه ئه‌ون يێن په‌ياما موحه‌ممه‌دى سلاڤ لێ بن قه‌بويل كرى، وباوه‌رى پێ ئيناى.
وَإِذَا سَمِعُواْ مَآ أُنزِلَ إِلَى ٱلرَّسُولِ تَرَىٰٓ أَعۡيُنَهُمۡ تَفِيضُ مِنَ ٱلدَّمۡعِ مِمَّا عَرَفُواْ مِنَ ٱلۡحَقِّۖ يَقُولُونَ رَبَّنَآ ءَامَنَّا فَٱكۡتُبۡنَا مَعَ ٱلشَّـٰهِدِينَ ﴿٨٣﴾
و ژ تشتێ هندێ دگه‌هينت كو ڤيانا موسلمانان د دلێن وان دا هه‌يه: ئه‌گه‌ر ده‌سته‌كه‌كێ ژ وان (كو شاندا حه‌به‌شییان بوو) گوهدارییا قورئانێ كر چاڤێن وان دێ ژ رۆندكان تژى بن، وئه‌و دێ زانن كو ئه‌ڤه حه‌قییه یا ژ نك خودێ هاتییه خوارێ، وئه‌و دێ دوعايێ ژ خودێ كه‌ن كو شه‌ڕه‌فا شاهده‌دانا ل سه‌ر ئوممه‌تان د گه‌ل ئوممه‌تا موحه‌ممه‌دى سلاڤ لێ بن بده‌ته وان.
وَمَا لَنَا لَا نُؤۡمِنُ بِٱللَّهِ وَمَا جَآءَنَا مِنَ ٱلۡحَقِّ وَنَطۡمَعُ أَن يُدۡخِلَنَا رَبُّنَا مَعَ ٱلۡقَوۡمِ ٱلصَّـٰلِحِينَ ﴿٨٤﴾
ووان گۆت: ما چ لۆمه ل سه‌ر مه هه‌يه كو مه باوه‌رى ب خودێ ئيناى، و ب وێ حه‌قییێ ژى یا موحه‌ممه‌د سلاڤ لێ بن ژ نك خودێ بۆ مه پێ هاتى، ومه دویكه‌فتنا وى كرى، وئه‌م ب هيڤى بين كو خودايێ مه ڕۆژا قيامه‌تێ مه د گه‌ل عيباده‌تكه‌رێن خۆ بكه‌ته د به‌حه‌شتا خۆ دا؟