قورئانا پیرۆز › سورەتا المائدة › ئایەتا ٩١
سورەتا المائدة · ئایەتا ٩١ ب تەفسیرا کوردی
Al-Ma'idah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
لَا يُؤَاخِذُكُمُ ٱللَّهُ بِٱللَّغۡوِ فِيٓ أَيۡمَٰنِكُمۡ وَلَٰكِن يُؤَاخِذُكُم بِمَا عَقَّدتُّمُ ٱلۡأَيۡمَٰنَۖ فَكَفَّـٰرَتُهُۥٓ إِطۡعَامُ عَشَرَةِ مَسَٰكِينَ مِنۡ أَوۡسَطِ مَا تُطۡعِمُونَ أَهۡلِيكُمۡ أَوۡ كِسۡوَتُهُمۡ أَوۡ تَحۡرِيرُ رَقَبَةٖۖ فَمَن لَّمۡ يَجِدۡ فَصِيَامُ ثَلَٰثَةِ أَيَّامٖۚ ذَٰلِكَ كَفَّـٰرَةُ أَيۡمَٰنِكُمۡ إِذَا حَلَفۡتُمۡۚ وَٱحۡفَظُوٓاْ أَيۡمَٰنَكُمۡۚ كَذَٰلِكَ يُبَيِّنُ ٱللَّهُ لَكُمۡ ءَايَٰتِهِۦ لَعَلَّكُمۡ تَشۡكُرُونَ ﴿٨٩﴾
گه‌لى موسلمانان، خودێ هه‌وه سه‌را وى تشتى جزا ناده‌ت يێ هوين بێ ده‌ستى سويندێ ل سه‌ر دخۆن، وه‌كى هنده‌ك دبێژن: به‌لێ ب خودێ، نه ب خودێ.. به‌لێ ئه‌و سه‌را وان سويندان دێ هه‌وه جزا ده‌ت يێن ژ دل بن، ڤێجا ئه‌گه‌ر هه‌وه سويندا خۆ ب جهـ نه‌ئينا گونه‌ها وێ ب هندێ ژێ دچت كو هوين وێ كفاره‌تا شريعه‌ت پێ هاتى بده‌ن، كو دانا خوارنێیه بۆ ده‌هـ هه‌ژاران، بۆ هه‌ر هه‌ژاره‌كى نيڤ بێده‌رییا وێ خوارنا ناڤنجى يا خه‌لكێ باژێرى ژێ دخۆن، يان دانا جلكى بۆ وان، بۆ هه‌ر هه‌ژاره‌كى كراسه‌كێ تێرا وى بكه‌ت، يان ئازادكرنا به‌نییه‌كى، وئه‌وێ سويندا خۆ شكاندى يێ ب كه‌يفا خۆيه هه‌چییا ژ ڤان هه‌ر سێیان بڤێت بلا بكه‌ت، وهه‌چییێ ئه‌ڤ تشته ب ده‌ست نه‌كه‌ڤن بلا سێ ڕۆژان يێ ب ڕۆژى بت. ئه‌ڤه‌يه گونه‌ها سويند شكاندنێ ڕادكه‌ت، وهوين سويندێن خۆ بپارێزن: ب خۆدويركرنا ژ سويندخوارنێ، يان ب جهئينانا سويندێ، يان ب دانا كفاره‌تێ ئه‌گه‌ر هه‌وه سويند شكاند. وكانێ چاوا خودێ حوكمێ سويندێ وكفاره‌تێ بۆ هه‌وه ئاشكه‌را دكه‌ت وه‌سا ئه‌و ئه‌حكامێن دينێ خۆ ژى بۆ هه‌وه ئاشكه‌را دكه‌ت؛ دا هوين سوپاسییا وى بكه‌ن كو وى هيدايه‌ت ب ڕزقێ هه‌وه كرى وبه‌رێ هه‌وه دايه ڕێكا ڕاست.
يَـٰٓأَيُّهَا ٱلَّذِينَ ءَامَنُوٓاْ إِنَّمَا ٱلۡخَمۡرُ وَٱلۡمَيۡسِرُ وَٱلۡأَنصَابُ وَٱلۡأَزۡلَٰمُ رِجۡسٞ مِّنۡ عَمَلِ ٱلشَّيۡطَٰنِ فَٱجۡتَنِبُوهُ لَعَلَّكُمۡ تُفۡلِحُونَ ﴿٩٠﴾
گه‌لى ئه‌وێن باوه‌رى ب خودێ وپێغه‌مبه‌رێ وى ئيناى، هندى مه‌ی (وئه‌و هه‌ر تشته‌كه عه‌قلى ببه‌ت)، وقومار (وئه‌ڤێ تالع ونه‌صيب ژى دكه‌ڤنه د بن دا، وهه‌ر تشته‌كێ ئێك ژ ئێكى ببه‌ت، وپێڤه موژيل ببن وخودێ ژ بير بكه‌ن)، وصه‌نه‌مێن چكلاندى (وئه‌ڤه ئه‌و به‌ر بوون يێن بوتپه‌رێسان ددانان وقوربان ل نك ڤه‌دكوشتن وه‌ك مه‌زنكرن بۆ وان، وهه‌ر تشته‌كێ بۆ په‌رستنێ بێته‌دانان)، وتالع زانينا ب ڕێكا تيركێشانێ، ئه‌ڤه هه‌مى گونه‌هن، شه‌يتان وان ل به‌ر مرۆڤان شرين دكه‌ت، ڤێجا هوين خۆ ژ وان بده‌نه پاش؛ دا به‌لكى هوين ب چوونا به‌حه‌شتێ سه‌ركه‌ڤن.
إِنَّمَا يُرِيدُ ٱلشَّيۡطَٰنُ أَن يُوقِعَ بَيۡنَكُمُ ٱلۡعَدَٰوَةَ وَٱلۡبَغۡضَآءَ فِي ٱلۡخَمۡرِ وَٱلۡمَيۡسِرِ وَيَصُدَّكُمۡ عَن ذِكۡرِ ٱللَّهِ وَعَنِ ٱلصَّلَوٰةِۖ فَهَلۡ أَنتُم مُّنتَهُونَ ﴿٩١﴾
هه‌ما شه‌يتانى ب شرينكرنا گونه‌هان ل به‌ر هه‌وه دڤێت نه‌ياره‌تییێ وكه‌ربێ بێخيته ناڤبه‌را هه‌وه، ب ڕێكا مه‌ییێ وقومارێ، وبه‌رێ هه‌وه ژ بيرئينانا خودێ ونڤێژێ بده‌ته پاش ژ به‌ر بێ هۆشییا د ڤه‌خوارنا مه‌ییێ دا هه‌ى، ومژويلاهییا د كرنا قومارێ دا هه‌ى، ڤێجا هوين وێ چه‌ندێ به‌س كه‌ن.
وَأَطِيعُواْ ٱللَّهَ وَأَطِيعُواْ ٱلرَّسُولَ وَٱحۡذَرُواْۚ فَإِن تَوَلَّيۡتُمۡ فَٱعۡلَمُوٓاْ أَنَّمَا عَلَىٰ رَسُولِنَا ٱلۡبَلَٰغُ ٱلۡمُبِينُ ﴿٩٢﴾
وهوين -گه‌لى موسلمانان- پێگيرییێ ب گوهدارییا خودێ وگوهدارییا پێغه‌مبه‌رێ وى موحه‌ممه‌دى سلاڤ لێ بن بكه‌ن د هه‌ر تشته‌كى دا يێ هوين دكه‌ن يان دهێلن، وته‌قوایا خودێ د ڤێ چه‌ندێ دا بكه‌ن، وئه‌گه‌ر هه‌وه پشت دا پێگيرییا ب ڤێ چه‌ندێ، هوين بزانن هه‌ما یا ل سه‌ر پێغه‌مبه‌رێ مه موحه‌ممه‌دى سلاڤ لێ بن ئه‌وه ئه‌و په‌یاما مه ئاشكه‌را بگه‌هینته هه‌وه.
لَيۡسَ عَلَى ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ جُنَاحٞ فِيمَا طَعِمُوٓاْ إِذَا مَا ٱتَّقَواْ وَّءَامَنُواْ وَعَمِلُواْ ٱلصَّـٰلِحَٰتِ ثُمَّ ٱتَّقَواْ وَّءَامَنُواْ ثُمَّ ٱتَّقَواْ وَّأَحۡسَنُواْۚ وَٱللَّهُ يُحِبُّ ٱلۡمُحۡسِنِينَ ﴿٩٣﴾
چو گونه‌هـ ل سه‌ر وان خودان باوه‌ران نينه ئه‌وێن مه‌ى ڤه‌خوارى به‌رى ئه‌و بێته حه‌رامكرن، ئه‌گه‌ر وان ئه‌و هێلا وباوه‌رى ب خودێ ئينا وته‌قوایا وى كر، وكارێن چاك كرن، پاشى ب وێ چه‌ندێ باوه‌رى وته‌قوایا وان زێده بوو، حه‌تا ژ زێده باوه‌رییا وان ئه‌و وه‌سا لێ هاتن ده‌مێ وان عيباده‌تێ خودێ دكر هه‌ر وه‌كى وان ئه‌و دديت. هندى خودێیه حه‌ز ژ وان دكه‌ت ئه‌وێن د باوه‌رییا خۆ دا گه‌هشتينه ده‌ره‌جا ئحسانێ، كو باوه‌رییێ ب وى تشتى بینن یێ ئه‌و نه‌بینن هه‌ر وه‌كى ئه‌و وى دبینن.