قورئانا پیرۆز › سورەتا المدثر › ئایەتا ١٧
سورەتا المدثر · ئایەتا ١٧ ب تەفسیرا کوردی
Al-Muddaththir
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ثُمَّ يَطۡمَعُ أَنۡ أَزِيدَ ﴿١٥﴾
پاشى پشتى ڤێ دانێ ئه‌و دلێ خۆ دبه‌تێ كو ئه‌ز مالێ وى وعه‌يالێ وى بۆ وى زێده كه‌م، وئه‌وى كوفر ب من كرییه.
كَلَّآۖ إِنَّهُۥ كَانَ لِأٓيَٰتِنَا عَنِيدٗا ﴿١٦﴾
نه‌خێر وه نينه وه‌كى ئه‌ڤ سه‌رداچوويێ گونه‌هكار دبێژت، ئه‌ز چويێ بۆ وى زێده ناكه‌م؛ چونكى هندى ئه‌و بوو وى باوه‌رى ب قورئانێ نه‌ئينايه ودره‌و ب ده‌ليلێن خودێ كرییه.
سَأُرۡهِقُهُۥ صَعُودًا ﴿١٧﴾
هند نه‌خۆشییا عه‌زابێ ووه‌ستيانێ ئه‌ز دێ ده‌مه وى كو ئه‌و ژێ ڕحه‌ت نه‌بت. ومه‌خسه‌د ب ڤى مرۆڤى وه‌ليدێ كوڕێ موغيره‌يه ئه‌وێ ڕكدارییا حه‌قییێ كرى وئاشكه‌را نه‌ياره‌تییا خودێ وپێغه‌مبه‌رێ وى كرى.
إِنَّهُۥ فَكَّرَ وَقَدَّرَ ﴿١٨﴾
هندى ئه‌و بوو وى د دل دا هزرا خۆ كر بوو، دا تشته‌كى بۆ خۆ ئاماده بكه‌ت طانێ پێ ل موحه‌ممه‌دى سلاڤ لێ بن وقورئانێ بده‌ت.
فَقُتِلَ كَيۡفَ قَدَّرَ ﴿١٩﴾
ڤێجا له‌عنه‌ت ل وى هاته‌كرن، وئه‌و ب وێ چه‌ندێ هێژاى تێچوونێ بوو، چاوا وى د دل دا ئه‌ڤ طانه ئاماده‌كر؟