قورئانا پیرۆز › سورەتا المجادلة › ئایەتا ٦
سورەتا المجادلة · ئایەتا ٦ ب تەفسیرا کوردی
Al-Mujadilah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَمَن لَّمۡ يَجِدۡ فَصِيَامُ شَهۡرَيۡنِ مُتَتَابِعَيۡنِ مِن قَبۡلِ أَن يَتَمَآسَّاۖ فَمَن لَّمۡ يَسۡتَطِعۡ فَإِطۡعَامُ سِتِّينَ مِسۡكِينٗاۚ ذَٰلِكَ لِتُؤۡمِنُواْ بِٱللَّهِ وَرَسُولِهِۦۚ وَتِلۡكَ حُدُودُ ٱللَّهِۗ وَلِلۡكَٰفِرِينَ عَذَابٌ أَلِيمٌ ﴿٤﴾
ڤێجا هه‌چییێ چو به‌نى بۆ ئازاكرنێ ب ده‌ست نه‌كه‌ڤن، دڤێت ئه‌و دو هه‌يڤان ل دويڤێك يێ ب ڕۆژى بت به‌رى ئه‌و ده‌ست بكه‌ته ژنكا خۆ، وهه‌چییێ عوزره‌كا شه‌رعى هه‌بت ونه‌شێت دو هه‌يڤان يێ ب ڕۆژى بت، بلا ئه‌و هند خوارنێ بده‌ته شێست هه‌ژاران كو ئه‌و پێ تێر ببن، ئه‌ڤ حوكمه يێ مه بۆ هه‌وه ئاشكه‌راكرى بۆ هندێیه دا هوين باوه‌رییێ ب خودێ بينن ودويكه‌فتنا پێغه‌مبه‌رێ وى بكه‌ن وكارى ب شريعه‌تێ وى بكه‌ن، ودا هوين وى عه‌ده‌تى بهێلن يێ ل زه‌مانێ جاهليه‌تێ ل نك هه‌وه هه‌ى، وئه‌ڤ حوكمه ئه‌مر وتوخويبێن خودێنه پێ لێ نه‌دانن، وبۆ وان يێ كوفرێ پێ دكه‌ن عه‌زابه‌كا ب ئێش هه‌يه.
إِنَّ ٱلَّذِينَ يُحَآدُّونَ ٱللَّهَ وَرَسُولَهُۥ كُبِتُواْ كَمَا كُبِتَ ٱلَّذِينَ مِن قَبۡلِهِمۡۚ وَقَدۡ أَنزَلۡنَآ ءَايَٰتِۭ بَيِّنَٰتٖۚ وَلِلۡكَٰفِرِينَ عَذَابٞ مُّهِينٞ ﴿٥﴾
هندى ئه‌ون يێن دوژمناتییا خودێ وپێغه‌مبه‌رێ وى دكه‌ن هاتنه ڕه‌زيلكرن وشكاندن، كانێ چاوا ئه‌و ملله‌تێن به‌رى وان يێن دوژمناتییا خودێ وپێغه‌مبه‌رێن وى كرى هاتبوونه ڕه‌زيلكرن، و ب ڕاستى مه ئه‌و ئايه‌تێن ئاشكه‌را ئينانه خوارێ يێن هندێ دگه‌هينن كو شريعه‌تێ خودێ وتوخويبێن وى دحه‌قن، وبۆ وان يێن كوفرێ ب وان ئايه‌تان بكه‌ن عه‌زابه‌كا ڕه‌زيلكه‌ر د جه‌هنه‌مێ دا هه‌يه.
يَوۡمَ يَبۡعَثُهُمُ ٱللَّهُ جَمِيعٗا فَيُنَبِّئُهُم بِمَا عَمِلُوٓاْۚ أَحۡصَىٰهُ ٱللَّهُ وَنَسُوهُۚ وَٱللَّهُ عَلَىٰ كُلِّ شَيۡءٖ شَهِيدٌ ﴿٦﴾
وتو -ئه‌ى پێغه‌مبه‌ر- به‌حسێ ڕۆژا قيامه‌تێ بكه، ڕۆژا خودێ مرییان تێدا زێندى دكه‌ت، وهه‌مییان يێن پێشییێ ويێن پاشییێ ل جهه‌كى كۆم دكه‌ت، وبه‌حسێ وى كارى بۆ وان دكه‌ت يێ وان كرى چ باشى بت چ خرابى، خودێ ئه‌و كار هژمارتينه و د له‌وحێ پاراستى دا نڤيسينه، ووان ئه‌و ژبير كربوون. وخودێ ل سه‌ر هه‌مى تشتان شاهده، چو ل وى به‌رزه نابت.
أَلَمۡ تَرَ أَنَّ ٱللَّهَ يَعۡلَمُ مَا فِي ٱلسَّمَٰوَٰتِ وَمَا فِي ٱلۡأَرۡضِۖ مَا يَكُونُ مِن نَّجۡوَىٰ ثَلَٰثَةٍ إِلَّا هُوَ رَابِعُهُمۡ وَلَا خَمۡسَةٍ إِلَّا هُوَ سَادِسُهُمۡ وَلَآ أَدۡنَىٰ مِن ذَٰلِكَ وَلَآ أَكۡثَرَ إِلَّا هُوَ مَعَهُمۡ أَيۡنَ مَا كَانُواْۖ ثُمَّ يُنَبِّئُهُم بِمَا عَمِلُواْ يَوۡمَ ٱلۡقِيَٰمَةِۚ إِنَّ ٱللَّهَ بِكُلِّ شَيۡءٍ عَلِيمٌ ﴿٧﴾
ئه‌رێ ما ته نه‌زانییه كو هه‌ر تشته‌كێ ل عه‌سمانان و ل عه‌ردى هه‌بت خودێ پێ دزانت؟ نينه سێ مرۆڤ ب دزى ڤه د گه‌ل ئێك باخڤن ئه‌گه‌ر خودێ ب زانينا خۆ د گه‌ل وان يێ چارێ نه‌بت، ونه پێنج كه‌س ئه‌گه‌ر ئه‌و د گه‌ل وان يێ شه‌شێ نه‌بت، ونه كێمتر ژ ڤێ هژمارێ ونه پتر ئه‌گه‌ر ئه‌و ب زانينا خۆ د گه‌ل وان نه‌بت چى جهێ ئه‌و لێ بن، تشته‌ك ژ حالێ وان ل وى به‌رزه نابت، پاشى ل ڕۆژا قيامه‌تێ ئه‌و دێ بۆ وان به‌حسێ وى كارى كه‌ت يێ وان كرى چ باشى بت چ خرابى بت وئه‌و دێ وان سه‌را جزا ده‌ت. هندى خودێیه ب هه‌ر تشته‌كى يێ پڕزانايه.
أَلَمۡ تَرَ إِلَى ٱلَّذِينَ نُهُواْ عَنِ ٱلنَّجۡوَىٰ ثُمَّ يَعُودُونَ لِمَا نُهُواْ عَنۡهُ وَيَتَنَٰجَوۡنَ بِٱلۡإِثۡمِ وَٱلۡعُدۡوَٰنِ وَمَعۡصِيَتِ ٱلرَّسُولِۖ وَإِذَا جَآءُوكَ حَيَّوۡكَ بِمَا لَمۡ يُحَيِّكَ بِهِ ٱللَّهُ وَيَقُولُونَ فِيٓ أَنفُسِهِمۡ لَوۡلَا يُعَذِّبُنَا ٱللَّهُ بِمَا نَقُولُۚ حَسۡبُهُمۡ جَهَنَّمُ يَصۡلَوۡنَهَاۖ فَبِئۡسَ ٱلۡمَصِيرُ ﴿٨﴾
ئه‌رێ ما ته -ئه‌ى پێغه‌مبه‌ر- ئه‌و جوهى نه‌ديتينه يێن هاتينه پاشڤه‌برن ژ گۆتنا ب دزى ڤه ئه‌وا گومانێ دئێخته دلێ خودان باوه‌ران، پاشى ئه‌و ل وێ دزڤڕنه‌ڤه يا ئه‌و ژێ هاتينه پاشڤه‌برن، وئه‌و ب دزى ڤه وێ گۆتنێ دبێژن يا ب گونه‌هـ ويا دوژمناتى وبێ ئه‌مرییا پێغه‌مبه‌رى تێدا؟ وئه‌گه‌ر ئه‌ڤ جوهییه بۆ كاره‌كى هاتنه نك ته -ئه‌ى پێغه‌مبه‌ر- ل شوينا وێ سلاڤێ يا خودێ بۆ ته كرییه سلاڤ ئه‌و دبێژنه ته: (السام عليك) یه‌عنى: مرن بۆ ته بت، وئه‌و د ناڤبه‌را خۆ دا دبێژن: ئه‌گه‌ر ڕاسته موحه‌ممه‌د پێغه‌مبه‌ره پا دێ بلا خودێ مه ب ڤێ گۆتنێ يا ئه‌م دبێژينه وى عه‌زاب بده‌ت، جه‌هنه‌م تێرا وان هه‌يه ئه‌و بچنێ، وتام بكه‌نه گه‌رماتییا وێ، ڤێجا ئه‌و چ پيسه جهه ئه‌و دزڤڕنێ.