قورئانا پیرۆز › سورەتا المجادلة › ئایەتا ٩
سورەتا المجادلة · ئایەتا ٩ ب تەفسیرا کوردی
Al-Mujadilah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَلَمۡ تَرَ أَنَّ ٱللَّهَ يَعۡلَمُ مَا فِي ٱلسَّمَٰوَٰتِ وَمَا فِي ٱلۡأَرۡضِۖ مَا يَكُونُ مِن نَّجۡوَىٰ ثَلَٰثَةٍ إِلَّا هُوَ رَابِعُهُمۡ وَلَا خَمۡسَةٍ إِلَّا هُوَ سَادِسُهُمۡ وَلَآ أَدۡنَىٰ مِن ذَٰلِكَ وَلَآ أَكۡثَرَ إِلَّا هُوَ مَعَهُمۡ أَيۡنَ مَا كَانُواْۖ ثُمَّ يُنَبِّئُهُم بِمَا عَمِلُواْ يَوۡمَ ٱلۡقِيَٰمَةِۚ إِنَّ ٱللَّهَ بِكُلِّ شَيۡءٍ عَلِيمٌ ﴿٧﴾
ئه‌رێ ما ته نه‌زانییه كو هه‌ر تشته‌كێ ل عه‌سمانان و ل عه‌ردى هه‌بت خودێ پێ دزانت؟ نينه سێ مرۆڤ ب دزى ڤه د گه‌ل ئێك باخڤن ئه‌گه‌ر خودێ ب زانينا خۆ د گه‌ل وان يێ چارێ نه‌بت، ونه پێنج كه‌س ئه‌گه‌ر ئه‌و د گه‌ل وان يێ شه‌شێ نه‌بت، ونه كێمتر ژ ڤێ هژمارێ ونه پتر ئه‌گه‌ر ئه‌و ب زانينا خۆ د گه‌ل وان نه‌بت چى جهێ ئه‌و لێ بن، تشته‌ك ژ حالێ وان ل وى به‌رزه نابت، پاشى ل ڕۆژا قيامه‌تێ ئه‌و دێ بۆ وان به‌حسێ وى كارى كه‌ت يێ وان كرى چ باشى بت چ خرابى بت وئه‌و دێ وان سه‌را جزا ده‌ت. هندى خودێیه ب هه‌ر تشته‌كى يێ پڕزانايه.
أَلَمۡ تَرَ إِلَى ٱلَّذِينَ نُهُواْ عَنِ ٱلنَّجۡوَىٰ ثُمَّ يَعُودُونَ لِمَا نُهُواْ عَنۡهُ وَيَتَنَٰجَوۡنَ بِٱلۡإِثۡمِ وَٱلۡعُدۡوَٰنِ وَمَعۡصِيَتِ ٱلرَّسُولِۖ وَإِذَا جَآءُوكَ حَيَّوۡكَ بِمَا لَمۡ يُحَيِّكَ بِهِ ٱللَّهُ وَيَقُولُونَ فِيٓ أَنفُسِهِمۡ لَوۡلَا يُعَذِّبُنَا ٱللَّهُ بِمَا نَقُولُۚ حَسۡبُهُمۡ جَهَنَّمُ يَصۡلَوۡنَهَاۖ فَبِئۡسَ ٱلۡمَصِيرُ ﴿٨﴾
ئه‌رێ ما ته -ئه‌ى پێغه‌مبه‌ر- ئه‌و جوهى نه‌ديتينه يێن هاتينه پاشڤه‌برن ژ گۆتنا ب دزى ڤه ئه‌وا گومانێ دئێخته دلێ خودان باوه‌ران، پاشى ئه‌و ل وێ دزڤڕنه‌ڤه يا ئه‌و ژێ هاتينه پاشڤه‌برن، وئه‌و ب دزى ڤه وێ گۆتنێ دبێژن يا ب گونه‌هـ ويا دوژمناتى وبێ ئه‌مرییا پێغه‌مبه‌رى تێدا؟ وئه‌گه‌ر ئه‌ڤ جوهییه بۆ كاره‌كى هاتنه نك ته -ئه‌ى پێغه‌مبه‌ر- ل شوينا وێ سلاڤێ يا خودێ بۆ ته كرییه سلاڤ ئه‌و دبێژنه ته: (السام عليك) یه‌عنى: مرن بۆ ته بت، وئه‌و د ناڤبه‌را خۆ دا دبێژن: ئه‌گه‌ر ڕاسته موحه‌ممه‌د پێغه‌مبه‌ره پا دێ بلا خودێ مه ب ڤێ گۆتنێ يا ئه‌م دبێژينه وى عه‌زاب بده‌ت، جه‌هنه‌م تێرا وان هه‌يه ئه‌و بچنێ، وتام بكه‌نه گه‌رماتییا وێ، ڤێجا ئه‌و چ پيسه جهه ئه‌و دزڤڕنێ.
يَـٰٓأَيُّهَا ٱلَّذِينَ ءَامَنُوٓاْ إِذَا تَنَٰجَيۡتُمۡ فَلَا تَتَنَٰجَوۡاْ بِٱلۡإِثۡمِ وَٱلۡعُدۡوَٰنِ وَمَعۡصِيَتِ ٱلرَّسُولِ وَتَنَٰجَوۡاْ بِٱلۡبِرِّ وَٱلتَّقۡوَىٰۖ وَٱتَّقُواْ ٱللَّهَ ٱلَّذِيٓ إِلَيۡهِ تُحۡشَرُونَ ﴿٩﴾
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، ئه‌گه‌ر هوين ب دزى ڤه د گه‌ل ئێك ودو ئاخفتن هوين ب وێ گۆتنێ نه‌ئاخڤن يا ب گونه‌هـ بت، يان دوژمناتییا خه‌لكى، وبێ ئه‌مرییا پێغه‌مبه‌رى تێدا بت، وهوين ب وى تشتى باخڤن يێ خێر وباشى تێدا بت، وهوين ژ خودێ بترسن و ب گۆتنا وى بكه‌ن، وزڤڕينا هه‌وه ب وان هه‌مى گۆتن وكرياران ڤه يێن وى ل سه‌ر هه‌وه هژمارتين بۆ نك وییه، وئه‌و دێ هه‌وه سه‌را وان جزا ده‌ت.
إِنَّمَا ٱلنَّجۡوَىٰ مِنَ ٱلشَّيۡطَٰنِ لِيَحۡزُنَ ٱلَّذِينَ ءَامَنُواْ وَلَيۡسَ بِضَآرِّهِمۡ شَيۡـًٔا إِلَّا بِإِذۡنِ ٱللَّهِۚ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ ﴿١٠﴾
هه‌ما ئاخفتنا ب دزى ڤه ب وێ گۆتنێ يا گونه‌هـ تێدا بت ژ كارێ شه‌يتانییه، ئه‌وه وێ ل به‌ر مرۆڤى شرين دكه‌ت، وبه‌رێ وى دده‌تێ؛ دا ئه‌و خه‌مێ پێ بێخته دلێن خودان باوه‌ران، وئه‌و ب خۆ قه‌ت زيانه‌كێ ناگه‌هينته خودان باوه‌ران ئه‌گه‌ر ڤيانا خودێ وئيرادا وى ل سه‌ر نه‌بت. وخودان باوه‌ر بلا خۆ بهێلنه ب هيڤییا خودێ ب تنێ ڤه.
يَـٰٓأَيُّهَا ٱلَّذِينَ ءَامَنُوٓاْ إِذَا قِيلَ لَكُمۡ تَفَسَّحُواْ فِي ٱلۡمَجَٰلِسِ فَٱفۡسَحُواْ يَفۡسَحِ ٱللَّهُ لَكُمۡۖ وَإِذَا قِيلَ ٱنشُزُواْ فَٱنشُزُواْ يَرۡفَعِ ٱللَّهُ ٱلَّذِينَ ءَامَنُواْ مِنكُمۡ وَٱلَّذِينَ أُوتُواْ ٱلۡعِلۡمَ دَرَجَٰتٖۚ وَٱللَّهُ بِمَا تَعۡمَلُونَ خَبِيرٞ ﴿١١﴾
ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى و ب هيدايه‌تا وى هاتينه سه‌ر ڕێ، ئه‌گه‌ر داخواز ژ هه‌وه هاته‌كرن كو هنده‌ك ژ هه‌وه جهى بۆ هنده‌كان به‌رفره‌هـ بكه‌ن هوين وه بكه‌ن، خودێ ژى ل دنيايێ وئاخره‌تێ دێ ل سه‌ر هه‌وه كه‌ته به‌رفره‌هى، وئه‌گه‌ر داخواز ژ هه‌وه -گه‌لی خودان باوه‌ران- هاته‌كرن كو هوين بۆ كاره‌كێ خێرا هه‌وه تێدا ژ جهێ خۆ ڕاببن هوين ڕابن، خودێ مه‌رته‌با خودان باوه‌رێن دلسۆز ژ هه‌وه دێ بلند كه‌ت، وئه‌و مه‌رته‌با خودانێن زانينێ ژى د خێر وڕازيبوونێ دا گه‌له‌ك دێ بلند كه‌ت، وخودايێ مه‌زن ب كريارێن هه‌وه يێ شاره‌زايه تشته‌ك ژێ ل وى به‌رزه نابت، وئه‌و دێ هه‌وه سه‌را جزا ده‌ت. وئه‌ڤ ئايه‌ته ئيشاره‌تێ دده‌ته بهايێ زانايان، وده‌ره‌جێن وان يێن بلند.