قورئانا پیرۆز › سورەتا المؤمنون › ئایەتا ١٠٤
سورەتا المؤمنون · ئایەتا ١٠٤ ب تەفسیرا کوردی
Al-Mu'minun
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَمَن ثَقُلَتۡ مَوَٰزِينُهُۥ فَأُوْلَـٰٓئِكَ هُمُ ٱلۡمُفۡلِحُونَ ﴿١٠٢﴾
ڤێجا هه‌چییێ خێرێن وى بوونه گه‌له‌ك وته‌رازییا كريارێن وى پێ گران بوو، ئه‌و ئه‌ون به‌حه‌شت ب ده‌ست خۆ ڤه ئيناى.
وَمَنۡ خَفَّتۡ مَوَٰزِينُهُۥ فَأُوْلَـٰٓئِكَ ٱلَّذِينَ خَسِرُوٓاْ أَنفُسَهُمۡ فِي جَهَنَّمَ خَٰلِدُونَ ﴿١٠٣﴾
وهه‌چییێ خێرێن وى د ته‌رازییێ دا كێم بوون، وگونه‌هێن وى پتر لێ هاتن، وگونه‌ها ژ هه‌مییان مه‌زنتر شركه، ئه‌و ئه‌ون يێن زيان كرى وشه‌رمزار بووين، هه‌ر وهه‌ر دێ د ئاگرێ جه‌هنه‌مێ دا بن.
تَلۡفَحُ وُجُوهَهُمُ ٱلنَّارُ وَهُمۡ فِيهَا كَٰلِحُونَ ﴿١٠٤﴾
ئاگر ڕوییێن وان دسۆژت، وئه‌و تێدا د ناڤچاڤ گرێنه ولێڤ ل وان هشك دبن وتێك دچن، وددانێن وان قيچ دبن.
أَلَمۡ تَكُنۡ ءَايَٰتِي تُتۡلَىٰ عَلَيۡكُمۡ فَكُنتُم بِهَا تُكَذِّبُونَ ﴿١٠٥﴾
بۆ وان دئێته گۆتن: ئه‌رێ ما ئايه‌تێن قورئانێ د دنيايێ دا بۆ هه‌وه نه‌دهاتنه خواندن، وهه‌وه دره‌و پێ دكر؟
قَالُواْ رَبَّنَا غَلَبَتۡ عَلَيۡنَا شِقۡوَتُنَا وَكُنَّا قَوۡمٗا ضَآلِّينَ ﴿١٠٦﴾
ده‌مێ پێغه‌مبه‌رێن وان په‌يام گه‌هاندییه وان وئه‌و ترساندين وان ل ڕۆژا قيامه‌تێ گۆت: خودايێ مه ئه‌و خۆشى ودلچونێن ته بۆ مه نڤيسين ب سه‌ر مه ڤه هاتن و ل سه‌ر مه زال بوون، وئه‌م ب ڤێ كريارا خۆ ژ حه‌قییێ دبه‌رزه بووين.