قورئانا پیرۆز › سورەتا المؤمنون › ئایەتا ١١٥
سورەتا المؤمنون · ئایەتا ١١٥ ب تەفسیرا کوردی
Al-Mu'minun
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَالُواْ لَبِثۡنَا يَوۡمًا أَوۡ بَعۡضَ يَوۡمٖ فَسۡـَٔلِ ٱلۡعَآدِّينَ ﴿١١٣﴾
ژ به‌ر دژوارییا عه‌زابێ ونه‌خۆشییا جهى ئه‌و دبێژن: ڕۆژه‌كێ يان دانه‌كى ئه‌م لێ مابووين، ڤێجا پسيارا وان بكه يێن ڕۆژ وهه‌يڤان دهژمێرن.
قَٰلَ إِن لَّبِثۡتُمۡ إِلَّا قَلِيلٗاۖ لَّوۡ أَنَّكُمۡ كُنتُمۡ تَعۡلَمُونَ ﴿١١٤﴾
وى گۆته وان: ده‌مه‌كێ كێم هوين لێ مابوون، ئه‌گه‌ر هه‌وه صه‌بر ل سه‌ر گوهدارییا خودێ كێشابا هوين دا به‌حه‌شتێ ب ده‌ست خۆ ڤه ئينن، ئه‌گه‌ر هه‌وه زانينه‌ك ب وێ چه‌ندێ هه‌با؛ ئه‌ڤه چونكى مانا د دنيايێ دا ل به‌رانبه‌ر هه‌رمانا د ئاگرى دا گه‌له‌ك يا كێمه.
أَفَحَسِبۡتُمۡ أَنَّمَا خَلَقۡنَٰكُمۡ عَبَثٗا وَأَنَّكُمۡ إِلَيۡنَا لَا تُرۡجَعُونَ ﴿١١٥﴾
ئه‌رێ ڤێجا هه‌وه -گه‌لی چێكرییان- هزركربوو هه‌ما مه ژ قه‌ستا هوين ئافراندينه، نه ئه‌م چو فه‌رمانان ل هه‌وه دكه‌ين ونه هه‌وه ژ چو تشتان دده‌ينه پاش، وكو هوين ل ئاخره‌تێ بۆ حسێب وجزادانێ نازڤڕنه نك مه؟
فَتَعَٰلَى ٱللَّهُ ٱلۡمَلِكُ ٱلۡحَقُّۖ لَآ إِلَٰهَ إِلَّا هُوَ رَبُّ ٱلۡعَرۡشِ ٱلۡكَرِيمِ ﴿١١٦﴾
ڤێجا يێ بلند بت خودێ مه‌لكێ حه‌ق، ويێ پيرۆز بت ژ هندێ كو ئه‌و تشته‌كى ژ قه‌ستا چێ بكه‌ت، ژ وى پێڤه‌تر چو خودا يێن ڕاست نينن، خودانێ عه‌رشێ ب قه‌دره.
وَمَن يَدۡعُ مَعَ ٱللَّهِ إِلَٰهًا ءَاخَرَ لَا بُرۡهَٰنَ لَهُۥ بِهِۦ فَإِنَّمَا حِسَابُهُۥ عِندَ رَبِّهِۦٓۚ إِنَّهُۥ لَا يُفۡلِحُ ٱلۡكَٰفِرُونَ ﴿١١٧﴾
وهه‌چییێ د گه‌ل خودايێ ئێك ئێكێ دى بپه‌رێست، ووى چو هێجه‌ت ل سه‌ر هندێ نه‌بن كو ئه‌و هێژاى په‌رستنێیه، هه‌ما جزايێ كريارا وى يا خراب ل ئاخره‌تێ ل سه‌ر خودێیه. ل ڕۆژا قيامه‌تێ سه‌ركه‌فتن وئيفله‌حى بۆ كافران نينه.