قورئانا پیرۆز › سورەتا المؤمنون › ئایەتا ٣٢
سورەتا المؤمنون · ئایەتا ٣٢ ب تەفسیرا کوردی
Al-Mu'minun
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّ فِي ذَٰلِكَ لَأٓيَٰتٖ وَإِن كُنَّا لَمُبۡتَلِينَ ﴿٣٠﴾
هندى د ڕزگاركرنا خودان باوه‌ران وتێبرنا كافران دايه ده‌ليلێن ئاشكه‌را ل سه‌ر ڕاستگۆيییا پێغه‌مبه‌رێن خودێ د وى تشتى دا يێ ئه‌و پێ ژ نك خودێ هاتين هه‌نه، هه‌ر چه‌نده ئه‌م ب هنارتنا پێغه‌مبه‌ران ملله‌تان دجه‌ڕبينين ژى، به‌رى وان عه‌زاب بده‌ين.
ثُمَّ أَنشَأۡنَا مِنۢ بَعۡدِهِمۡ قَرۡنًا ءَاخَرِينَ ﴿٣١﴾
پاشى پشتى ملله‌تێ نووحى مه ملله‌ته‌كێ دى دورستكر كو ملله‌تێ عادییان بوو.
فَأَرۡسَلۡنَا فِيهِمۡ رَسُولٗا مِّنۡهُمۡ أَنِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ ﴿٣٢﴾
ومه پێغه‌مبه‌ره‌ك بۆ وان هه‌ر ژ وان هنارت كو هوود بوو، ڤێجا وى گۆته وان: هوين خودێ ب تنێ بپه‌رێسن، ژ وى پێڤه‌تر هه‌وه چو خودايێن حه‌ق نينن، ئه‌رێ ڤێجا هوين ژ عه‌زابا وى ناترسن ئه‌گه‌ر هه‌وه په‌رستنا ئێكێ دى ژبلی وى كر؟
وَقَالَ ٱلۡمَلَأُ مِن قَوۡمِهِ ٱلَّذِينَ كَفَرُواْ وَكَذَّبُواْ بِلِقَآءِ ٱلۡأٓخِرَةِ وَأَتۡرَفۡنَٰهُمۡ فِي ٱلۡحَيَوٰةِ ٱلدُّنۡيَا مَا هَٰذَآ إِلَّا بَشَرٞ مِّثۡلُكُمۡ يَأۡكُلُ مِمَّا تَأۡكُلُونَ مِنۡهُ وَيَشۡرَبُ مِمَّا تَشۡرَبُونَ ﴿٣٣﴾
ومه‌زن وماقويلێن كافر بووين ژ ملله‌تێ وى، وباوه‌رى ب ژينا ئاخره‌تێ نه‌ئيناى، وخۆشییێن دنيايێ ئه‌و تێر وهێڕ كرين گۆتن: ئه‌ڤه ئه‌وێ به‌رێ هه‌وه دده‌ته ته‌وحيدا خودێ مرۆڤه‌كێ وه‌كى هه‌وه‌يه، ژ وى تشتى دخۆت يێ هوين ژێ دخۆن، و ژ وى ڤه‌دخۆت يێ هوين ژێ ڤه‌دخۆن.
وَلَئِنۡ أَطَعۡتُم بَشَرٗا مِّثۡلَكُمۡ إِنَّكُمۡ إِذٗا لَّخَٰسِرُونَ ﴿٣٤﴾
وئه‌گه‌ر هوين دويكه‌فتنا مرۆڤه‌كێ وه‌كى خۆ بكه‌ن هنگى هوين دزيانكارن كو هه‌وه خوداوه‌ندێن خۆ هێلاين، ودويكه‌فتنا وى كرى.