قورئانا پیرۆز › سورەتا المؤمنون › ئایەتا ٣٩
سورەتا المؤمنون · ئایەتا ٣٩ ب تەفسیرا کوردی
Al-Mu'minun
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنۡ هِيَ إِلَّا حَيَاتُنَا ٱلدُّنۡيَا نَمُوتُ وَنَحۡيَا وَمَا نَحۡنُ بِمَبۡعُوثِينَ ﴿٣٧﴾
هه‌ما ژينا مه د ڤێ دنيايێ ب تنێ دايه، باب دمرن وعه‌يال جهێ وان دگرن، وئه‌م جاره‌كا دى ب ساخى نائێينه ڕاكرن.
إِنۡ هُوَ إِلَّا رَجُلٌ ٱفۡتَرَىٰ عَلَى ٱللَّهِ كَذِبٗا وَمَا نَحۡنُ لَهُۥ بِمُؤۡمِنِينَ ﴿٣٨﴾
وئه‌ڤێ به‌رێ هه‌وه دده‌ته باوه‌رییێ، هه‌ما زه‌لامه‌كه دره‌وان ژ نك خۆ ل سه‌ر ناڤێ خودێ دكه‌ت، وئه‌م باوه‌رییێ ب وێ نائينين يا ئه‌و دبێژته مه.
قَالَ رَبِّ ٱنصُرۡنِي بِمَا كَذَّبُونِ ﴿٣٩﴾
ئينا پێغه‌مبه‌رێ وان دوعا ژ خودايێ خۆ كر وگۆت: خودايێ من ژ به‌ر دره‌وين ده‌رێخستنا وان بۆ من، تو من ب سه‌ر وان بێخه.
قَالَ عَمَّا قَلِيلٖ لَّيُصۡبِحُنَّ نَٰدِمِينَ ﴿٤٠﴾
وخودێ د به‌رسڤا دوعايا وى دا گۆت: پشتى ده‌مه‌كێ نێزيك ئه‌و دێ په‌شێمان بن.
فَأَخَذَتۡهُمُ ٱلصَّيۡحَةُ بِٱلۡحَقِّ فَجَعَلۡنَٰهُمۡ غُثَآءٗۚ فَبُعۡدٗا لِّلۡقَوۡمِ ٱلظَّـٰلِمِينَ ﴿٤١﴾
وده‌مه‌كێ درێژ پێڤه نه‌چوو حه‌تا قێرییه‌كا دژوار د گه‌ل هڕه‌بایه‌كى ب سه‌ر وان دا هات، خودێ ئه‌و پێ تێبرن، وئه‌و وه‌كى قرشێ ب سه‌ر ئاڤێ دكه‌ڤت لێ هاتن، ڤێجا تێچوون ودويركه‌فتنا ژ ڕه‌حما خودێ بۆ ڤان زۆرداران بت، وبلا گوهدار دهشيار بن پێغه‌مبه‌رێ خۆ دره‌وين ده‌رنه‌ئێخن، ئه‌گه‌ر ئه‌و دێ ب سه‌رێ وان ئێت يا ب سه‌رێ يێن به‌رى وان هاتى.