قورئانا پیرۆز › سورەتا المؤمنون › ئایەتا ٤٦
سورەتا المؤمنون · ئایەتا ٤٦ ب تەفسیرا کوردی
Al-Mu'minun
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ثُمَّ أَرۡسَلۡنَا رُسُلَنَا تَتۡرَاۖ كُلَّ مَا جَآءَ أُمَّةٗ رَّسُولُهَا كَذَّبُوهُۖ فَأَتۡبَعۡنَا بَعۡضَهُم بَعۡضٗا وَجَعَلۡنَٰهُمۡ أَحَادِيثَۚ فَبُعۡدٗا لِّقَوۡمٖ لَّا يُؤۡمِنُونَ ﴿٤٤﴾
پاشى مه پێغه‌مبه‌رێن خۆ ل دويڤ ئێك بۆ وان ملله‌تان هنارتن، هه‌ر جاره‌كا پێغه‌مبه‌ره‌كى د ناڤ ملله‌تێ خۆ دا گازى به‌لاڤكر بت وان ئه‌و دره‌وين ده‌رێخستییه، ڤێجا مه ئه‌و ب دويڤ ئێك دا يێن برينه هيلاكێ، وژبلی ده‌نگ وباسێن نه‌مانا وان تشته‌ك ژ وان نه‌مايه، ومه ئه‌و بۆ ملله‌تێن د دويڤ وان دا هاتين كرنه به‌حس وسوحبه‌ت، ئه‌و عيبره‌تان بۆ خۆ ژێ وه‌ردگرن، ڤێجا تێچوون ونه‌مان بۆ وى ملله‌تى بت يێ باوه‌رییێ نه‌ئينت.
ثُمَّ أَرۡسَلۡنَا مُوسَىٰ وَأَخَاهُ هَٰرُونَ بِـَٔايَٰتِنَا وَسُلۡطَٰنٖ مُّبِينٍ ﴿٤٥﴾
پاشى مه مووسا وبرايێ وى هاروون ب هه‌ر نه‌ه ئايه‌تێن خۆ هنارتن، ئه‌و هێجه‌ته‌كا ئاشكه‌را بوو دلێن خودان باوه‌ران ب لايێ خۆ ڤه دكێشان، وچو هێجه‌ت بۆ هه‌ڤڕكان نه‌دهێلان.
إِلَىٰ فِرۡعَوۡنَ وَمَلَإِيْهِۦ فَٱسۡتَكۡبَرُواْ وَكَانُواْ قَوۡمًا عَالِينَ ﴿٤٦﴾
مه ئه‌و بۆ مه‌زنێ مصرێ فيرعه‌ونى وماقويلێن ملله‌تێ وى هنارت، ئينا وان خۆ ژ باوه‌رى ئينانێ مه‌زنتر لێ كر، وئه‌و ملله‌ته‌ك بوون وان خۆ د سه‌ر مرۆڤان ڕا دديت، وزۆردارى ل وان دكر.
فَقَالُوٓاْ أَنُؤۡمِنُ لِبَشَرَيۡنِ مِثۡلِنَا وَقَوۡمُهُمَا لَنَا عَٰبِدُونَ ﴿٤٧﴾
ئينا وان گۆت: ئه‌رێ ئه‌م دێ باوه‌رییێ ب دو مرۆڤێن وه‌كى خۆ ئينين، وملله‌تێ وان ژ ئسرائيلییان ل بن فه‌رمانا مه‌نه وگوهدارییا مه دكه‌ن وخۆ بۆ مه ڕه‌زيل دكه‌ن؟
فَكَذَّبُوهُمَا فَكَانُواْ مِنَ ٱلۡمُهۡلَكِينَ ﴿٤٨﴾
ڤێجا وان ئه‌و د وى تشتى دا دره‌وين ده‌رێخستن يێ ئه‌و بۆ وان پێ هاتين، ئينا ئه‌و بوونه ژ وان تێچوويان يێن د ده‌ريايێ دا خندقين.